تأخر يسرة العجوم!!

[راشد بن مخيزن المنصوري]

السلام عليكم ورحمة الله وبركاته وكل عام وانتم بخير ، كان عندي العام عجوم لقايا وبغيت أمرحهن للفحل عندنا فيوم دخلتهن عليه قام يتكرفهن ويتركهن أويعضهن بعض المرات , قلت ممكن انه بعير عيوف مايداني العجوم الصغار , فقمت وديتهن الى بعير آخر وكانت النتيجه انه يتكرفهن ويتركهن كذلك فقلت اخليهن معه في الشبك مده ممكن يقبظ شي منهن ولكن ماشي فايده فقالي واحد من الشواب الله يذكره بالخير ان العجوم تبطي يسرتهن وتكون من شهر 2 الى 3 حيث ان وقتها يكون الجو بارد , اخذت بمشورت هذا الشايب ودخلتهن على البعير خلال تلك التواريخ والنتيجة كذلك سلبية. واستمر الحال السنه دخلتهن عند البعير في الشبك من طلع سهيل اربهن يسرن من وقت ويلقحن ولين يومك و كانت النتيجة ان البوش الكبار كلهن لقحن الا هذي العجوم. فهل اجيب الدكتور يدخل عليهن او أجيب السوداني يقطع عنهن ............... ؟؟؟؟؟؟ علما أنهن موب سمان أو ضعاف

[سالم أل حيدر]

http://www.mzayan.com/vb/mwaextraedit4/extra/18.gif


مرحبا اخوي راشد حسب كلامك العجوم العام لقايا وصحيح بعض العجوم
تبطي مايسرت أنا اشوف والعلم عند الله انك تصبر عليهم حتي تدخل ليالي (البرد القارصة) اللي تيسر فيها البل وان شاء الله انها بتيسر لاتستعجل على السوداني وابره اليسرة عطها البرسيم الصافي والملح العربي وسنها الحين اجذعات احسن لقاح للبكار
وفية اكبر مني واعلم مني

[راشد بن مخيزن المنصوري]

http://www.mzayan.com/vb/mwaextraedit4/extra/18.gif


مرحبا اخوي راشد حسب كلامك العجوم العام لقايا وصحيح بعض العجوم
تبطي مايسرت أنا اشوف والعلم عند الله انك تصبر عليهم حتي تدخل ليالي (البرد القارصة) اللي تيسر فيها البل وان شاء الله انها بتيسر لاتستعجل على السوداني وابره اليسرة عطها البرسيم الصافي والملح العربي وسنها الحين اجذعات احسن لقاح للبكار

وفية اكبر مني واعلم مني


يعلك سالم يا سالم
http://www.mzayan.com/vb/mwaextraedit4/extra/17.gif

[عبدالمحسن المقاطي]

وش الي تجيب سوداني يدخل على عجوم مابعد ضربن

البكار مابعد اتياسر خلها لين اتياسر وبتشوفها بينه خص البكره العجم يسرتها بينه مفضوحه كلاً يشوفها

تهدل عقبه ادخلها على الفحل ولا اي فحل جنبك واضربها

وترى البرسيم الصافي يخلي البل اتياسر ويزين حتى ريحة يسرتها للبعير

والله يرزقك منها بالبكار الغوالي

[وافي مليح بن موطان]

الله يحييك البلا في الفحول

دور لك قعود وبيضربهن

وحتى لو تجاسرن كثير من الفحول يعاف البكار

[بدر الذيابي]

انا بقوووولك طريقه جربتها مع البكار ونجحت ....لأن البعارين الكبار تعافها ...


خله بالشبك ...ولاتدخل عليه البكار الا بالليل ....اذا برد الليل ....وياليت مايكون قد ضرب العصر ....على طوووول يضربها والبكار عندي ضربتها بهالطريقه جربها يمكن انها تناسب معك ..........والله يرزقك منها بالانتاج الطيب...

[مشعل الشويش]

دخل الطارفه على البعير واعقلها له .. وسقه علاهاا وازهلها .
ولا ضرب الاوله منهن بيضرب الثانيات كلهن ..