متى يقال للقعود جذع ؟

[محمد ناصر العبيد]

السلام عليكم

يا اخوان أنا عندي قعود ميلاد شهر 1 سنة 2009 ميلادي

متى أقدر أقول علية خذع وأهده في البل أول ما يدخل في السنة الرابعة ويمشي فيها والا بعد ما يتم الرابعة ويدخل في الخامسة

وشاكر ومقدر للجميع

[حزام العاطفي]

عليكم السلام ورحمة الله
اذا اتم السنه الرابعة ودخل الخامسه يعني في شهر 1 2013 يصير جذع والله اعلم

[عبدالرحمن التركي]

بعد اكماله 3سنوات ومع دخول المربعانيه للسنه الرابعه هده لكن يقولون يعشر منه ياواحده من النياق او جميعهن ؟؟؟

[فيصل الخييلي]

وعليكم السلام

يامرحبا يامحمد

اذا تم السنه الرابعه ودخل السنه الخمسه يسمى جذع

واتمنى أني افدتك

وتقبل خالص تحياتي

[طلال الروقي]

اذا تم أربع سنوات كاملة يقال له جذع ..

[مشعل الشويش]

لاتم سنه تحت أمـه مفـرود

وعلى الحول حق

ومثلها لقي

ومثلها جذع

..

[محمد ابو عدوة]

[QUOTE=حزام العاطفي;551806]عليكم السلام ورحمة الله
اذا اتم السنه الرابعة ودخل الخامسه يعني في شهر 1 2013 يصير جذع والله اعلم[/QUOTE



مع اخوي حزام العاطفي يعني تهده 1/1/2013 م

[محمد الوهبي التميمي]

٢٩/١٠/٢٠١٣
وبأذن الله تعاشر الابل منه ولاتفكه قبل هالتاريخ

[محمد ناصر العبيد]

الله لا يهينكم وبيض الله وجيهكم

[عبدالعزيز الفضلي]

ابو ناصر

الله يبارك لك في حلالك

الحقيقه استفسار وسوال مهم

وفيه اختلف كثييييير من الناس


نبي العلم الاكيد


اخوي مشعل الشويش

ليش ما يكون

سنه تحت امه حوار
ثم يدخل في مفرود
وبعدها حق
وبعدها لقي
وبعدها جذع

اتمنى من الجميع

من يؤيد ومن يخالف

حتى تعم الفائده للجميع

ولي عوده
والسلام عليكم

[عبدالمجيد محمد العطاوي]

شطحه بسيطه من بعد اذن صاحب الموضوع

يالربع انا سمعت من شايب يقول ان الجذع لـ جا يضرب الاازين ان يكون ضرابه بوقت ولادته

يعني مثلن ولد بـ 1/1/1425
لـ جا جذع اخليه لين يجي 1/1/1429
وافكه يضرب هل هو صحيح
والله مدري هل عندكم خلفيه عن الموضوع

[مفلح الهاجري]

اذا دار عليه رابع سهيل يدخل جذع

اول سهيل يفهقه يسمى مفرود

وثاني سهيل يفهقه يسمى حق

وثالث سهيل يفهقه يسمى لقي

ورابع سهيل يفهقه يسمى جذع

وهذا حسب علمي ومعرفتي في الحلال

وان شاء الله اني افدتك والاخوان اللي قبل مافيهم قصور وهم اعلم مني

[سلطان بن مطلق العصيمي]

اذا تم سنه مفرود
االسنه الثانيه حق
السنه الثالثه لقي
من بدايه الرابعه جذع
من بدايه الخامسه ثني وتطلع ثناياه
من بدايه السادسه رباع وتطلع رباعياته
وبعدها سديس وبعدها يشق
ولكم تحياتي

[عادل الضويحي]

السلام عليكم ورحمه الله
لقي وش معناه يعني يلاقي اخوه

[ناصر بن عيد]

واللي مايعرف ميلاد قعوده وشلون يحسب له وهو وده يهده والاكيد أن ثنيته ماظهرت وصعب يوصل لراعية السابق يسأله

[جمل عبدالرحمن]

هلابك اخوي
اذا اتم السنه الرابعه هده فالبل

[فايز بن محمد]

ماقصروا الأخوان

يقولون البدو : الولد والقعود مخلفين العهود

[حوران العتيبي]

اذا تم السنه الرابعه وبدا في السنه الخامسه يقال له جذع
واذا تبي القعود يتم عمره ويزيد طوله لاتهده الا ثني في نهاية السنه الخامسه وبداية السنه السادسه
هذا والله اعلم

[ناصر بن عيد]

واللي مايعرف ميلاد قعوده وشلون يحسب له وهو وده يهده والاكيد أن ثنيته ماظهرت وصعب يوصل لراعية السابق يسأله


اللي يعرف طريقة لايبخل