طلب وابداء رأي الجميع بالقعود

[مزعل بن فريج]

أســـــــــــــــعـــــــد الــــلـــــه أوقاتكــــم بكل خــــــير : نرغب برأي الجميع بالقعود ،وراعين النظروالخبرة، وصاحبه يرغب بتفحيله ،علما بأنه لايــــعرف سلالته والعمرلقي وهو لايطمح بدخول مزاين السنه الجاية بأم رقيبه والله اعلم ،ولحبه للابل لديه طموح متواضع بالاقتناء وتوليف مايقسم الله ويرزق مع القعود،وكل سنه والجميع بخير.

http://www.mzayan.com/vb/attachment.php?attachmentid=8536&d=1319752634

[رجا ال بريك]

اخوي مزعل الصوره لا تساعد في اعطاك الراي وظالمة القعود

[طلال الروقي]

حسب الصور اللي نشوفها وانا أخووووووووووك

القعود مايصلح فحل بالمره ..
كل مامنه ردي
عسى الله يرزقك ويرزق خويك بالفحل اللي يذكر زينه في كل مكان

[سلطان بن علي الروقي]

اخوي سلملي على راع القعود وقله يدور فحل
لان بصراحه القعود هذا حق قصب

[عبدالله الراضي]

اخوي اذا كان وراه اصل فيصلح ان شاء الله فحل والي اشوفه ان راسه لاباس
نسال الله لك التوفيق

[محمد ابو عدوة]

مرحبا يامزعل ولا نبي نزعل احد لصار الساس مجهول والشكل عادي لا يفهقه فحل ويتعب عليه والله يرزقه بخير منه .

[مشعل الشويش]

سلم لنا عليه وقله يدّور اطيب ويتعب لـ اصل القعود .
والله يرزقك ويرزقـه ..
..

[ناصر المنيعي]

ماشاء الله عليه
تمسك ف القعود وابشر بالخير انشاء الله
يصلح فحل اوكل واحد له نظر

[بندر الرويلي]

الصورة غير واضحه
لكن من الصورة المعروضه ان القعود عادي جداً ما فيه اي شي يجذب حتى الساس مجهول
البعير يا يعمر يا يدمر البل واحرص على اللي يعمر ومدام صديقك جديد وقناي يحرص على الفحول المنتجه
وانت طلبت الراي اتمنى تتقبل رايي

[فلاح البديوي]

تبي النصيحه فحله ان انتج ولا بعه

[مزعل بن فريج]

أســـــــــــــــعـــــــد الــــلـــــه أوقاتكــــم بكل خــــــير ونشكرمروركم ونتقبل الراي بصدر رحب ونرغب بالمزيد