ما هي افضل طريقه تفك بين البعارين ؟؟؟

[عبدالعزيز الفضلي]

السلام عليكم ورحمة الله وبركاته

بودي اطرح الفكره لعل الاخوان يستفيدون

وهي لو عندك بعير والنطلق عليه بعير آخر وفي ما انت تبحث عن خشبه او ماصوره الى واحد منهن برك على الثاني الله يكفينا الشر واياكم

السؤال :ـ
ما هي افضل طريقه تفك بين البعارين ؟؟؟

وياليت لو احد مر بها الموقف يحكي لنا قصته او سمع بقصه

ربي يطول عماركم على الطاعة ويرزقنا من واسع فضله .

ولعل الفائده تعم الجميع خصوصا نحن في بداية هيجان البعارين
او ان تعطي بعض التعليمات للعمال الي عندنا حتى يكون عندهم درايه وعلم

لكم مني ارق التحية والتقدير ،،،،،،

[فيصل الخييلي]

وعليكم السلام

ارحب ياعبدالعزيز

يعطيك العافيه على الموضوع الي يستحق النقاش

افظل شي هو السيارة الي فيها دبل مثل الشاص او الونيت او الوايتات بنوعها اذا سحبن الفحل بعض الفحول ثقيلة اربط الحبل في رقبته واسحبه

وتقبل تحياتي

[فهد بن جسار]

هلا بك عبدالعزيز موضوعك في محله وبوقته

بالنسبه لتجربتي ماراح تصدق اقوى سلاح يفك البعارين !!!!!

انطلقت مره بعارينا على بعض حتى وقف كل واحد قدام الثاني المهم ماكان معي الا قارورة مويه صحه مليانه قمت ارش وجيه البعارين الا تقول ارشها بالنار كل ما رشيتها ابعدوا عن بعض لين جاء الصبي وساق كل بعير لرباطه قلت الحمدلله رب العالمين ويوم اخذت ساعه قلت للصبي يفكها على بعض ثاني مره ههههههه ابشوف الماء ينفع صدق ولا المره اللي راحت صدفه المهم يوم وصلوا بعض وانا ابدا ارشهم انا والصبي والرش لازم بالوجه الا يوم هجوا عن بعضهم تقول جرابيع ههههههههههه وصدقني بعدها ماعاد افرق البعارين الا بالماء

في حالة ان البعير برك على الثاني مدري ينفع الماء ولا لا لكن اعرف رجال سحب اللي فوق بالشاص وفرقها



اخر شي اذا كنت تسوق البعير وعصى عليك ووقف وماعاد يتحرك لاتحاول تضربه رح للمعلف واسحبه عند رباطه وناده وطق المعلف وبيجيك من نفسه بدون مايعاند ويخرب طبعه

البعارين صلفه وقت هياجها سايسها ولاتقربه الا بعصا وخلك حذر والله لايورينا واياكم اي مكرووووه . امين

[حزام العاطفي]

اسعد الله مساك ياعبدالعزيز انت وجميع الاخوان و بيض الله وجهك على ذا الموضوع
اولا في حال اقبال الفحول على بعض او احدها على الاخر وتشوف انه واصله و صامل فالجاء الى الله بالدعاء
وفي نيتك ان المولى عزوجل بيعينك عليها وفي نفس الوقت حاول انك ترده بالعصا وان كان فيه مجال اخطم عليها بالسياره
وان كان الفحل مقيد فضع العصا بين يدين الفحل من فوق( على مستوى مبرك البعير )حتى يخف ممشاه وخلك حذر
اما في حال ان احدها برك على الاخر ان مافاد الضرب بالعصي فادخل العصا في منخر البعير او مدمنه
او غط راس البعير بخيشه وضع حبل على رقبته واسحبه بالسياره
ملاحظه : في حال وصول الفحول لبعضها حذراكم ثم حذراكم تناحرونها او تجون بينها
واخيرا الله يحمانا وياكم وكل مسلم

[طلال الروقي]

مالك الا تدخل في خشم البعير اللي فوق خيزرانه والا عصا ..
أو أنك ترش على وجهه بنزين ..

[حاتم العماري]

مشكور على طرح الموضوع
افضل حل البنزين في وجهه
وان كان عندك فروه ارمها على راس اللي بارك على الثاني بيجفل والله المعين

[خالد الفالح]

مالك الا تدخل في خشم البعير اللي فوق خيزرانه والا عصا ..
أو أنك ترش على وجهه بنزين ..


وبعد ما ارشه بالبنزين يبو بندر اشغله ولا انتشه
:mwalat1::mwalat33::mwalat1:
تلطيف جو

[طلال الروقي]

ههههههههههههههههههههههههههههههههههه
ههههههههههههههههههههههههههه

الله يلطف أيامك بالعفو والعافية وبما يسرك يابو فااااااالح ومن يقرا

[عبدالله حمد العتيبي]

ان برك واحد على الثاني

احسن طريقة السحب بالموتر (انتبهو لا تتكسر مواتركم:mwalat19:)

[متعب بن سالم]

السلام
اشتبك بعيرين بسوق الخرج شوف عيني والناس كل يقول رايه وهو واقف مكانه
جاء شايب الله يذكره بالخير وعليه فروه ورماها على روسهن وفي لحظة كل واحد جفل مع جهة حتى الشايب قعد بدون فروه طار بها واحد من البعارين
وجزاه الله خير طريقة سهله ولا تأذي البعير بسحب ولا بنزين .. والله يحفظكم

[بندر الرويلي]

معلومات قيمة اللي يعطيكم العافيه

[حاتم عبد المحسن الحربي]

حلك عند السوادنيه

[عبدالله بن ذيب]

موضوع يستفاد منه هالايام.........كلام الاخوان برش المـــــــــــــاء صح و يوجه الى الاذن.........و تغطية الراس او العجرا على المناخر او خلف الاذن و الله يستر.....وكل عام وانتم بخير.