استفسار اول ماتلقح الناقه

[يوسف بن حمد]

السلام عليكم ورحمة الله
حبيت استفسر ـ الناقه بعد مايبين لقاحها يعني لها كم يوم لاقح ـ وابغى انقلها من مكان الي مكان هل ياثر عليها الونش
وبالنسبه للأكل المناسب للناقه في بداية لقاحها
وجزاكم الله خير

[جابر ابوشهاب]

وعليكم السلام ورحمة الله وبركاته

مرحبا يا بو حمد

تحسب لها من اول يوم لقحت فيه وبالنسبه للتحميل انا اشوف انه غير مناسب لانه يمكن يسبب مشكله

والعلم عند الله

وبالنسبه للعلف لايوجد شئ مخصص يكون علفها ثابت زي ما كانت

واتمنى بأني وفقت في الاجابه

شكرا

[طلال الروقي]

قصدك كم شهر طال عمرك ..

الناقة حاول أنك ماتشيلها وتحملها الا بعد مضي أكثر من 90 يوم على لقاحها

[مشعل الشويش]

لا لاتحملهاا

الناقه لها كم يوم معشر وتحملها ؟! عليها خطر .

..

[محمد ابو عدوة]

مرحبا يابو حمد اذا هناك اسباب تجبرك على تحميلها ويصعب عليك سوق البل الى مكانك حملها اذا تمت شهر وفوق كثير البل تكاسر وهي في مراحها لاعقلت ولا حملت واذا لك نصيب بتاخذه .

[حاتم العماري]

نعم التحميل قد يسبب ضياع لقاحها
تقبل تحياتي

[يوسف بن حمد]

الله يعطيكم العافيه ويجزاكم بالخير

[شباب الدوسري]

السلام عليكم. حملها وتوكل على الله معليها شر مره

[فيصل الخييلي]

وعليكم السلام

يامرحبا اخوي يوسف

انصحك بعدم تحميل الناقه الا بعد مضي اربع شهور على لقحة

وشكراً

[يوسف بن حمد]

الله يجزاكم خير

[عبدالعزيزسالم]

السلام عليكم ورحمه الله وبركاته
توكل على الله وحمل..........لكن شف السودانى الجيد وخلك موجود عند التحميل والتنزيل .

[بندر الرويلي]

والله طرحت الناقه وتحميلها يمكن يفيخ بها انصحك تخليها لما يثبت لقاحها 3 شهور انا حملت على شهر من اللقاح وسترها ربك واللي كاتبه الله بيصير لكن الواحد يعمل بالاسباب

[مشعان بن مجهار الودعاني]

فيه اشهر تسمى اشهر الخطر انشد عنها البيطري يفيدك اكثر وان ما خاب ضني هي الشهر الاول من الحمل والخامس والثامن واكثر ما تسعد الابل في هالشهور اتمنى اكون افدتك

[فهد العضياني]

اذا كنت مضطر لتحميلها حاول تحملها في ونش هيدروليك لأن الونش العادي يضغط بطن الناقه