القعود أوشك أن ينفق.. وينكم يا أهل الخبرة - ووينك ياعيد المنصوري

[سالم ال محمد]

السلام عليكم ورحمة الله وبركاته


الموضوع ومافيه أن عندي قعود ثني مرض دقه وضلاح من رجله اليسرى وكويته على الثفن والدقسة من الخارج والداخل وعطيته علاج ذكره لي الأخ عيد المنصوري وأسمه dexaphyvarthqite واعطجيته اياه اسبوع وتحسن القعود شوي ثم عادت عليه نفس المشكلة والقعود تعبان وعق العلف واستدق من جديد والحين من عنده أي فكرة أو خبره يتفضل
وونتظرأيضاً رأي الأخ عيد ابو احمد حل من حل جديد.


وشكراً للجميع

[بدر النفيعي]

إذا مافيه حل لها القعود أرسله للجامعه بس خل الدكاتره يفحصونه من قريب ولا أرسل لنا صوره خلنا نعرضها للدكاتره ،،

وما ترى باس وإن شاء الله ما ينفق ،،

[مشعل الشويش]

ياسالم

الوقت الوقت شل القعود للجامعه قبل فوات الاوان .

والحاله ذي ماقد مرت معنا

وماترى باس ان شاء الله .

والله يشفيه ولايقطع الرجاء منه إنه القادر على كل شي .

[ناصر بن جاسر]

سالم لا يكون فيه الجرح

[محمد الوهبي التميمي]

التحليل المخبري هو الفيصل في الامراض الغامضة

[عيدالمنصورى]

اعتقد ياسالم ان قعودك فيه انزلاق غضروفي
مادام مضاد الالتهاب مانفع معه اعطه جرعه 20
منه يومي وحمله للجامعه حتى يتم تصويره واعطائك العلم اليقين

[خالد الحجي]

الله لايخسر عليك ياسالم ويبصرك بعلاجه

[سالم ال محمد]

مشكورين على الردود والتوضيح الله لايوريكم مكروه وبسم الله إلى الجامعة في الاحساء والله يزينها.......