ناقه لها ثلاث سنين تلقح ست شهور وبعده تصعد وش علاجها ؟؟

[سليمان الخالدي]

اخواني الاعزاء السلام عليكم ورحمة الله وبركاته

عندي ناقه لها ثلاث سنين تلقح ست شهور وبعده تصعد وش علاجها ؟؟ هل علاجها ابره الحمى المالطيه او ابرة الصعاد وياليت التفاصيل عن احسن نوع من ابر المالطيه والصعاد

جزاكم الله عنا خير الجزاء

[حاتم العزيزي]

عندي ناقه اصعدت مرتين نفس ناقتك بس انها تاخذ 8 شهور وتصعد.. ورحت للدكتور وقال هذي فيها حدا امرين ( ضعف في عضلات الرحم - او مالطيه ) وحللت دمها قالوا مافيها مالطيه واخذت لها ابره تثبيت(حقت الاصعاد) يقول الدكتور عطها الابره قبل شهر من الوقت اللي تصعد فيه عاده وعطها في نفس الشهر وبعدها بشهريعني ثلاث مرات واخذت الابره لكن من حسن الحظ نسيت اعطيها الابره وحمدلله ستر الله عليها من الاصعاد وولدت بدون اي علاج .. حبيت انقل لك تجربه مرت علي .. وان شاءلله النشاما اهل المنتدى يفيدونك .. وعسى الله يستر على ناقتك وتشرب حليبها السنه الجايه

[حمد الحريّص]

وعليكم السلام ورحمة الله وبركاته

اخوي سليمان حللت الناقة عن المالطيه ؟؟

[أحمد التميمي]

سلمان هذي اعراض مالطيه

[سليمان الخالدي]

أخواني
حاتم العزيزي & حمد الحريص & احمد التميمي
الله يجزاكم خير الجزاء على اهتمامكم ....

بس اخوي احمد وش العلاج او الابره الزينه لعلاج المالطيه ياليت تفيدني باسمها...

[سالم أل حيدر]

اذا كانت تصعد ثلاث مرات وفي نفس الشهر
فالناقة مافيها مالطية فيها ضعف في الرحم
وانصحك بالاملاح والملح العربي
واحرص على الاكل المناسب لها وكل شي بتدبير الله سبحانة

[طلال بن عقاب]

حالة ناقتك أرتخاء بالرحم وليس المالطه .

نعم في علاج تقوية الرحم وتثبيت الرحم .

[بندر الرويلي]

اكرم الناقه وخلها تردم وخاصه بالبرد كثر علفها وان شاء الله بتشوف ما يسرك

[سليمان الخالدي]

الله يجزاكم خير الجزاء ولاهنتوا على اهتمامكم اللي يدل على معدنكم الطيب

[سليمان الخالدي]

يالربع الناقه هذي اللي اقولكم عنها عشرت لها شهر الى الان وهل ابر الهيام تنفع لها لان
فيه دكتور بيطري قال هذي يبيلها ابرة هيام وهل هذي الابرة تضر الناقه اللي
توها معشر لها شهر

ولاهنتوا........

[بدر النفيعي]

يالربع الناقه هذي اللي اقولكم عنها عشرت لها شهر الى الان وهل ابر الهيام تنفع لها لان
فيه دكتور بيطري قال هذي يبيلها ابرة هيام وهل هذي الابرة تضر الناقه اللي
توها معشر لها شهر

ولاهنتوا........


أخوي سليمان ،،

في هذه المرحله (( العشار )) ماودك أنك تعطي الناقة شيء نهائياً ،،

حاول أنك ترفق على الناقة ولا تخليها تهج مع الابل وأكرمهاا زي ما ذكروا الاخوان وإذا تعدت الناقة عشارهاا لرابع شهر عطها أبرة الهيام وغيرها ،،

وحاول أنك تركز على الفيتامينات الي ما تضر لقاحهاا بإذن الله ،،

والله يكتب لك الي فيه خير وصالح لك ،،

[طلال الروقي]

لو تقرا عليها أبرك .

وعسى الله يبارك لك فيها

[محمد الوهبي التميمي]

استبعاد الحمى المالطيه تماماً
أرى في بداية العشار تعطى مثبتات القاح
وتعزل عن بقية الابل وتعطى البرسيم والشعير