أفيدوني جزاكم الله خير

[ظافر شبيب الدوسري]

السلام عليكم ورحمة الله وبركاته
وش أعراض مرض الهيام
الله يجزاكم خير

[خالد محمد الجباري]

الهيام هو طفيل في الدم يسمى ( تريبانوسوما ) وهو يظهر الإبل في حالة مرضية مستمرة , كما إنه يؤدي إلى فقدان الشهية والضعف الشديد وإرتفاع في درجة الحرارة .

وللوقاية منه تعطى ابرة مرة كل 6 شهور ( تركوين ) ( TRIQUIN ) .

المرجع
http://www.mzayan.com/vb/showthread.php?t=1692&highlight=%C7%E1%E5%ED%C7%E3

[خالد الحجي]

الناقة المصابه بالهيام في بداياته مايبين على الناقه اللي حالها زين ولايتمكن منها لكن الناقة اللي حاله ضعيف وخاصة البكار يكون أعراضه اذا تمكن من المطيه فقدان للشهيه والضعف وانها تدمع بشكل مو طبيعي وعدم التوازن في المشي فإذا لاحظت الشيء هذا وخاصة في أوله يعني مايتعدا الثلاثة الايام عليك بأعطائها ابرة الهيام وخاصة الفرنسية بالإضافة لمدة ثلاث أيام فتامين بي المرركب وأنصحك بفاتح الشهية ( كاتوزال) مجرب ومفعوله خطير

وللوقايه كل 6 اشهر اعطي البل ابررة هيام وابرة الجرب ( موفميك) هذي طرريقة اتبعتها تكفيك من مشاكل كثيره

لك تحياتي

[ظافر شبيب الدوسري]

أخوي خالد الجبارى مشكور كثر الله من أمثالك الله يجزاك خير


أخوي خالدالحجي بيض الله وجهك الله يجزاك خير

[عيدالمنصورى]

بيض الله وجيه الجميع ماقصرتوا شرح وافي وكافي