المساعد الشخصي الرقمي

مشاهدة النسخة كاملة : ابي فزعتكم بالبكرة

سليمان السبيعي
16 / 10 / 2011, 04 : 08 PM
السلام عليكم ورحمة الله وبركاته يالربع انا عندي بكره حقه ماكله ياكيس ولاوبر الي عنده الطريقة وشلون اطلعة من بطنه يعلمنا الله يجزاه خير والبكرة والله طيبة و شارية غاليه
محمد الوهبي التميمي
16 / 10 / 2011, 10 : 08 PM
زيت زيتون في وقت الصباح ولاتاكل شي بعد الزيت لمدة ٦ ساعات
عبدالله بن محمد
16 / 10 / 2011, 14 : 08 PM
مرحبا ياخوي سليمان علبة زيت زيتون الجوف والانادك 1لتر وفنجال رشاد وفنجال حبه سوداء من العطار وتخلطها جميع بالبطل وتشربها وانشاء ماتشوف شر
سليمان السبيعي
16 / 10 / 2011, 31 : 08 PM
الله يجزاكم خير ياتميمي و يا ابو محمد على الرد ويباركلكم في حلالكم
حاتم العزيزي
16 / 10 / 2011, 44 : 08 PM
اذا كان الوبر او الاكياس كثيره بالبطن . يقولون لها عمليه جراحيه لاستخراج البلا من بطنها . كثير من البيطريين يعرفها وانا ماشفتها بعيني .. لكن اول شي جرب العلاج اللي وصفوه لك الشباب واذا مانفع اسال عن العمليه او ودها على مستشفى الاحساء
ناصرمنصورالروقي
16 / 10 / 2011, 07 : 09 PM
الله يفك عوقها ونا اخوك اعاني من نفس المشكله عندي بعير ماخليت عنه من العلاجات شي وسحبت دم ورسلتها
لخونا محمد التميمي الله يبيض وجه ويرحم والديه ماقصر عمل التحاليل وطلعت سليمه وما زال على حاله وعطيه
كل اسبوع زيوت ومخلطات الله يعين
بس اخوي سلمان وش اعراض مرض بكرتك وش الي دراك انها ماكله كيس وش الي خلاك تقطع عليها
محمد الوهبي التميمي
16 / 10 / 2011, 15 : 09 PM
الله يفك عوقها ونا اخوك اعاني من نفس المشكله عندي بعير ماخليت عنه من العلاجات شي وسحبت دم ورسلتها
لخونا محمد التميمي الله يبيض وجه ويرحم والديه ماقصر عمل التحاليل وطلعت سليمه وما زال على حاله وعطيه
كل اسبوع زيوت ومخلطات الله يعين
بس اخوي سلمان وش اعراض مرض بكرتك وش الي دراك انها ماكله كيس وش الي خلاك تقطع عليها

هلا وغلا ابو منصور واجب علي خدمتك وشرواك
وللمعلوميه مازال البحث جاري عن بعض الحلول مع بعض الاطباء بخصوص فحل ابلك
وللأسف كلهم اقرو بوجود عائق في قناة الجهاز الهضمي مسبب سدد ولا اشارو لي بعلاج واضح
أنا متابع معهم وحاول تكرر استخدام زيت الزيتون في فترة الصباح لحد مانلقى العلاج المناسب