رايكم ياهل العرف بالقعود العفر

[عبدالله ال حرب]

السلام عليكم ورحمة الله وبركاته
اخواني اعضاء منتدى مزاين حبيت اعرض لكم المفرووود وتعطوني وجهت نظركم
وايش رايكم فيه يصلح فحل المستقبل
افلح من ذكر الله وصلى على النبي
(اللهم صلي وسلم على رسول الله )



http://www.alhadafa.com/uploadedfiles/images/13748.jpg

[عبدالعزيز البقمي]

وعليكم السلام

تم نقل الموضوع للقسم المناسب

القعود شكله لاباس وسط

ولكن وش ساسه

ان كان ساسه طيب سمه فحل المستقبل والله يبارك لك

..

[عبدالعزيز المغازي]

اذا ساسه طيب
استعن بالله وفحله يستاهل
الله يبارك لك

[طلال الروقي]

دور غيره .. مايصلح فحل
عسى الله يرزقك من واسع فضله

[خالد الفالح]

حسب طموحك وقدرتك

عظمه زين وعرقوبه طيب وشقته عريضه ووضاحه طيب وخده حلو واذنه خرع ولاهي المطلوب

القعود لحم مطلع رقبته ردي ولا له فنسه ومشاربه مقبوله

النتيجه ان ارفعه سره ولاّ ان ان قدرت دور غيره اطيب لك

شخصيا لن افحله والكثير يفحل ادون منه للحاجه

[محمد الوهبي التميمي]

الله يعوضك بالطيب اللي تساق الاسوام على بناته

[بندر بن معيض المطيري]

الله يباركلك فيما اعطاك

من استشارك دخل بذمتك

وجه نظر

القعود لايصلح فحل ابد

وبالنسبه للقود هذا بيطلع هجر لن يطول

والله اعلم

[عبدالله حمد العتيبي]

الله يعوضكم باللي اطيب منه

القعووووووووود رقبته رديه وكان فحلته بتشوووووووووفها في بناااااااااته

ولا يصلح فـحل ..


اخووووووووووووووووووووك

[ماجد بن عبدالعزيز]

القعود وسط في كل شي
ألا من العين وقدام عادي جدا
لذلك أنصحك ماتفحله

[يزيد العتيبي]

يامرحبا

الله يطرح فيه البركه

مــــايصلح فحل

تقبل مروري

[محمد بن عمير]

بصراااااحه


ليته بكره

[جابر ابوشهاب]

الله يعوضك بخير منه

[محيميد الرشيدي]

اذا ساسه طيب من امه وابوه وعارفه ماهو يقولون انه على بعير فلان وامه فلانه استهن بالله وهده
اما اذا لك قدره بتفحيل اطيب منه يكون احسن
القعوووود كل مافيه عااادي
وانا لوني محلك ماهده علشان شكله

[منير البقمي]

مرحبا ياعبدالله

القعود مبارك ان شاء الله

وانا مع اخوي خالد الفالح وكلامه طيب وعين الصواب ....


حسب طموحك وقدرتك

عظمه زين وعرقوبه طيب وشقته عريضه ووضاحه طيب وخده حلو واذنه خرع ولاهي المطلوب

القعود لحم مطلع رقبته ردي ولا له فنسه ومشاربه مقبوله

النتيجه ان ارفعه سره ولاّ ان ان قدرت دور غيره اطيب لك

شخصيا لن افحله والكثير يفحل ادون منه للحاجه

[عبدالله ال حرب]

الله يعطيكم العافيه على ردودكم ونصائحكم ومشكووووورين ما قصرتم وبالنسبه للي سأل عن ساسه فـهو على بعير ابن مهنا السبيعي

[منير البقمي]

يا عبدالله ترى القعدان وانا اخوك تغير اذا كبرت امسكة وتشوف خاصة مادام اصله طيب ماهو ضارك بشي اذا مسكته ان تغير او شف انتاجه ثم اذا ماصلح بعة