من يريد الأجر من رب العالمين يدلني

[مطلق بن عشوي بن عياش]

بسم الله الرحمن الرحيم

عندي حواره عمرها تسع أشهر جاها من خمس أيام مثل الشي إلي معقلها ماتقدر تمشي إلا

بصعوبه رحت للبيطري وعطاني مضاد حيوي ويقول حسب وصفي له .. يمكن إلتهاب أو حراره

أو بكتيريا ... الشاهد الحواره أنحصر مكان ألمها في يدها اليمنى ولا جيت بمسك يدها تألمت

بالحيل وترغي .. واليد ماعليها أثر نفخ أو شي يدل على ان فيه مرض ... وللمعلوميه تمشي

الأن أسهل من الأول وأكلها ممتاز ولاعندها خلاف ألا بالعرجه من يدها والألم منها ..المضاد

عطيتها جرعتين فقط 10 ملي يوم بعد يوم ..... والله لولا ثقتي فيكم بعد الله سبحانه ماطرحت

الموضوع في هذا المنتدى المبارك .... وجعلكم ماترون مكروه فيما تملكون وفيما أنتم عنه

مسؤولون .....والسلام عليكم ورحمة الله وبركاته ....

اخوكم من الدمام وجوالي // 0561700009 إلي يرشدني عبر المنتدى أو عبر الجوال

جزاه الله عني كل خير ...

[محمد الوهبي التميمي]

مرحبتين يامطلق وياجعل بكرتك مااشوف شر
مشيتها ابي وصف لها
هل لا لمس خفها الارض تقل واطيه على جمر؟
المكان اللي يوجعها وين بالضبط هل هو مفصل الخف؟
ياليت يامطلق توضح لنا اكثر

[مطلق بن عشوي بن عياش]

مرحبتين يامطلق وياجعل بكرتك مااشوف شر
مشيتها ابي وصف لها
هل لا لمس خفها الارض تقل واطيه على جمر؟
المكان اللي يوجعها وين بالضبط هل هو مفصل الخف؟
ياليت يامطلق توضح لنا اكثر


يامرحبا يالتميمي ..

البكره تمشي ماعليها خلاف وأكلها زين .. وخفها تاطا عليه

ولكن يوجد وجع في إيديها أما عصب أو شي أنا اجهله

وأنا بروح شوي وبصورها مقطع فيديو وبحاول أنزله

ولاهنت على اهتمامك يالحبيب

[وافي مليح بن موطان]

الا هالحين ماتضحت لي الصورة كامله

هل انت متاكد ان ماضربها في يدها شي ؟؟

هل في خفها او مفصل الركبة فيه ميل او ورم

هل نحرها ومن تحت الكتف سالم مافيه نفوخ صغار مثل الخرجان

اول مالاحظت على البكرة متى وش كانت المقدمات ؟؟ حصل لها هجيج مع الابل ؟

[مطلق بن عشوي بن عياش]

يامرحباك يابن موطان ... جعل الله لي ولك موطأن في الجنه ...آمين



الا هالحين ماتضحت لي الصورة كامله



هل انت متاكد ان ماضربها في يدها شي ؟؟


لاشفت ولاشاف الصبي شي يضربها



هل في خفها او مفصل الركبة فيه ميل او ورم



أبدا ولو فيه كان تورم ....صح



هل نحرها ومن تحت الكتف سالم مافيه نفوخ صغار مثل الخرجان



أبدا ولله الحمد



اول مالاحظت على البكرة متى وش كانت المقدمات ؟؟ حصل لها هجيج مع الابل ؟





بدون مقدمات لا حظتها من خمس أيام وكانت لاقامت من مبركها ماتمشي ألا بصعوبه ... وألحين أخف والحمد لله لاقامت تأخذ شوي وبعده تمشي بسهوله مع وجود العرجه... ومن ناحية الهجيج .. هي تحب


العب ودايم وهي تعدي ..

[عبدالمحسن المقاطي]

صورها مقطع فيديو وهي تمشي وخل المقطع واضح

لمقدمة البكره ركز فيه على يديها شوي وبعدين على نحرها

خل التصوير واضح وبأذن الله الشباب مايقصرون

[فيصل الخييلي]

ارحب يامطلق

شفت يد البكره من تحت يمكن داعسه شي مثل عود او مسمار او شي مثل كذا

والله يشفي بكرتك

[عيدالمنصورى]

بسم الله الرحمن الرحيم

نصف فنجان خل التفاح مع ربع فنجان زيت زيتون يومي خمس ايام
دهان خارجي مروخ فابكو مخفف بالماء على صدر البكره مع يديها
من الكتف تحت وانشاء الله تطيب

[وافي مليح بن موطان]

ارحب يابو احمد اذا حضر الماء بطل التيمم وبوجودك مانملك الا الاستفادة من خبرتك بيض الله وجهك

لكن سؤالي وش تشخيصك للحاله ( لكي تعم الفايدة لنا جميع )) وحبوب نقص النحاس في هالحلات وش رايك فيها ؟؟

[تركي بن عبد الله]

اخوي مطلق لاتشيل هم عندي قعود مفرود نفس حالة بكرك بالظبط تضلع من يدها بدون مقدمات ولا جروح ولا انتفاخ جبت دكتور وكشف عليه وعطاني ابرتين وحده بنسلين والثانيه ابرة اللتهاب مفاصل اعطيه جرعه من كل نوع لمدة اربعة ايام والحمدلله زاح الالم ومشى طبيعي.

[مطلق بن عشوي بن عياش]

السلام عليكم جميعا .... أشكر جميع من أهتم بأمر أخيه ... ولكي تتضح الرؤيا لمن اراد وصف العلاج المناسب

والله ماعرفت أنزل المقطع من المنتدى أو من الهدفه وياليت أحد الأخوان يضع لي رابط شرح

هذا مقطع الفيديو ...

http://www.youtube.com/watch?v=QrHCM0ojEVA
http://www.gulfup.com/G.png (http://www.gulfup.com/X290d8blfe8n4w)

[مطلق بن عشوي بن عياش]

تم ارفاااااق الفيديو ... وياليت الأخوان ينسقونه

[ثامر بن سلطان العتيبي]

البكره تضلع من صدرها ولا في يدينها شي

[بدر النفيعي]

السلام عليكم ورحمة الله وبركاته ،،

أخوي أبوفهد مساك الله بالخير نأسف لتأخرنا بالرد على موضوعك ،،

أخوي بعد عرض حالة البكرة على الدكتور / أحمد السبيعي ،،

أعاد مشاهدة المقطع أكثر من مرة وأتضح أن البكرة مصابة { بألتهاب بالمفاصل وذلك بسبب حالة تغير الجو كما ذكر } ،

ولا تشكل هذه الالتهابات أي خطورة على البكرة فهناك علاجات متوفرة بالصيدلية مضاد لإلتهابات المفاصل والعضلات ،،

وبإذن الله الشفاء العاجل لها ،،

فهذه الحالة تعتبر كثيرة لمن يتواجدون بالمناطق الساحليه القريبه من البحر والتي يكثر بها الرطوبه ،،

وهذا تقبل تحياتي ،،

أخوك
بدرر النفيعي

[مطلق بن عشوي بن عياش]

السلام عليكم ورحمة الله وبركاته

أخواني اللذين شاركوني همي .... لايوجد تعبير ملائم لشكركم غير ماورد بالأثر ... من قال لك جزاك الله خير ... فقد أجزل لك العطاء .. أو كما قال عليه السلام

فجزاكم الله عني كل خير ... وأخص بالذكر أخوي بدر النفيعي ... فسأل الله ان لايحرم الأجر ... والسلام عليكم ورحمة الله وبركاته

أخوكم .. أبو فهد