السن المناسب لهداد الفحول

[سيف المنصوري]

السلام عليكم ورحمة الله وبركاته إخواني الكرام بدا موسم هداد الفحول
وسؤالي ما هو السن المناسب اللي يهد فيه البعير في الحلال وهل يؤثر هداد الفحل قبل ان يدخل سن الجذع في كبر جنب البعير او طوله. ولكم مني جزيل الشكر

[فيصل الخييلي]

وعليكم السلام

ارحب ياسيف

نعم يؤثر على جرم البعير وطوله وشكله اذا كان هديت الفحل تحت سن الجذع

وافظل سن لهداد البعير ثني اذا كنت تبي جرم وطول وشكل

وبعض الناس مايهدون الفحل وهو جذع عشان يكبر جرمه وطوله وشكله للي عندهم فحول واجد

[يوسف مطلق الحربي]

السلام عليكم
الافضل هدة جذع ومو في البل كلهاا خلة يوسم ناقتين ولا ثلاث

[مشعل الشويش]

هدّه جـذع ياسيـف .

ولاضرب القعود وقام يعصب البل طلع عظمه وزان .

[عبدالرحمن التركي]

[=مشعل الشويش; هدّه جـذع ياسيـف .

ولاضرب القعود وقام يعصب البل طلع عظمه وزان .


انا معك في رأيك أخي مشعل .............. يقولون ( جذع لذع )

[مفلح العمور]

الجذع لذع

[أحمد التميمي]

القعود خله يضرب وهو جذع وبتغير بالكبر ويتمسس وخله يمشي كل يوم شوي بقياده

[سيف المنصوري]

بيض الله وجيهكم الجميع وما قصرتوا

[طلال بن عقاب]

القود الجذع هده في يوم قروه يمغط ويزين وتفرع ويشد جسمه ولاتحاتي راح يتغير للافضل

[يوسف بن حمد]

الله يعطيكم العافيه ويجزاكم بالخير(عندي قعود جذع ودي يضرب السنه بس على ماسمعنا يقولك يوقف عن النمو بعد الضراب ) الله لايهينكم عطونا ارائكم وجزاكم الله خير

[محمد الوهبي التميمي]

الضراب مايئثر على الطول او جرم البعير نهاياً
بالعكس يزين ويطلع شكله للأفضل

[عبدالله حمد العتيبي]

الضراب مايئثر على الطول او جرم البعير نهاياً
بالعكس يزين ويطلع شكله للأفضل

اتـــــفــــــق مـــعـــكـ ..