عين الناقة ماتشوف فيها

[سعد الجهني]

السلام عليكم ورحمة الله وبركاته

وش الحل في الناقة شريتها وحده من عيونها ماتشوف فيها مع انها تدمع

وعملت لها اختبار في عينها اللي ماتشوف فيها وابد ما تحس فيها

وش الحل فيها واذا لها مكاوي حددوها لي

بارك الله فيك

[فالح بن دحيم]

هلابك يالاخ سعد
اذا كانت عين الناقه منتفخه وتدمع ما شفت العين هي بيضاء ولا عاديه اذا بيضاء فيه عصار ممتاز لها
وشكرا

[متعب الزويكي]

اخوي سعد

كان عندنا ناقه وضربها السلك الشايك وصارت تدمع عينها وماتشوف فيها

قمنا واخذنا قطعه من ذرا البيت الشعر واحرقناه لين صار قوي ودقيناه لين صار كنه كحل وذريناه بعينها

وشفيت عينها

اتمنى اني افدتك

[فيصل الخييلي]

يامرحبا ياسعد

شبلك ضو ويكون الحطب غضا وخذ رماد الغضا وحطه في عينها

والله يشفي ناقتك

وتقبل تحياتي

[نواف عيد الردعي]

ياسعد ثلاث قطرات بنسلين في عينها كل يوم مده خمسه ايام وباذن الله تسلم انا مجربها

[محمد الوهبي التميمي]

أغسل العين بالجليكوز مره كل يوم
او بماء وسكر

[حاتم العماري]

ابسط مما تتصور ان شاء الله
عندي طريقه شعبيه ولها مايسندها علميا
اطحن سكر وذره فيها وماتشوف شر
تقبل تحياتي

[سالم ال محمد]

الأخ سعد الجهني



إذا ناقتك عينها تدمع أو تشوف فيها بياض


أنا عندي طريقة مجربه

1- كريم بشري أسمه maxitrol تجده في الصيدليات البشرية مرتين في اليوم 5 ايام - وهو مجرب وهي من توجيهات الأخ عيد المنصوري مشكوراً واستفدت من هذه الوصفة كثير جزاه الله خير.


2- الطريقة الأخرى السكر يذر في العين عن قرب



والله يشفي حلالك

[سعد الجهني]

ياربع يعطيك الف عافيه على ردودكم

ولكن ودي اعرف الفرق بين الظفارة والاشياء الأخري التي
تصيب العين لانه اشك ان فيها ظفارة

تحياتي لكم

[ناصرمنصورالروقي]

السكر ممتاز مثل ماذكروالأخوان
والظفاره عباره عن غظروف يتكون في احد مناخر الناقه
ويكسر بعصا بفركه حتى يتهشم
والله يشفي حلالك