رايكم في انتاج مسربلان بعير الخريف

[فارس اليامي]

اسعد الله صباحكم

ممكن وجهة نظركم في الحوار وسؤافيكم باصله من ابوه ومن امه وتقبلوا تحياتنا

http://www.mzayan.com/vb/images/uploads/2962_2693466bae4271c19.jpg

http://www.mzayan.com/vb/images/uploads/2962_2693466bae42cb571.jpg
http://www.mzayan.com/vb/images/uploads/2962_2772466baeb2b1cc1.jpg

http://www.mzayan.com/vb/images/uploads/2962_2772466baeb327d6b.jpg

علما ان عمر الحوار 4 اشهر ونصف
http://www.mzayan.com/vb/images/uploads/2962_19821466bc282d4495.jpg

[خالد الشريفي]

ما شاء الله تبارك الله


توه حوار وذا الزينه
ويكبر ويزين اكثر

الأذاني والرقبه والعرنون والخد وافيه

والمشرب زين وبيزين لا كبر باذن الله

وباقي قوايمه طيبه

الله يعطيك من خيره

[خالد الحجي]

ماشاءالله الله يستر عليه

[حمد الغواص]

الاخ العزيز فارس القعود مبروك واتفق مع الاخ الشريفي في ما قال

ماعدا مشربه (السبله) ردي

والحوار يتغير

[فارس اليامي]

الاخوان الاعزاء حفظهم الله
خالد الشريفي
خالد الحجي
حمد الغواص

تسلمون على الردود والقعود ابشركم طيب وحاله زين اما من ناحية سباله فتوة صغير الحوار يمديها تنزل واكثر البل ما تنزل الا مفاريد او حقايق بعد وابشركم حالة زين وبدت وبرته تحت
واول ما يحلس ويظهر سنامه وغاربة اصورة لكم وانزلها


ما ريت ابن صلبوخ وابن العرق راشد .................................................. .

مطلع قصيدة

وبالتوفيق للجميع وما زلت في انتظار ردود جميع الاعضاء

[سعد بن عبيد الهاجري]

مرحبابك يا فارس


والاخوان ماقصروا يكفون عناعليه

واتفق مع الغواص(( لحيه الحدري قاصر ))


واصبرعليه لين يكبر ((((وانت ابخص )))

تحياتي

[محمد علي الهدفه]

الاخ العزيز فارس


القعود مبروك

وطيب وفيه نقوص ,, فيه انحداره من الغارب ,, مشربه فيه نقص


الأذاني والرقبه والعرنون والخد وافيه والون زين

والحوار يتغير

[راشد العرق]

مرحبا يافارس
القعودمافيه قصور وتوه على الحكم عليه وعاده مقبل والربع سبقوني ولا قصرو وكلهم ابدا رايه وكان ودهم ان سبلته اضفا من كذا ولكنها اذا الله تمه عادها بتزين
والحوار اذا جرمه ماهو منتكس فلا عليه لان الصور مابينت وقفته

والله يبارك لك فيه ويجي ان شاء الله من الظن فيه وفوق

اخوك راشد العرق

[مسعود العماري]

مع رأي الاخ/ حمد الغواص ومحمد الهدفه

ويبدو لي ان مسربلان اللي شرى الخريف اصله صخيبري

والله يبارك للجميع

[محمد بن شريه المطيري]

الله يبارك لك فيه

[فارس اليامي]

الاخ العزيز فارس


القعود مبروك

وطيب وفيه نقوص ,, فيه انحداره من الغارب ,, مشربه فيه نقص


الأذاني والرقبه والعرنون والخد وافيه والون زين

والحوار يتغير

انزل لكم صور للحوار وهو رد على الاخ محمد ممكن الصورة ما وضحت لكم من ناحية الانحدار للحوار والرد للجميع


http://www.mzayan.com/vb/images/uploads/2962_7818467f961dcaa0e.jpg

[سعود الكبرا]

الحوار طيب ماعد السبال الغير وافيه

وقالو:

القعود مخلف الوعود

[بندر مطر البقمى]

بسم الله الرحمن الرحيم
مرحبا بالاخ فارس
الاخوان ماقصرو في ابداي رايهم وبعضهم عطاك الصحيح
وانا بعطيك رايي حسب عرفي الشخصي ممكن صح ممكن خطاء
القعود اعتقد ماهو الي يفحل وينتج انتاج صح بالنسبه للشكل اتكلم وليس الاصل لاني ماعرف اصله
وغاربه شين نازل ماهو مارق لو كان بكره ممكن ماعليه وفيه دق يعني دقاق
والملاحظات الاخرى ذكرها لك بعض الاعضاء والمشرفين
اخوك بندر البقمي ...............ابو مطر