اعراض مرض الهيام !!

[عبدالرحمن التركي]

اخواني الاعزاء
هل هناك اعراض للهيام غير الانتفاخ وقلة الاكل اوضعف الشهيه
المقصود هل يحصل الهيام بدون انتفاخات على الناقه
شكرا" لكم

[عابد الحربي]

صبحك الله بالخير اخوي عبدالرحمن

بالنسبة لاعراض الهيام كثيرة ومتشابهة مع عدة اعراض حسب علمي المتواضع ومنها قل اكل الناقة دايم تبحث عن الضل وايضا توزر دم

خذها نصيحة من مجرب خذ عينة من دم الناقة وده للمختبر وهو يبين لك كل الامراض

كان عندي ناقة ما خليت عنها لا طب شعبي ولا بيطري ويوم اخذت عينة من الدم قال المختبر ناقتك مهيومة.

تقبل تحياتي

[عبدالرحمن التركي]

شكرا ولا هنت اخوي عابد على الرد الله يوفقك

[أحمد التميمي]

خاطرها يشين وعيونها تدمع وتلقي وجهها غرب هذي بدايته

[محمد الوهبي التميمي]

علمنا أعراض ناقتك
سنها
خلفه ولاعشراء

والهيام أعراضه واجد

[عبدالرحمن التركي]

هلا أخوي محمد
اللي عندي قعود جذع عيونه تدمع على الخفيف وجلس يومين ماياكل
ضربته ابرة الهيام الفرنسيه وبعدها بدأ بالاكل من البارح
واليوم احسن.... لا ادري هل هو من انواع الهيام
وسبق قبل 3 شهور حصل نفس المشكله
تحياااااااااااااااااااااااااااتي

[سلطان فهد البقمي]

الله يلطفبه ويشفيه

[محمد العلي المحمد]

ما قصروا الاخوان

[فيصل الخييلي]

يامرحبا ياعبدالرحمن

أعراضه واجد مثل ماقالو الاخوان

هي ان الناقه تأكل واجد ولاتسمن وخاطرها شين وتشوف شكل الناقه عظام فقط

والله يشفي قعودك ويرزقك منه الانتاج الطيب