تكفون يأهل العرف

[نايف المشعلى]

عندي بكره حقه طيبه لها ثلاث شهور امورها ماهي طيبه جاها هزال وضعف وضمور في البطن

عطيتها ابره هيام وعلاج للدود وعلاخات ماتذكرها وزانت البكره وتعدلت

الحين رجعت لحالتها السابقه

البكره تبرك وتمرغ على جنوبها كانها تحتك ولا تاكل زين

البكره جبت لها سوداني شريطي وقلته اشتر وسام باقل من قيمه ذبيحه وفالي هذي مريضه وقلته ايه اضني فيها الشوكه قال لا مافيه الشوكه قال البكره مريضه وعبنها ذبله والمرض مبطي

يربع اللي عنده شك ولا علم يقولنا

اليكره بنعالجه اذا طابت فالحمد لله واذا ماتت هم الحمد لله

وجزاكم الله خير

[محمد الوهبي التميمي]

مرحباً نايف محل البكره وين؟
دمن الناقه وش شكله؟

[فيصل الخييلي]

وضح اكثر ولي رجعه مثل اكلها وش تسرح ولاماتسرح

[فهد الأحمد]

والله يا نايف

أجرها على الحمض ولا أبيعها لذا السوداني المعفن

علمنا بالضبط وش في ناقتك وأخوان شما ما راح يقصرون

والأخ بدر النفيعي معنا ولحية غانمة ولا هوب يقصر مع الربع كلهم
ويشتغل في جامعة الملك فيصل وبيكلم لك الدكاتره وبيعالجونها
ولا تشيل هم وأنا أخوك.

في إنتظار ردك

[فهد الأحمد]

نايف .. أشرح لنا الوضع بالضبط
البكرة وش علفها
هل تعشي مع أماتها
كمية العلف وعدد البل

وإبشر بسعدك

[محمد سالم اليامي]

على ما اظن ما دام تسدح على جنوبها يا فيها جرح وهذا بسيط والا البكره في بطنها كيس بلاستك

[مشعل الغنامي]

طلع لك بيطري يشوفها وشرط يأخذ عيّنه من الدم يحلله

قبل تموت بكرتك من المرض

[بندر الرويلي]

على ما اظن ما دام تسدح على جنوبها يا فيها جرح وهذا بسيط والا البكره في بطنها كيس بلاستك

كلام سليم ومثل ما قالوا الاخوان حللها

[نايف المشعلى]

اسف علي التاخير

البكره وكاد انه مافيها الشوكه
الدمن عادي
البكره تسرح مع البل وتاكل من الرمث
البل 30 خابط
الصبح 2 شد ذره كبير
والمغرب 2 كيس الصوامع 50 كيلو
المكان حول النعيريه

وجزاكم الله خير

[فهد الأحمد]

مرحبا يا نايف

مبدئياً .. أفضل أن تعيد عليها كورس (( الهيام ))
وبعد واحد وعشرين إلى شهر تعطيها إبرة هيام ثانية
ويفضل أنك تعطيها الإبرة (( الفرنسية )) غالية شوي
لكن الغالي سعره فيه.

وأعطها إبرة الجرب الزرقاء (( دكتوماكس ))
عقب ما تعطيها إبرة الهيام بيوم
وكرر جرعة الجرب بعد 14 يوم بالضبط.

وشف لك دكتور يأخذ لك عينة من الدم (( ضروري )) لعلم تحليل
حتى يتبين لك وش السبب.

نصحية للجميع بخصوص إبرة الهيام
إن كان الهيام في بداية فيكفي إبرة واحدة
ولكن إن كان الأمر له فترة .. فإنه يحتاج إلى تكرار الجرعة أكثر من مرتين وعلى فترات متفاوته
بالإضافة إلى إعطاء الناقة .. مضاد لعلاج أنزيمات الكبد.

ولا تستهينون بإبرة الجرب الزقاء (( دكتوماكس )) فلها مفعول عجيب على البل.

وسلامتكم

[نايف المشعلى]

مرحبا يا نايف

مبدئياً .. أفضل أن تعيد عليها كورس (( الهيام ))
وبعد واحد وعشرين إلى شهر تعطيها إبرة هيام ثانية
ويفضل أنك تعطيها الإبرة (( الفرنسية )) غالية شوي
لكن الغالي سعره فيه.

وأعطها إبرة الجرب الزرقاء (( دكتوماكس ))
عقب ما تعطيها إبرة الهيام بيوم
وكرر جرعة الجرب بعد 14 يوم بالضبط.

وشف لك دكتور يأخذ لك عينة من الدم (( ضروري )) لعلم تحليل
حتى يتبين لك وش السبب.

نصحية للجميع بخصوص إبرة الهيام
إن كان الهيام في بداية فيكفي إبرة واحدة
ولكن إن كان الأمر له فترة .. فإنه يحتاج إلى تكرار الجرعة أكثر من مرتين وعلى فترات متفاوته
بالإضافة إلى إعطاء الناقة .. مضاد لعلاج أنزيمات الكبد.

ولا تستهينون بإبرة الجرب الزقاء (( دكتوماكس )) فلها مفعول عجيب على البل.

وسلامتكم

شكرا على رايك

ابره الكبد وعطينها امس وكذلك ابره الجرب

والمفروض نعطيها ابره الجرب بعد 10 ايام

الله يجيب الخير

[سعد حمود العوني]

ناقتك مرموثه
افصد راس ذيلها لين يسيل الدم