وش علاج ديد الناقه؟؟

[مسفرفالح]

السلام عليكم

يالربع عندي ناقه بكر قبل تنتج بشهر حالب ديدها وورم وبعدين نش مرره ... طبعا رشيناه بماء بارد ودهنته بزيت زيتون
الحين نتجت الحمد لله واكتشفت ان وحده من ثومها ناشفة وما تدر حليب !!!

هل من علاج او تفسير لهذا المرض لانه أول مره يور علي ؟؟

[بندر الرويلي]

هلا الاخ مسفر
فهمت من كلامك ان 3 شطور يطلع منها حليب وواحد لا مقفل
اذا الناقة شاريها يمكن عيب فيها من اول
واذا الناقة خابرها وخابر شطورها واول مره تجيها هالحاله
جبلها دكتور وان شاء الله الاخوان يفيدونك

[سلطان فهد البقمي]

الله يشفيها من عنده ان شاء الله الاخوان يفيدونك

[ساجربن عدوان]

أذا ديد الناقه ناشف معناه أنه ميت
ليس له علاج

[عيدالمنصورى]

هناك نوعين اما ناشف
واما الحلمه مغلقه وتفتح بدبوس يوجد لدى البيطري
والفرق واضح بين الاثنين

[فيصل الخييلي]

وعليكم السلام

مثل ماقال اخوي عيد النصوري

والله يشفي ناقتك ويرزقك منها الانتاج الطيب