اريد ان اعرف معنى كلمة.................

[عبدالله بن ذيب]

السلام عليكم
ياخوان كلمة (ونيت) عرفنا من وين جاتنا و معناها............بس كلمة (بلوت) من وين جاتنا وش معناها؟الي خابرها لا يبخل عليتا وشكراً............

[نواف العبدلي]

ونيت لها معنوين الونيت وهو السيارة الصندوق
والمعنى الثاني الون

وبلوت معنوين البلوت لعبة الورقه
والبلوى المصيبه

[بجاد العتيبي]

السلام عليكم بلوت plot لها عدت معاني منها المؤامره وهي لعبه فرنسيه

[فيصل الخييلي]

ونيت هو السيارة جمس قديم

والبلوت هي لعبة الورقه

[علي الدعجاني]

الونيت

هو الهافات والجموس اول ماوردت وكان فيه رقم 1 ون 8 ايت

وعلى عهدة الراوي:mwalat18:

[سالم محمد الدوسري]

الونيت على حسب ماسمعنا

انه كان فيه جمس حوض لموظفي ارامكو وكان رقمه 18 وكل مابغو الامريكان الجمس نادو السواق وكان سعودي يقولون له جب السياره ون ايت

وربعنا يسمونه ونيت وراحت كمسمى على الجمس الحوض اللي هو الونيت حاليا

[مشعل الغنامي]

ونيت لها معنوين الونيت وهو السيارة الصندوق
والمعنى الثاني الونّ والونّه

وبلوت معنوين البلوت لعبة الورقه
والبلوى المصيبه

هههههههههههههههههههههههههههههه

[محيميد الرشيدي]

الونيت على حسب ماسمعنا

انه كان فيه جمس حوض لموظفي ارامكو وكان رقمه 18 وكل مابغو الامريكان الجمس نادو السواق وكان سعودي يقولون له جب السياره ون ايت

وربعنا يسمونه ونيت وراحت كمسمى على الجمس الحوض اللي هو الونيت حاليا

صدقت

[عبدالله ماجد العفاس]

بالنسبه لمعنى كلمة وانيت فقد تم توضيحها من الاخوه مشكورين .
اما البيلوت او البلوت فاصلها تغني ( pilot ) اي الطيار ويطلق الاسم شعبيا على لعبة الورق الشهيره والممارسه في السعوديه ومعظم دول مجلس التعاون .
وهي لعبه مركبه من لعبة الهند ولعبة الكوت ولعبة الطرنيب , ويمكن ان يدمنها الانسان ! وتحصل بها خلافات ومشاجرات لدرجة المواجهه بالايدي , وفي بعض الاحيان تؤدي الى قطع العلاقه بين الاشخاص , وهناك مواقف وقصص لمن يلعبونها عجيبه وغريبه .