المساعد الشخصي الرقمي

مشاهدة النسخة كاملة : الفزعه تكفون يأهل العرف

سلطان القعياني
14 / 09 / 2011, 30 : 07 PM
انا عندي نياق فيها قعود عمره حق المهم الظاهر إن اللي صايبه ياهيام ياسلاق أبوديه يوم السبت لجامعه القصيم يفحصونه القعود ضمر بطنه وماغير يسلح وانتم بكرامه وجاء فيه نفوخ وعالجته عن طريق الصيدلي له يمكن 6 شهور لاخلص وقت العلاج رجع السلح واذا وقت العلاج يروح السلح المشكله مو هنا

المشكله إن النياق عازلهن عنه وفيه الحين يمكن خمس من النياق سالحات وبطونهن كنهن معسوفات انا كنت أعلفهن برسيم ولي قاطعه شهر واعلفهن شعير والله مدري وش المشكله النياق خمس منهن سلح وفي زياده وشكلهن شاين العلم وش يأهل العرف اليوم شديت بغير المراح وبعزل النياق اللي سالحات توقعاتكم وش المرض
محمد الوهبي التميمي
14 / 09 / 2011, 39 : 07 PM
مرحبتين ياسلطان وش السلح؟
والنفوخ وش اعطاه الدكتور اسم العلاج يوم انه طاب؟
وش علفها غير الشعير؟
السلاق للمعلوميه مايجي بيوم وليله وله مقدمات ومن اهم مقدماته هو الهيام
عطني معلومات وافيه عنهن ياسلطان
سلطان القعياني
14 / 09 / 2011, 10 : 08 PM
السلح هو عباره عن الذرااااااااق الدكتور عطاه إبره فرنسيه للهيام وبنسلين وحبوب دود المشكله الحين ماعلي من القعود مع الرغم إنه غالي
الخوف إنه أعدي النياق الباقيه لأنها كلها بدت تسلح والله مدري من الشعير ولا هيام ولا سلاق ولاعين
والله إن خاطري ضايق يالربع
محمد الوهبي التميمي
14 / 09 / 2011, 49 : 09 PM
سلطان التحليل ضروري للدم
حاول من بكره الصباح تشوف اقرب مختبر لك وحلل
مشاري الغربي
14 / 09 / 2011, 50 : 09 PM
السلام عليكم
السلاق لة مواري من اهمها ان الناقة لو تشرب الماء على طول تنزلة مثل ماهو
وبعدين قطعة البرسيم عن النياق فجاءة شينة يبين فيها على طول
فيصل الخييلي
15 / 09 / 2011, 37 : 12 AM
مالك الا تحلل الابل او تجيب دكتور لايكون تعطيهن برسيم الظهر كذا بجيب الذراق وانتم بكرامه
سلطان القعياني
15 / 09 / 2011, 43 : 01 PM
جبت الدكتور وقال لي دود وعطيتهن حبوب دود ودواء للدود لكل النياق يحط في المويه والله يعين
نواف الحميداني
16 / 09 / 2011, 50 : 10 AM
اخوي سلطان
تحية....طيبة
شل ناااااااقة في اسرع وقت الى مستشفى الحساء .....
وخل الدكتور يحلل ويسوي اشاعة وعلمه عدد الابل عشان يصرف لك كمية العلاج .....
بندر الرويلي
26 / 09 / 2011, 19 : 12 AM
ما قصروا الاخوان حللهن على شان تعرف السبب
سلطان القعياني
19 / 10 / 2011, 19 : 12 AM
القعود طلع مرضه سلاق وبعته جزاره والبكره هيام مزمن وش رايكم العلاج وش هوغيرالابر
وافي مليح بن موطان
19 / 10 / 2011, 50 : 12 AM
الهيام في قناعتي الشخصية ماله الا العلاج الشعبي والكي
سالم الشويلعي
24 / 10 / 2011, 37 : 04 PM
اخوي سلطان
العلاج الهيام (( خذ 5 من الحدج وشوي من الحرمل الخضر وطبخهن مع ما وتركهن 5 دقيق وسقهن اناقه ونشالله انه تبرا
فايز فالح بن سعيد
24 / 10 / 2011, 34 : 06 PM
قوة ياسلطان ترا السلاق مكروووه ويعدي انتبه
قرناس العتيبي
25 / 10 / 2011, 08 : 02 AM
عليك بالثوم المطحون مع الثفه والسويدا تراه زين كانها مهيب لقحه والله يشفي ناقتك