الفاطـر الغاليــــه مريضــه ( فزعتكم يااهل الخبـره )

[مشعل الشويش]

السلام عليكـم .
أخواني الاعزّاء عندي ناقتن فاطر من اطيب البل صابها وكالً في جسمها كلهّ مغير تدوّر الشبك وألاّ الشجر ثم تحتك لين تقطّع جلدها عليه .
عطيتها ابر جرب ولانفع وعطوني البيطريين ابر انواع واشكال ولا نفع
والناقه الان شبه ماعليها شعره نهائياً وجنوبها كلها دم من كثر ماتحك عمرها والعياذ بالله .


..

اللي مرت عليه هالحاله يعطينا العلم بارك الله فيكم وفيما ملكت ايمانكم .

[محمد الوهبي التميمي]

مرحبتين يامشعل
عساك طيب وأمورك طيبه
وفاطرك ماتشوف باس
بس السؤال وش نوع إبرة الجرب وعلى كم جرعه

[مشعل الشويش]

ابرة الجرب أمريكيه وعطيتها 15 وبعد 10 أيام 15
ولانفع
وبعدها بفتره عطيتها ابرة جرب أردنيه ولانفع .
..
وسلامتك

[عبدالهادي آل سلطان]

ياليت تعطينا صورة لـهـا و أن شــــاء الله
نخبـرك من خبرتنــــا

و شكرًا

[مشعل الشويش]

والله ياخوك مااعرف اساميها

[راشد ال لزيز العجمي]

الله يشفيها ويبارك لكم

عليك بتسبيح الناقه بفيري وشوي سم مخفف ولازم تواصل عليها

وسلامتك

[محمد الوهبي التميمي]

مشعل يستبعد ان المرض جلدي طلما عاطيتها هالنوع من الابرتين
ارجح ان المرض في الدم

على العموم تحليل الدم هو الفيصل
المختبرات البيطريه موجوده بااغلب المناطق
والتحليل بسعر زهيد وسهل

[محمد الوهبي التميمي]

والجاره تستبعد لخطورتها على جلد الناقه

[مشعل الشويش]

راشد

محمد

لاعدمناكم وبيض الله وجيهكم

[حاتم العماري]

مساك الله بالخير اخوي مشعل
دام جلدها تجرح لاعاد تقربها الجاره ولا حتى الماء
السؤال/ هل يجيها حمى؟ وتبرك في الظل؟
ان كانت الاجابه بنعم فهو جدري واعزلها فورا وخذ علاج الجدري والله يعينك .. شفائها يتاخر احياناا
ان كانت الاجابه بكلا ....فانقلها في ظل وادهنها بمرهم فيه مضاد
والله يشفيها
تقبل تحياتي

[فهد الأحمد]

الأمر عادي بإذن الله

تعرف المرة .. أكيد تعرفها ما فيه أحد ما يعرفها

نقع لك (( مره )) في غرشة نوفا الكبيرة أم 8 ريال
وأغسل الجروح الليل في الناقة بالماء اللي منقع بالمرة
حاول أنك تحك الجرح زين وتحسن أن المرة وصلت الجروح وغسلتها زين
مثل عمليت التطهير.
بعدها خلها تنشف شوي .. ثم أمسح عليها بفازلين
وكرر العملية كم يوم وبإذن الله ما عليها شر.

[مشعل الشويش]

مرحبا بك ياحاتم تراحيب وبل الوسم .

مااعتقد انه جدري الناقه مايجيها حمى وأما الظل فاانا عازلها في شبكً تحت ظل ولا ادري هل هي تتبع الظل ام لا .

...

والشكر موصول للأخ القدير / فهد الاحمد .

وبيض الله وجهك يافهد

والله

..

تقديري للجميع

[شباب الدوسري]

انتبه ليكون سعار ( داء الكلب ) من علامات السعار الحكه الزايده ما شفتها تاكل من القاع الخشب و الرمل ؟

[مشعل الشويش]

مرحبا ياشبـاب ..

لا اعتقد ذلـك النااقه طبيعيـه ..

لاهنت

[صديق المسلمي]

أنا أشوف انه مالك الا تسوي تحليل للناقة

[بدر النفيعي]

السلام عليكم ورحمة الله وبركاته ،،،

يا أبوذعار بشرنا عن الناقة ؟!!

عسى أمورهاا زينه ،،

إذا امرها يتطلب تدخل الجامعة أرسل لي صورتهاا على رقم جوالي وبإذن الله أعرض حالتهاا للدكاتره لعل وعسى ،،

( 0557779927 )

[مشعل الشويش]

يامرحبا تراحيب وبل الوسـم ..

يالله حي بـدر ...

اي والله يابو مزيـد الناقه ثمينـه وحالتها متدهوره إلى ابعد الحدود

نسأل الله أن لايريكم مكروه في حلالكم .

وبإذن الله برسل صورها قبل المرض وبعده .

والله يكتب الخير .

[ناصر المنيعي]

كيف الحال يامشعل
وش طعام الناقه؟؟؟
ترى الخبز يجيب الحكه للابل من واقع تجربه
اذا تعطيها خبز اقطعه منها او رشها بكلوركس مخفف باالماء لا ترشها باالجاره او جلدها متجرح
والله ايبارك للك فيها

[عايض ال ناشي]

السلام عليكم ورحمة الله وبركاته.....

أخوي مشعل مرض فاطرك مبطي فيها وألا توه جايها...

الأخوان ماقصروا ذكروا أبرة الجرب والمر والفازلين ..وهناك طريقة أن نفعت ناقتك ماضرتها وهي

أن تاخذ لك ماء مقرئ فيه وترش على مكان المرض .... مرة في اليوم لمدة أسبوع....

وتقبل تحياتي...

[وافي مليح بن موطان]

المرة غسيل وغر داوم عليها اسبوع طيبه اذا مانفعت ماضرت باذن الله

[خالد الفالح]

الله يعافيها يبو ذعار ويبارك لك فيها

عليك بالتحليل

[طلال بن عقاب]

http://www.mzayan.com/vb/mwaextraedit4/extra/01.gif




الله يشفي نياقك بأذن الله تعالي .

أخي العزيز لابد من شرح مفصل مع الصور لكي نعرف العلة بالكامل من طعام والمراح وهل هي عشره أو اللقحه أو حايل الخ .....

أنا أشوف حالتها هي جفاف جلدي .

من اسبابها:

1: قد يكون كسلا في نشاط الغدة الدرقية .

2: أصابة فطرية أو بكترية.

3: أستخدام بعض الأدوية التي تسبب الجفاف الجلد .

4: وجود أمراض داخلية مثل وباء الكبد وارتفاع انزيمات الكبد .

5: حمية قاسية قطع عناصر أساسية من طعام .

علاجها :

1: أستعمل الماء البارد عدة مرات في اليوم وعد الفرك الجلد في الخيشة والأسفنجة والأشياء الخشنة .

2: بعد الغسيل بماء البارد ودهن المكان المصاب بزيت الزيتون أو الفازلين الأضفر .

3: أخذ عينة عند البيطري ممكن نقص فيتامين او نحاس الخ....................؟


http://www.mzayan.com/vb/mwaextraedit4/extra/33.gif


طفيليات الجلد
الجرب
Mange
تعريف المرض :
مرض جلدي يصيب الإبل يؤدي إلى حكة شديدة وإعاقة في النمو وقلة في الإنتاج وهو مرض واسع الانتشار .
المسبب :
طفيل جنس ساركوبتيك وكوريوبتيك Sarcoptic and Chorioptic من نوع القارمة الجملية Sarcoptes Scabiei Var Cameli
الصفات الشكليائية :
طفيليات صغيرة الحجم ، بيضاوية الشكل ، ذات أرجل طويلة تبرز خارج حواف الجسم ، تتصف الذكور بوجود زوج من المحاجم قرب الشرجية على السطح البطني ، وزوج آخر من الفصيصات

http://www.spana-syria.org/Atlas/Camel/WebPage7/image/1/image002.jpg

الشكل (1) ساركوبتك Dr. Robert M. Corwin and Julie Nahm))

دورة الحياة :
تحفر الأنثى أنفاق في الجلد وتضع حوالي (40-60) بيضة في العنق تفقس البيوض خلال (3-5) أيام وتخرج منها يرقات صغيرة مزودة بثلاث أزواج من الأرجل .
تنسلخ اليرقات إلى حوراوت تحوي 4 أزواج من الأرجل لتتطور فيما بعد إلى الأطوار البالغة . تبقى الإناث البالغة في جيوب الإنسلاخ لحين تخصب من قبل الذكور وتبدأ بعد (4-5) أيام بوضع البيوض .
طرق انتقال المرض :
الملامسة المباشرة أو غير المباشرة ، عن طريق مناهل الشرب الاحتكاك المباشر ، استخدام الأدوات المختلفة للإبل من سرج وحبال ، كما أن خروج الأطوار المختلفة للطفيل إلى سطح الجلد يساعد في انتقال الحلم .
الأعراض :
أكثر المناطق إصابة هي الرقبة والوجه والرأس ، المنطقة الإربية والقوائم الخلفية والصدر والذيل وأحياناً تشمل الإصابة معظم أجزاء الجسم ويمكن العثور على جميع أطوار الطفيل على الجلد.الحك الشديد نتيجة لدخول الطفيل إلى الجلد ونتيجة لهرش الأماكن المصابة قد يحدث نزع للوبر،ازدياد ثخانة الجلد، تشكل ثنيات جلدية وتنشأ قشور تتساقط تترك مكانها بقع جلدية عارية محمرة اللون . قلة في الإنتاج وهزال تدريجي في حال الإصابة الشديدة قد يؤدي المرض إلى النفوق .
التشخيص :
الحقلي :
من الأعراض الإكلينيكية .
المخبري :
بكشط حواف الجزء المصاب باستعمال مشرط حتى ظهور الدم . وتوضع القشطات في محلول 10% هيدروكسيد الصوديوم NAOH وتسخن قليلاً ثم توضع في أنابيب اختبار وتوضع في جهاز طرد مركزي (1500 دورة / لدقيقة) لمدة 5 دقائق وترشح العينة ويؤخذ جزء من الراسب ويفحص تحت المجهر للتأكد من وجود الحلم .
المكافحة :
- استخدام المركبات الدوائية الفعالة والمؤثرة في هذه الطفيليات وذلك بطريقة الرش أو التغطيس مثل مركبات ديازينون Diazinon .
- كما يمكن استخدام الإيفرمكتين Ivermectin بحقنه تحت الجلد

[مشعل الشويش]

قبـل


http://www.alhadafa.com/uploadedfiles/images/13220.الفاطرر

بعـد


http://www.alhadafa.com/uploadedfiles/images/13221.الفاطرررر

....
اشكر جميع الاخوان الكرام على المداخله والارشادات .
وبيض الله وجيهكم . ولاعدمناكم جميع

[بندر الرويلي]

الله يشفيها ان شاء الله

[مشعل الشويش]

الله يجزاك خير ياوجه الخير .