يا أهل جوسمين .. اللي مضيع له بكره عليها وسم السدارى

[فهد الأحمد]

لفت علينا بكرة جذعه ضايعه من أهلها قبل تقريباً 5 أيام
عليها وسم السدارى
على الفخذ من يسار

حلقتين على الفخذ من يسار يصل بينهما مطرق (خط مستقيم)

كل خوفي تكون من هل البل اللي حادرين من الربيع
لأن لها 5 أيام ولا جانا من يسأل عليها

البكرة إن شاء الله إنها في الحفظ والصون وضامينها مع أبلنا والله يكتب اللي فيه الخير

للأستفسار الإتصال على جوال

0505819817

أبو فيصل

[عايض بن مبارك]

بيض الله اوجيهكم

والله يعقلها لهلها

[فهد الأحمد]

أسبوعين ولا جانا من ينشد عن البكرة
مع العلم إنها بالحفظ والصون

أذكروها لأهل الوسم

[تركي القرفي]

سبحان الله وبحمده , سبحان الله العظيم

اللهم ياجامع الناس ليوم لا ريب فيه, اجمع اخينا صاحب البكره بضالته عاجلاً غير أجل.

وبيّض الله وجهك يا فهد على العلم الغانم.

ابو برّاك

[فهد الأحمد]

الله يسمع منك ويعقل على راعيها
ولاعيكم زود يابو براك ولا يهونون باقي الاعضاء