من يدلني وله مني الدعاء

[هادي الرزقي]

السلام عليكم ورحمة الله وبركاته

(الدال على الخير كفاعله )

يالربع من يدلني على فحل طيب مجهم وله انتاج من قبل وله مني دعاء بظهر الغيب ماعندي الا ناقة وحده مجهم وابغى اتعب على شانها .لان باقي حلالي عمانياات.


بانتظار ردودكم .

وبالمناسبه عندي بعير اول انتاجه بنشوفه اخر شهر 11 والبعير على شاهين الكليلي والله يعطينا ويعطي المسلمين منه .من يريد الله يحييه ولاعليه الا يرسل حلاله ومخدوم .

[جابر ال جابر]

الركاب المنتجة واجد لكن وين مكانك على شان نذكر لك البعير اللي قريب منك

[هادي الرزقي]

مشكور لسرعة الرد ياجابر جعل من جابك في الجنه

انا بالجنوب بنجران

[محمد الوهبي التميمي]

مراحب ياابوصالح ودياركم اهلها ادرابها
وان ارسلت ناقتك صوب نجد بستقبلها معززه مكرمه مع ابلي
ولاهيب راد الا معشر بإذن الله
ارسل لي على الخاص ان جازت لك الفكره
ولا نبي الا الدعاء منك لوالدينا

[هادي الرزقي]

الاخ محمد : بيض الله وجهك ووجه القاريء لرسالتي هذه
مايستغرب الطيب من منبع الطيب وانا اخوك وانت وافي ومن وافين

جعل والديك الجنه وصل جميلك والله لايزيلك .

اخونا في المنتدى نايف بن سعود بيض الله وجهه اتصلت فيه ولاقصر رحب وهلا وعنده الفحل - جسران الله يبارك له فيه ويعدّيه عيون الشياطين
ولاهي غريبه على المطاليق شرواكم .
ولا يفوتني ان اشكر كل من رد على موضوعي والله يرزقكم من واسع فضله .

آخوكم/ هآدي صآلح .

[طلال بن عقاب]

الله يرزقق ويرزق الجميع قول أمين

[هادي الرزقي]

آبو عقآب : اللهم آمين ويرزقك ان شاء الله من واسع فضله

جعل والديك الجنه ووالدي القاريء

[ناصرالموسى]

كفو والله يامحمد التميمي واخونا هادي يستاهل وياسلام على المسابق على الطيب وكسب المغانم وعلوم الرجال ولا خلا ولا عدم ولا هيب غريبة عليكم وجعل ربي يبارك لك في حلالك وجميع أخواني أعضاء المنتدى