المساعد الشخصي الرقمي

مشاهدة النسخة كاملة : بغيت اسالكم عن ناقتين عندي

عبدالعزيز بن متعب
07 / 09 / 2011, 35 : 12 PM
http://www.mzayan.com/vb/mwaextraedit4/extra/03.gif


عندي ناقتين وحده بكر ثنيه ساحليه لقحه بس ماطلع بطنها لقحه من شهر واحد هجري ولا طلع بطنها وديوسها ما نزلت مره والشعلا لقحه وبطنها كبير شوي بس لين جيتها وقلت لها اخخخ ما تشاول اول عندي ناقه لين جيتها تشاول ودي اعرف هل هم لقحات ولالا ابي طريقه غير اني اعرضها على الفحل
أحمد التميمي
07 / 09 / 2011, 51 : 12 PM
مرحبا اخوي اذا تبي تتأكد 100% مالك الا الفحل هو الي يطلعها
عبدالرحمن الوطين
07 / 09 / 2011, 53 : 12 PM
مالك الا الفحل يفحصهاا ميه في الميه
عبدالعزيز بن متعب
07 / 09 / 2011, 55 : 03 PM
انا عارف ان الفحل يطلعها بس ما حولنا فحل ؟
محمد الوهبي التميمي
07 / 09 / 2011, 03 : 04 PM
القحه ام عشرة اشهر تبين ياعبدالعزيز بدون فحل
ونزول الديد بعض البل قبلها بشهر ولاهو دليل
شف بطن الناقه شف ممشاها شف خويرماتها
واللي توخخ لها ولاتشاول بعد ماهو دليل البل تختلف عن بعضها ياعبدالعزيز
ومشاول المعشش يغش للمعلوميه بس مابعد العشر شهور غش
عبدالعزيز بن متعب
07 / 09 / 2011, 44 : 04 PM
والله انك صادق بعد شهر بتتم 10 شهور ونشوف المشكله ان الساحليه مششاها عادي هي بكره ومافي شي يبين لقاحها ونشوف بعد شهر اما الشعلا لها 9 شهور ومبينه من مشيتها بس ماهي بكر
سعد حمود العوني
07 / 09 / 2011, 35 : 11 PM
البكر يبين عشارها حياها يصير زي حيا الناقه العوان اذا صار لها 5 شهور وفوق
مشعل الشويش
08 / 09 / 2011, 35 : 10 PM
نعم يابو حمود واضحه وضوح الشمس فالقايله ..

واللقحه بيّنه يابو متعب والله يبارك لك فيما اعطاك
هادي الرزقي
08 / 09 / 2011, 08 : 11 PM
مآلك آلآ آلفحل يبيّن لك . وآذآ مآحولك فحل حآول تجرب هذي آلطريقه حط في يدها حبل من تحت ركبتهآ من دون مآتعقلها بس حطه وقل لهآ آخ آخ .
مجربه والله آعلم ..
صديق المسلمي
11 / 09 / 2011, 05 : 03 AM
يذكر لي واحد من الربع ما عنده فحل ويقول أنه مسجل صوت فحل يهدر بالجوال ويشغله عند اذن النياق وأن النقياق القحات تشول
وانا والله ما جربتها عندي فحل والله الموفق
بخيت البريدي
11 / 09 / 2011, 06 : 07 AM
اخوي الكريم اعقل يد الناقه وبتعرف اذا هي لقحه ولا لا القحه بتشاول اذا عقلت يدها اذا ماحولك فحل
مفلح الهاجري
11 / 09 / 2011, 53 : 07 PM
سونار من البيطري يفحصها لك اذا لقحه ولالا الناقه ب 300 ريال تقريبا
فيصل الخييلي
11 / 09 / 2011, 45 : 08 PM
مالك الا الفحل بعدين الناقه متخاف تعرف بس البكر تخاف لانه اول مره بس بتشوف الديد نازل او بطنها كبير
بندر الرويلي
12 / 09 / 2011, 51 : 07 PM
مثل مقالك الاخ هادي
حط بيدها حبل او اعق يد الناقة
وراح تشوول ان شاء الله
عاد لقحة ولا معشش علمها عند الله
الفحل بيكشفلك المعشش
بندر الرويلي
12 / 09 / 2011, 51 : 07 PM
مثل مقالك الاخ هادي
حط بيدها حبل او اعق يد الناقة
وراح تشوول ان شاء الله
عاد لقحة ولا معشش علمها عند الله
الفحل بيكشفلك المعشش