هل هداد الفحل الجذع (القصير) يؤثر على طوله؟

[راشد بن مخيزن المنصوري]

هل هداد البعير الي توه مجذع في حالة ان البعير قصير القامه هل يؤثر على نموه لاحقا؟ وكذلك العجوم اللقايا هل القاح يؤثر على نموهن؟

[سيف القحطاني]

حياك الله يابو مخيزن

من واقع تجربتي ان الفحل القصير ولا الطويل قوائمه مايؤثر هداده في قؤائمه مستقبلاً

ولكن في العجوم نعم يؤاثر والافضل في سن الجذعات

[محمد الوهبي التميمي]

حياك الله يابو مخيزن

من واقع تجربتي ان الفحل القصير ولا الطويل قوائمه مايؤثر هداده في قؤائمه مستقبلاً

ولكن في العجوم نعم يؤاثر والافضل في سن الجذعات
كلام صحيح ميه بالميه والبعير الجذع ماعليه بالعكس يزين جرمه بعد الإضراب
ام العجم تتأثر في طولها اذا اضربتها دون السن المعتاد

وقبل سنوات كنت ضيف عند اهل المكارم شمال المملكه
وهالضيافه كانت عند البل
ولاحظت ابلهم فيها طول غير عادي مع العلم انها مغاتير
وسئلته عن السر وكان رده
ياولدي مانضرب البكار ألاسن الثنيه
وذا سر أحجام الابل عندنا

[عبدالله ماجد العفاس]

جزاكم الله خير
كلام صادق , واجابات وافيه .

[راشد بن مخيزن المنصوري]

جزاكم الله خير



كلام صادق , واجابات وافيه .


الزين يا أهل الكرم فيكم وراثه ***** أكيد لأنكم كاسبين النواميس ....يعل والديكم الجنة

[عبدالله حمد العتيبي]

مــــا قصــرو الاخـــووووان

[مشعل الشويش]

يابن مخيزن الله يحييك .

الاخوان كفوو ووفـو وبيض الله وجيههم جميع .

وانا من واقع تجربه شخصيه اشوف أن القعود لاهد جذع ينطلق عظمه ويظهر ويزين .

وترى الشبك وكثرة الطعام والرباط تغط القعود خاصةً لا ركبه لحم .. ولكن فك القعود مع البل ( الممشى له دورً كبير جداً ) .

..

والعجم لاتضربهن ألاّ جذعـات .. ألاّ اللقيه الباهيه كانك تبي الانتاج . وموفق

أخوك

[راشد بن مخيزن المنصوري]

يابن مخيزن الله يحييك .

الاخوان كفوو ووفـو وبيض الله وجيههم جميع .

وانا من واقع تجربه شخصيه اشوف أن القعود لاهد جذع ينطلق عظمه ويظهر ويزين .

وترى الشبك وكثرة الطعام والرباط تغط القعود خاصةً لا ركبه لحم .. ولكن فك القعود مع البل ( الممشى له دورً كبير جداً ) .

..

والعجم لاتضربهن ألاّ جذعـات .. ألاّ اللقيه الباهيه كانك تبي الانتاج . وموفق

أخوك
:mwalat32: