المساعد الشخصي الرقمي

مشاهدة النسخة كاملة : مجاهيم ابن مهنا

فراج بن شويشان
02 / 09 / 2011, 32 : 10 AM
السلام عليكم ورحمة الله وبركاته
وكل عام وانتم بخير
يالربع عندي استفسار عن اخو ناصر ابن مهنا السبيعي راعي الوضح هل فيه احد من اخونه عنده مجاهيم وباعها قبل فتره اذا كان الكلام صحيح نبي علومها كامله من اللي يعرفها وهل وسمهم هو المشعاب على الفخذ من يسار والشاهد هو مطرق معترض وفوقه رقمه على الرقبه من يسار.
وكذلك ابي علوم بعير العدواني المجهم من اللي يعرفه.
وشكرآ لكم مقدمآ.
فيصل الخييلي
02 / 09 / 2011, 36 : 11 AM
ان شاء الله يفيدونك الاخوان
وافي مليح بن موطان
02 / 09 / 2011, 17 : 01 PM
ناصر ابن مهنا كان عنده مجاهيم قبل تقريبا 12 سنه

ولا اعلم هل باعها ولا باقيه عنده
فراج بن شويشان
02 / 09 / 2011, 57 : 01 PM
هلابك ياوافي
الابل لخو ناصر بن مهنا وماهي له وهل الوسم والشاهد المذكور لهم
وشكرآ لكم جميعاً
خالد الفالح
02 / 09 / 2011, 31 : 02 PM
ارحب شريت لي ناقه العام من عتبان والضاهر انهم مقطه

وقلت وش اصل الناقه قال من ابل ابن مهنا الاوله قبل الوضح والكلام ذا من اكثر من 15 سنه

وباعها على الامير عبدالرحمن بن عبدالعزيز

وشراها او خذاها هدو ابن سهو العتيبي وما زالت سلالتها عنده الى ذا الحين
عبدالله فهد البررازي
02 / 09 / 2011, 52 : 02 PM
كلام اخوي خالد صحيح ناصر عنده مجاهيم قبل الوضح وباعهاء وانا كان عندي نياق مجاهيم القحات على هرش عليه وسم ناصر وشاهده واعتقد الهرش موجود وبحاول الصوره
فراج بن شويشان
02 / 09 / 2011, 38 : 11 PM
الله يجزاكم خير يالربع على الرد
لكن الابل اللي اسأل عنها هي لخو ناصر ما اعرف اسمه وهل الوسم والشاهد المذكورين لهم
أحمد التميمي
03 / 09 / 2011, 33 : 12 AM
انا الي اعرفه انها عند ناصر بن مهنا وانه باع منها وخلى الهرش والابل الطيبه لانه ميوله للوضح
أحمد التميمي
03 / 09 / 2011, 36 : 12 AM
وفيه مفرروده على الهرش بسوق النعيريه عليها 250 الف عند قحطاني
فراج بن شويشان
03 / 09 / 2011, 20 : 12 PM
لا ازال ابحث عن الاجابه يالوجيه المفاليح لانه معروضه علي البل ولكن ابي العلم الأكيد ووسمها المشعاب على الفخذ من يسار والشاهد مطرق معترض وفوقه رقمه على الرقبه من سيار
سلطان الروقي
04 / 09 / 2011, 50 : 10 AM
نعم أخو ناصر بن مهنا عنده مجاهيم وأبل طيبة وأذكرها مبطي

أما الوسم فصحيح هذا وسم أبن مهنا

أما بعير العدواني ماأعرفة

أن كان تقصد بعير العجواني حياة فهاد الله يرحمة وأموات المسلمين

البعير اشتراه دوسري وولدة اشتراه خالد الثقفي ويسام بأقيام عالية

والبعير كفو ومنتج وعند عيال فهاد أنتاج على الهرش قعدان طيبة

وأهلها يستاهلون كل علم طيب
فراج بن شويشان
04 / 09 / 2011, 56 : 12 PM
مجمل ومشكور ياسلطان وكل من رد علي والبل شريناها عسى الله يطرح فيها البركه