وش علاج الهيام

[عبدالرحمن الوطين]

http://www.mzayan.com/vb/mwaextraedit4/extra/01.gif

ياخوان الله يجزاكم خير وش علاج الهيام وشنو اوصافه ياليت تفيدونا والناقه عندنا مواته ونبي غير الابره وهل الابره تظرها ياليت الافاده من اهل الخبر

[عبدالله النخيب]

الاخ عبد عبد الرحمن

طلما انت من اهل الكويت

اكو خبير بالابل عندك بالكويت

اسمه ابو شافي الشمري

جبناه مره لناقة فيها هيام والناقة كانت مواته

وبفضل الله اولا ثم بفضل هذا الشخص

تم علاجها ,, والعلاج كان ثلاث كويات + اعشاب هو جابها معاه ولاكن اولا مره اشوفها

+ ابر

هذا رقمة 0096565925949 ترى الرقم هذا قديم مادري عندنه للحين ولا لا

وسلامتك

اسئل الله ان يشفي ناقتك

[محمد الوهبي التميمي]

علاج الهيام
أسم الإبره : سيملاراسان
20مل في اللحم CYMELARSAN
تجي بودرة وتخلط معها ماء مقطر أو غلي الماء وتركه يبرد
تعطى للقحات عادي من بعد 3 أشهر
السعر 95 - 100 ر . س
________
تحياتي ..

[عبدالرحمن الوطين]

مشكورين ولاهنت على الرقم

وادق من اليوم مايرد ويا الربع الي عنده وصفه شي يجيبها الله يجزاكم خير

[عبدالله النخيب]

للاسف اخي عبد الرحمن ماعندي له غير الرقم الي عطيتك

[بندر بن معيض المطيري]

وعليكم السلام ورحمه الله وبركاته

فيه خلطه علاج يستخدمها البعض ويثنى عليها

يخلط قليل من الرشاد والحبه السودا وحب الفلفل الاسود

والحلبه وطحنها جميعاً مع قليل من البر وتعجن بالماء وتعطى كل يوم 3 لقم كبيره لمده اسبوع

واسئال الله ان يشفى ناقتك

[بندر بن معيض المطيري]

هذا موضوع عن الهيام اتمنى انه يفيدك

http://mzayan.com/vb/showthread.php?t=25469

[بدر العوام]

أخوي عبد الرحمن كل عام وانت بخير اذا أمسيت أقر اذكار المساء وتمش مع ربعك بحدى هالحزوم الي عندكم ودور حية أم جنيب أذبحها وأقطع رأسها وذنبها وبلعها الناقة وبأذن المولى انها تطيب ( مجرب)

[سعد حمود العوني]

علاج الهيام حزمه حرمل اطبخه لمده نصف ساعه
وخله لين يكون دافي مثل حليب الناقه واشخله واسقها المويه هذا من واقع تجربه وكذلك فيه ابر يمدحونها الناس وانا ماجربتها

[عبدالرحمن الوطين]

الله يجزاكم خير والناقه الحمد لله طابت كوينها ثلاث كويات وحال تسر

[عبدالله حمد العتيبي]

ا لــحــمــد لــلــه

[بندر الرويلي]

عليك بالابره الفرنسية للهيام اللي قيمتها 95 ريال وانحش من الابره الهنديه اللي قيمتها 25 ريال

[سلطان القعياني]

الهيام وانا اخوك اول شي تراه مايعدي النياق عشان كذا لاتعزل الناقه عشان تتطلق وتحرك فبه ابره فرنسيه ب ٩٥ ريال تعطيها ١٥ سم وبعد اسبوعين بالضبط تعطيها مره ثانيه هذا بالنسبه للإبر. وبالنسبه للعلاج بالأعشاب خذ لك كيلو ثوم واطحنه واقسمه اربع اقسام وعط الناقه كل ٣ ايام الثوم مع الماء اخلطه يعني ٤ مرات كل. ٣ ايام وبألنسبه للكي مالي خبره فيه لكن الهيام اذا ماكان مزمن فيه رجاء لكنالمزمن مشكله انا قبل اسبوعين مات لي بكره من اطيب نياقي ذبحها الهيام والله يعوضنا

[وافي مليح بن موطان]

اخوي سلطان الهيام معدي معدي حتى لو قالوبعض البيطريين انه مهوب معدي
ردها عني من واقع تجربه

ولي عودة للموضوع والتعقيب عليه

[سلطان القعياني]

الهيام ماهو معدي وارد كلامي علي أهل العرف من أهل البل. لكن المعدي هو. السلاق