الفزعه يالربع الناقه سل حالها وضعفت

[مبارك العازمي]

السلام عليكم ياوجيه الخير عندي ناقيه طيبه شاريها معشر وبعد شهرين اكسرت وبعدين جاها ضعف وهزال مع العلم ان الناقه اكلها زين وممشاها زين ودمنها زين عطيتها الابره الفرنسيه جرعتين وعطيتها ابره الهيام وعطيتها بنسلين ولا فاد وش الحل معها ياوجيه الخير مع العلم اني يوم شريتها لقيت فيها كوي مطرق بين السر والديد والناقه كانت زينه ومدري وش جاها اللي عنده خبره لايبخل علينا والله يجزاه الجنه

[محمد الوهبي التميمي]

يامرحبا يامبارك
هل استخدمة حبوب الدود؟
لابد حبوب الدود تكون لجميع البل الصحيح قبل المصاب بالجرعات المناسبه
وانا ارجح انه دود اللي في ناقتك لان خاطرها طيب وأكلها طيب
على العموم التحليل المخبري هو الفيصل لأي حاله مرضيه
اذا انت حول منطقة الرياض اعطيك اسماء المختبرات القريبه لك

[فيصل الخييلي]

مثل ماقال اخوي محمد التميمي عطها حبوب دود ثنتين وبعد اسبوع ثنتين

[مبارك العازمي]

اشكر الاخوان على المشاركه وجزاهم الله خير وانا ياخ محمد عطيتها ابرة الدود الفرنسيه الزرقا اربع جرعات اعتقد انها تكفي عن الحبوب

[عبدالرحمن المري]

الناقه معها اخشام اسال هل الخبرة عن الخشام

[مبارك العازمي]

ابشركم اليوم جبت الدكتور واخذ عينة دم وعينة دمن وقال الناقه بطنها مليان دود ويرقانات وعندها فقر دم وعندها نقص بالمناعه ونقص بروتين وواعدني بكره اجيه بالعياده واخذ العلاج وجزاكم الله خير