عطونا رايكم في هالحواره

[متوكل الحويماني]

السلام عليكم ورحمة الله وبركاته


وش رايكم ياجماعة الخير في هالحواره

عمرها تسعه شهور

[بهيان أل ملحف]

صباح الخير
ان شاء الله ان فالها طيب اصبر عليها
حتي تحق

[متوكل الحويماني]

الله يطيب فالك يابهيان

[طلال الروقي]

وعليكم السلام ورحمة الله
تقبل الله منك الصيام والقيام اخوي متوكل

الحوااارة مافيها مايميزها عن غيرهااااا
عااااااادية جدا
وأسأل الله أن يبارك لك في حلالك أجمع

[خالد الفالح]

في شكلها الحاضر ما فيها زود زين بين

ان كان سرها طيب وهو الضاهر فاصبر عليها بتشوف فيها ما يسرك بداوه حلوه عرنونها طيب وسدوها طيب وبتجيك البكره

[فلاح البديوي]

طيبه وراعيها اطيب

[رجا ال بريك]

لا تستعجل على الحكم عليها
ان شاء الله كل ماتكبر تزين
وفالك طيب

[عيد العوني]

عاديه جدا وان تجاليت خشمها لكن لحيها ما ينقبل هذا رايئ ولك تحياتي

[فهد بن عطاالله المطيري]

مرحبا اخوي متوكل

من خلال الصور ارى انها في ظهور البكره ... الصبر طيب واخر صوره لها يبين لوقتها وان البكره حاليه بالحيل وفي رقي والله العالم

اتمنى لك وللجميع كل خير

[متوكل الحويماني]

الله لا يهينكم جميعااااا وبيض الله وجيهكم وتقبل الله صيامكم وقيامكم

واما ساسها والله مدري من ابوها.

زانت في نضري وهي ام اربع شهور ولبسناها القلاده والله يطرح البركه لنا ولكم

[زايد المنصوري]

عادية جدا و لابها ما يميزها

عسى ربي يرزقك باطيب منها

[سعيد حمد الدوسري]

السلام عليكم ورحمة الله وبركاته
الله يبارك لك في حلالك ومالك ويرزقك

البكره فيها قصر المشرب وهي تو زينها بيجيك في نظري انها مقنوي حلوه

[هادي الرزقي]

آنآ من رأئي البكره بتشوف زينها من حقه وفوق الله يبارك لك في حلآلك .

[حاتم العماري]

الله يبارك لك في حلالك
البكره مبروكه وعاديه وماشوف فيها زين
الله يرزقك ويوفقك

[مشعل الشويش]

في شكلها الحاضر ما فيها زود زين بين


ان كان سرها طيب وهو الضاهر فاصبر عليها بتشوف فيها ما يسرك بداوه حلوه عرنونها طيب وسدوها طيب وبتجيك البكره




اتفق مع اخوي ابوفالح في كل ماقاله .

والله يبارك لك فيما اعطاك .

[متوكل الحويماني]

الله لا يهينكم على مروركم

[خالد الغزلي]

البكره عاديه جدا
والله يرزقك بالبكار الغوالي