رايكم في البكره يا هل النظر

[ممدوح احمد الشريف]

بسم الله الرحمن الرحيم

رزقنا الله هالبكره دخلت حقه الشتاء اللي عدى

عليها وسم ال سعود وعليها الهلال على كتفها الأيسر ولاني عارف هو عزل من من ال سعود

مرخين عليها الطعام والبكره كل مالها تزين


رايكم فيها تستاهل من يجودها والا نبيعها ... ( مالي في صبر سنتين :( على ما تنتج ان شاء الله تعالى)

وهذي صورتها ماشاء الله تبارك الله

http://dc16.arabsh.com/i/03315/i2lfsgf69f1n.jpg (http://arabsh.com/i2lfsgf69f1n.html)

[أحمد بن عوض المطيري]

ماشاء الله

الله يبارك لك يااممدوح

[مشعل الشويش]

دوّر لها البعير المنتج وابشر بما يبهج خاطرك بإذن الله .

البكره لون وعـون ومقنويةً طيبه ..

عليها الرقبه الكفـو واللحي الكايف والراس كـ كل طيّب ماشاء الله

اللون طيب / والجنب وافـي / تعايبت عليها عرقوبهـا ولاهي بـ سنـاد ..

لكـن اكرم وانعم ..

...

تقبل مروري

[حاتم العماري]

الا امسك بكرتك الله يبارك لك
البكره طيبه وبتشوفها في الجذعه والثنيه /المقنوي -الكايفه باذن الله
تقبل تحياتي

[زاهر العرجاني]

الله يبارك لك فيها

للاسف ماظهرت لي صورتها لكن نظر الاخوان اللي شافوها يكفي

وعليك بنصيحتهم الله يرزقك منها سوى بيع والاانتاج

[نواف العبدلي]

ما شاء الله

[خالد الفالح]

البكره طيبه مقنوي رق وراس

واشوفها دنا اشوي ماهي سناد

ومدري الضعف مظهر عيزها

العرقوب ردي

والرقبه ان كان محد يشر لها ماهي مطاوله فكفو

والبكره في الاجمال طيبه وتظم ابرك من ناقة كبيره مقفي صيبها

[عيد العوني]

دوّر لها البعير المنتج وابشر بما يبهج خاطرك بإذن الله .

البكره لون وعـون ومقنويةً طيبه ..

عليها الرقبه الكفـو واللحي الكايف والراس كـ كل طيّب ماشاء الله

اللون طيب / والجنب وافـي / تعايبت عليها عرقوبهـا ولاهي بـ سنـاد ..

لكـن اكرم وانعم ..

...

تقبل مروري




اوافق اخونا مشعل الراي وهذا النقد الصحيح في رايئ المتواضع وبالتوفيق ان شاء الله

[مسفر بن جزاء]

ياممدوح بكرتك وانا اخوك كااااايفه
الله يباركلك فيها

[عبدالله الفقيه السبيعي]

السلعه الطيبه ماتباع الا في واجبٍ غصاب وأنت أعرف مني ضم الناقه دامها فأول شببها وخذ فوالتها ولا اقفت ماهيب مدقرةٍ عندك انشاءالله وزبونها والم لكن ياغليها لا جت في يدين الريجيل هههههههههههههههههه الا ان كنت مغتني فالله يغنينا وياك بع وربك فضله واسع ..