هل الجزر مفيد للبل

[عبدالله سعد محمد]

السلام عليكم

اخواني قبل فتره شفت برنامج في قناة الزراعه على اخر البرنامج :mwalat21:

يعلفون البل جزر :mwalat10:

هل هو مفيد او اقتصادي:mwalat29:

[مسعود العماري]

الجزر علمياً يحتوي على فيتامين أ

وهذا الفيتامين مفيد للبل في امور كثيرة منها إدرار الحليب والنظر

وأكيد البل اللي يعلفونها جزر تستاهل واحتمال إنها هجن

[نواف العبدلي]

هو يعتبر اقتصادي لاكن الفائدة مدري عنها

ولو تستمر المعاناة عطيناها مكبوس دياي على قولت إخوتنا الاعزاء الكويتيين

[مشعل الشويش]

هو يعتبر اقتصادي لاكن الفائدة مدري عنها

ولو تستمر المعاناة عطيناها مكبوس دياي على قولت إخوتنا الاعزاء الكويتيين




هههههه

احمدوا الله اي أزمـه اللي تخليكم تضرّمون بالارز والجزر .. ؟!

الازمه والله فالصومـال واخواننا المسلمين اللي قضى عليهم الجفاف

الحمد لله كما ينبغي لجلال وجهه وعظيم سلطانه .

[محمد الوهبي التميمي]

حبه حبه
لهدرجه الازمه بدت تخلفنا!
امس يكلمني شخص يقول اعلف باقي محلات الخضار!
وناس تعلف رز !
وناس تعلف جزر!
ياجماعه اللي مو عارف طرق التعليف والبدائل يكتب له موضوع والكل يرد بحسب خبرته
كم إبلك واعطيك وش البدائل اللي تزين حلالك احسن من الشعير والمكعب

[مسعود العماري]

حبه حبه
لهدرجه الازمه بدت تخلفنا!
امس يكلمني شخص يقول اعلف باقي محلات الخضار!
وناس تعلف رز !
وناس تعلف جزر!
ياجماعه اللي مو عارف طرق التعليف والبدائل يكتب له موضوع والكل يرد بحسب خبرته
كم إبلك واعطيك وش البدائل اللي تزين حلالك احسن من الشعير والمكعب

بعد إذاك أخوي عبدالله

اتمنى منك يا محمد التميمي طرح موضوع مستقل لتبادل الخبرات والبدائل في التغذية

لتعم الفائدة للجميع

[وافي مليح بن موطان]

بسم الله الرحمن الرحيم

قبل فترة ولدت عندي بكر ومغير تذاير ولا تخلي احد يقربها

وصرت اعطيها خبز لعلها تركد ونسيت الخبز ذات يوما :mwalat30:

ولقيت الي يبيعون الخضار اهل السيارات
واخذت جزر 2 بعشرة تقريبا الكيس بين 5 الى 7 كيلو مهيب سوى

واخذته من باب التجربة وبدت القصة مع الجزر :mwalat39:

وصرت اخذه من سوق الربوة 3 اكياس بعشرة واعطي الخلفات جزر وبرسيم كل ناقه كيس من وراها

والنتائج كتالي

الحليب حلو بشكل غريب لدرجة ان الشخص يشك انه في سكر
علف اقتصادي جدا جدا
سحر للابل ولا فيه مقارنة مع الخبز
في نظري ان الابل زادت عليه وان الشعرة مع البرسيم تلامع تقول مدهونة
غير القيمة الغذائية والعناصر والفتامينات

وكلامي قبل ازمة انقطاع الشعير في شهر 4 تقريبا الى شهر 7

[سلطان الدلبحي]

اللي مايعلف شعير ولا حشايش مثل

التبن الله يكرمكم ولا رودس ولا برسيم

يخلي ابله على الحمض افضل وش الخربطه ذي خضار ولا رز

ماقد خبرناا حدن علف كذاا انتبهو يا ريجيل ترء المطيه مهيب بقره الللي مخلفات البيت يودونه لهاا

انتبهووو على حلالكم

[خالد الفالح]

جزر دام الارنب تحبه ونافعها بنعلف الابل عليه تطبيع ولاّ هو ليس علف رسمي للابل

اطعمت ابلي منه العام اطعام تطبيع بدل الخبز

لقيته مع سوري يبسط به اول سوق الاعلاف الكيس بريالين ماله شكل

والله ان الابل تدوج في الشبك على الجهتين انا وولدي كل يصيح عليها من جهه بغت تكسر عمارها بس انقطع وانا عجاز ولا الربوه جنب بيتي

[نواف العبدلي]

هههههه

احمدوا الله اي أزمـه اللي تخليكم تضرّمون بالارز والجزر .. ؟!

الازمه والله فالصومـال واخواننا المسلمين اللي قضى عليهم الجفاف

الحمد لله كما ينبغي لجلال وجهه وعظيم سلطانه .


اللهم لك الحمد حتى ترضى ولك الحمد اذا رضيت ولك الحمد بعد الرضى ولك الحمد على كل حال

[وافي مليح بن موطان]

الله جابك يامطوع

وراك تلومنا يابو فالح في الموضوع الثاني الضاهر الي عن الرز !!؟؟ :mwalat20:
وتوجد للبهايم كناا مذنبين فيها وشكلك لولا الحياء كان قلت ابتليتو عطايا الله :mwalat19:

واثرك من اهل الجزر :mwalat40: ياليت الدواسر يشوفونك والله من المشاعيب يامطوع ههههههههههه

المهم لاتعلم احد عن الجزر على شان مايغلا والله يهديك تعلم بالسعر الصحيح والموقع ياخوك استخدم التقيه الشيعيه ولا التورية الاسلامية :mwalat29: وانا اقول بخمسة مابي احد يرغبه وانت كبيت عشانا الله يهديك

[فلاح الرشيدي]

عليكم السلام

بسرك يدربون الخيل ويخلونه يسوي حركات بسبب الجزر يدوخ عليه

بعدين ياخوان

كيس بذور جزر كبير ب5 ريال

سولك حوض زرع ونثره بسبوعين تجنيه

[صالح العاطفي]

انا مابعد عطيت جزر
لاكن يقولون فيه فايده سحر للمطيه
وناس واجد يعطون الجز بس ماهو علف رئيسي والبعض في مزارع
ويقولون تردم من الشحم والحليب عصير سيزر

[عبدالمحسن المقاطي]

هو يعتبر اقتصادي لاكن الفائدة مدري عنها

ولو تستمر المعاناة عطيناها مكبوس دياي على قولت إخوتنا الاعزاء الكويتيين

هههههههههههههههه
هههههههههههههههه
هههههههههههههههه

[عبدالله سعد محمد]

اشكر كل من ادلى بدلوه
هذي ساحة اسئلة واستشارات

كل شخص يعطي شوره عشان يفيد ويستفيد

انا اول مره اشوف الابل تاكل جزر
وفعلا استفدنا من اصحاب الخبره فائده جديده
انه جيد للتطبيع والحليب سكر

[بندر الرمالي]

لا تعليق
انا مع الاخوان الي يقولون اذا انقطع الأعلاف ودها للحمض
اما الجزر وغيره شئ غريب كان يطبع فلاباس

[خالد الفالح]

الله جابك يامطوع

وراك تلومنا يابو فالح في الموضوع الثاني الضاهر الي عن الرز !!؟؟ :mwalat20:
وتوجد للبهايم كناا مذنبين فيها وشكلك لولا الحياء كان قلت ابتليتو عطايا الله :mwalat19:

واثرك من اهل الجزر :mwalat40: ياليت الدواسر يشوفونك والله من المشاعيب يامطوع ههههههههههه

المهم لاتعلم احد عن الجزر على شان مايغلا والله يهديك تعلم بالسعر الصحيح والموقع ياخوك استخدم التقيه الشيعيه ولا التورية الاسلامية :mwalat29: وانا اقول بخمسة مابي احد يرغبه وانت كبيت عشانا الله يهديك

عاقبتني دايم تسبقني عليه

كل ما جيت ابو شكيم قال اخذو زلمه قصير وما بقى النا اشي

قلت خني اكب الشيهي علي وعلى اعدائي الجزر ياهل الجزر ترى عندي مبسط في الربوه اللي يبي كميه

الاتصال والحجز ابو محمد
:mwalat7: :mwalat29: :mwalat7:

0555996095

[وافي مليح بن موطان]

هههههههههههههههههه طيب يابو فالح الحرب سجال طال عمرك :mwalat29:

بس وش هالرقم كل يوم معك جوال !!؟؟ :mwalat18: (( والله مدري عنك يامطوع ))