اسعاف اسعاف اسعاف لوتكرمتوا

[عادل الضويحي]

:mwalat31:السلام عليكم ورحمه الله وبركاته
شريت بكره صغيره يتراوح عمرها مابين 4 الى 5 شهور وهذا توقعي انا شريتها من رجال
وقال امها ميته ولما حطيتها بالشبك لحالها اول يوم زينه وتاكل علف +الحليب اللي انا اعطيها وتبرك وتقوم
وبعدين اتضح ان البكره مستبركه اذا بركت ماقامت الااذا احد يعزز لها ويقومها والبكره ضعيفه ليس لها سنام
والظاهر انه طلع لها سنام قبل لكنها قام تضعف والرجال شكله يكذب علي انا سالته وقلتله هي مريضه قال سليمه
انا بعتها علشان امها ماتت الله يجازيه لكن يالربع وش الحل لاتاكل وبس طايحه واذا قومتها ماتمشي بس واقفه
السؤال هل الهيام يصيب الحيران وهل احد مرت عليه ابي جواب وعلاج بسرعه لان البكره تبي تموت
اليوم اوبكره والله اعلم واسف على الاطاله

[وافي مليح بن موطان]

هذي فيها عذروب شرعي

و راده روحها رجعها عليه واخذ فلوسك

انا شفته في الفرد لكن حيران ماعندي علم

يفيدونك الاخوان

[محمد ابو عدوة]

مرحبا اخوي عادل تاكد ان البكرة تخرج اعزكم الله .

[فلاح الرشيدي]

ركز على المشهيات وفي موضوع عبدالمحسن بالمراعي وصفة تتفخ الحوار

[محمد الوهبي التميمي]

الان وبشكل عاجل
الصيدليه البشريه
قمنتين رقم ٣١٢
سته سيسي بالفم لمدة خمس ايام

واتمنى ان حالتها ماتطورت
وتأكد انها تخرج ولا لا
نوع الحليب اللي تعطيها وشهو حليب ابل او شي ثاني

[عادل الضويحي]

السلام عليكم
البكره تخرج والحليب حليب ناقه ومشكور على المرور ياخوان وعسى الله يكتب اللي فيه الخير

[طلال بن عقاب]

الله يشفيه

أذا تخر ج البكره يعني مو عكام يمكن نقص كالسيوم وقيتامينات أو جفاف ومعاها حراره داخلية والله أعلم

[عيد العوني]

يااخوي عادل اذا كان بينك انت وراعيها شروط فهي مثل ما قالوا الاخوان رادة روحها ومن غشنا فليس منا واذا ما انت مرجعها فركز على الجلكوز الحيواني من البيطري وتعطيها من 4 الى 5 براويز كبار كل 4 ساعات وتاكد لا يكون قد ابتلعت بلاستيك او مصابه بالسلاق

[عادل الضويحي]

السلام عليكم ورحمه الله وبركاته
اشكر جميع اخواني على مرورهم والفزعه الغير مستغربه منهم
البكره ماتت وعسى الله يرزقني بخير منها انشاء الله وحسبي الله على
الرجال اللي باعنيها ومشكورين .

[فيصل الخييلي]

الله يعوضك بخير منها وحسبي الله عليه