القعود مشعوفان ويهمني رايكم

[خالد صالح الرشيدي]

القعود ولد مشعوفان بعير بن شري القحطاني وابوه مسيوم بثلاثه مليون
والقعود مسيوم ب70الف http://www.mlfnt.com/lives6/13131623281.jpg (http://www.mlfnt.com/)

[مبارك محمد المنصوري]

مرحبا بوصالح ,,,

ينقل الموضوع الى قسم الاستشارات ,,,

لطلبك الراي بالقعود ,,,

[فلاح الرشيدي]

وان تطلب الشور لزم تذكر عمر القعود

[خالد صالح الرشيدي]

وعليك السلام القعود اله 8 شهور

[خالد الفالح]

قسم الاستشارات لطلب الراي والمشوره

سوق الفحول للبيع والشراء ويشترط له فديو وصور واضحه ووسيلة اتصال

[مشعل الشويش]

القعـود فحل ماشاء الله تبارك الله .

الراس كبير وطيّب والخدّه بحر والاذن مقبوله

رقبته رقاقه وحلوه ولو ان ماهيب طويله

القعود هجرً شوي / ولاهوب افجح ألزّ لامشى والله اعلم

ودام القعود اصله طيّب وزينه واضح فما له سعرً محدد ..

[ناصر عيسى المنصوري]

اضم صوتي لاخوي مشعل الشويش
والقعود فحل الله يبارك لك

ابغى انشد بعير بن شري وش ساسه

[مشعل الشويش]

http://mzayan.com/mlffat/files/7527.jpg (http://mzayan.com/mlffat/index.php?action=viewfile&id=7527)

[خالد صالح الرشيدي]

اساس البعير طيب وابوه مشعوفان والبعير بسوق الاحساء اما القعود امه من اطيب الابل

[فلاح الرشيدي]

القعود طيب وبيتعدل ان شاءالله

[حاتم العماري]

القعود كفو وفحل ان شاء الله
وجنبه وغاربه بيزين مع الوقت باذن الله تعالى -توه صغير الله يبارك فيه-
تقبل تحياتي

[رجا ال بريك]

الراس كايف

وغيره ماش ماصلح لي اشوفه عايدي

[جابر ابوشهاب]

مرحبا يابو ذعااااار

هذه الصورة لقعود ثاني وهو اخو القعود الموجود

[ممدوح احمد الشريف]

حسب خبرتي المتواضعه القعود رقبه وراس مسكت ولكن جنبه ضيق وغاربه لك عليه

واذا ساسه طيب القعود يتفحل مع الحرص على ان يعطى الضريبه اللي جنبها واسع وغاربها زين

والله يطرح لك بركه

[خالد الفالح]

القعود كفو راس خد واذن ومشرب وعرنون ورق لحم و جبر عظم وعرقوب و جنب وافي وافي

ولا فيه غير العمر هجر فحل الله يبارك لك فيه ويستاهل قيمته

[نواف العبدلي]

كفوا ووفرا الاخوان وش عاد اقول

نتقول الا ما شاء الله