عطني رأيك في الفحل المنتج

[عبدالمحسن المقاطي]

الســـــلام عليكم ورحمة الله وبركاته

اخواني الكرام

اليوم جاء في راسي سؤال واود طرحه أمام الجميع لرغبتي في معرفة رأي الجميع حوله والاستفاده من خبرتكم

وهو متى يقال للفحل منتج فحل طيب فحل نادر فحل فآآآآآآآخر

الجواب البديهي من كانت بناته غوالي ومن كان لها صولات وجولات في ميادين المزاينات

ولا خلالالالاف على ذلك فالجميع يتفق على ذلك ولكني أعتقد بأنه يوجد فرق بين كلمة فحل نادر وفحل منتج

انا من رآيي ان الفحل النادر يجب تفرقته ووضعه في منزله غير منزلة الفحل المنتج

فالمنتجه من الفحول كثير ولكن في فترات متفاوته يعني بتلاقي في برقه بكره او بكرتين او ثلاث

والنادر من كان 50 إلا 70 في الميه من انتاجه واحد بدون ذكر أسم أي فحل علشان ماندخل في مجال أخر وينحرف الموضوع



***************************************

ولكن السؤال هل يستحق أن يطلق على الفحل صاحب البكره الواحده منذ هداده او بكرتين أن يطلق عليه منتج وهل يستحق أن تصل قيمته الملايين وهو لم ينتج إلا بكره واحده

ربما لاتكون البكره من طيب الفحل طالما انه لم ينتج إلا هي او بكرتين يجب ان لانغفل عن دور الام وساسها أيضاً

فلو كان الفحل منتج لماذا لم ينتج غيرها

اليوم كنت جالس في مجلس وكنى نتكلم في هذا الامر واختلفنا في الرآي فمنى من قال لايستحق كلمة منتج

ويوجد من أيده في هذا الرآي

ويوجد من عارض وقال صاحب البكره الواحد منتج وهذا كفيل بأن يكون عليه سرا وأستشهد بأكثر من 3 فحول أعتذر عن ذكر أسمائها

لم تنتج إلا على بكره واحده فقط وحصلت على صيت قوي وقد كان للمسلمين سروات عليها
*********************************************
فما هو تقييمك للفحل وماهو المعيار الذي يجب ان تقيس به مع ذكر مسماه من الفحول

فحل عادي - فحل بداوه - فحل منتج - فحل نادر

******************************************
ملاحظة : تذكر اخي اننا لانرغب بذكر أسم الفحل او مالكه تجنباً للاحراج والتي قد تحول موضوعنا لغير مساره

[محمد ابو عدوة]

مرحبا يالمقاطي وانت عطيتنا موضوع لايختلف عليه من كان يعرف المزاينات وله جولات ويعرف ذي بنت البعير الفلاني وهذي بنت البعير الفلاني هذا تقدر تحدث وتفاهم معه هذي القاعده اما اللي يجيب بكرة واحدة نادره ولاجاب غيرها هذا تلقاه محل شبهه ويكثر الكلام ان البكرة ماهيب عليه وهذا البعير تطفي ضوه بعد الانتاج الثاني .اما تعريف الفحول من وجهة نظري المتواضعه مثل ماقلت فحل عادي : راعيه المتمنح اللي يدور لبن ويجيب اردئ من شكل اماتها- فحل البداوه:اللي ينتج اخير من اماتها وراعيه القناي اللي يدور الساس ومضحي بشكل البعير (امه فلانه وابوه فلان) - فحل منتج ينتج من 40-50% ومن كان بناته من الرابع للعاشر ياخذن رقم ويشاركن في الجمل - فحل نادر:60 %فما فوق من بناته ياخذن رقم من الاول للثالث ويشاركن في الفردي .

[تركي بن عبد الله]

والله النادر مواضيعك المثيره يابوغنام لاخلى ولاعدم
على العموم وجهة نظري من ناحية الفحل النادر هو اللي نسبة انتاجه من70 الى80% فردي في السنه خاصة اذا امهاتهن دون والعكس الصحيح في الفحل المنتج وبالنسبة لفحل البداوه هو اللي تقاطيع انتاجه الشين فيه اكثر من الزين ام الفحل العادي هو اللي انتاجه مشروع قصابه اااما الفحل الي انتج فرديه وهي الغفلة فهذا قولت فحل منتج كثيره عليه فمابالك بقولت فحل نادر حتى مسكة السرى والله ماتعنى وامسك السرى عليه اخيراً تضل وجهة نظر تحتمل الصواب وتحتمل الخطاء ومنكم نستفيد .

[فلاح الرشيدي]

الفحل المنتج بنظري انتاجة حلوو وان كان فيه بكار بداوة

لكن النادر اللي انتاجة درجو اوله وثانية حتى من الابل العادية ولايجيب الزقم ابد

واعرف فحل بالمواصفات حتى من ناقة ام 3000 ريال انتاجة فاخر ماشاءالله

[ياسر الحربي]

الفحل المنتج الي انتاجه طيب وتحقق بناته مراكز مختلفه في المزاينات
والنادر نادر بناته تحقق المركز الاول او الثاني او الثالث في المزاينات
بدون منافس ولا في انتاجه قصب حتى لو اضرب ناقه عاديه

[فهد الأحمد]

مرحباً يابوغنام

من وجه نظري انه لا يوجد بعير تصل نسبة
إنتاجه 60 الي 70 في الميه من النوادر

رأيي ان الفحل المنتج هو اللي ينتج لي بالسنه 5 ولا 6 بكار نوادر من 100 ناقه

وغيره من الركاب يعتبر انتاج بداوه ومقاني


وسلامتكم

[راشد الكدادي]

النادر مابيعت بناته بالملايين وتخطت نسبة إنتاجه 50%والمنتج ماسر الناظر نظرة إنتاجه عند القناي ولكن الآسعارماوصلت للملايين..
وسلامتك وعفاك يابوغنام .

[عبدالعزيز البقمي]

اللي ينتج بكره او بكرتين زيان

فحل منتج والدليل الناس اللي تمسك عليه سرا

وفيه قاعده عند البدو اذا كان اول انتاج الفحل بكره ومزيونه خلاص ينضمن لو يجيب 10 بكار قصب والباقي مثل الاوله

تحيتي

..

[فهد بن تراحيب]

وعليكم السلام ورحمة الله وبركاته

حياك الله يابوغنام
بالنسبه للتقييم والمعيار 1الفحل العادي--هو اللي انتاجه اردى من اماته الخلفه من بناته منيحه والحاشي مقصب------2فحل البداوه--انتاجه اطيب من اماته فرق وهو يعد من الفحول اللي تعمر البل لين جيت لبناته للعرقوب الزين والوبره الكايفه والجنب العريض والرقبه المنتله واللحي الطافح والاصل لاتنشد من اباعرن مقيمه-----الفحل المنتج مثل ماتفضل الاخ المحترم محمد ابو عدوه انتاجه تكمل عدد في الجمل------والنادر الله يجيبه يابو غنام عندك لين يجي المقيظ وحنا معك انتباشر هاه يالربع البعير اظرب اليوم ههههههههههههههههه وسلامتك انت ومن يقرا

[محمد بن هادي العجمي]

ااارحب يا ابو غنام , والله انك عسر في ذا المواضيع النادره ماشاء الله علييييك

بمسكها معك وحده وحده :

فحل عادي : هذي الفحول أغلبيتها الي تعينها في الحوشه الي ما ودك تشوفه ومثل ما قالوا الاخوان الي انتاجه يعرف طرييقه وهو (( المقصب ))

فحل بداوه : هذه النوعيه من الفحول تلقها وبقله عند البدوي الي يبي يكثر عددها و يبي يتمنح منها والبدوي يبغي اهم حاجه (( العجله )) مع ان البعير حليو بس يبي العجله الي فييه وفي ساس البعير

فحل منتج : هو الي انتاجه من 50 - 60 % وهذه الفحول المتواجده بكثره عند ملاك الابل وراعيه يرتجي من البعير الخيير ويعرف امه وابوه يعني لو مثلا اضربله 10 من البل والابل هذي زينها متوسط الى مرتفع شوي بجيبله 4 حيران مسكته والباقي الي بيقنيها والي ترووح للمقصب

فحل النادر : هذي الفحووول الي ما عليها الكلام هذي الي انتاجه مثل ما قالوا توب يعني انتاج مزاين

ملاحظه : كل واحد فينا قال الآراء الي عنده بس لا تنسون يا أخوان (( ان ربك قادر على كل شي ))

لاهنت يا ابو غنام وبيض الله وجهك على الموضووع الي يفووح منه رائحه الابداع

وأحلى تقييييييم

[سيف القحطاني]

مرحباً يابوغنام

من وجه نظري انه لا يوجد بعير تصل نسبة
إنتاجه 60 الي 70 في الميه من النوادر

رأيي ان الفحل المنتج هو اللي ينتج لي بالسنه 5 ولا 6 بكار نوادر من 100 ناقه

وغيره من الركاب يعتبر انتاج بداوه ومقاني


وسلامتكم

عز الله انك يابو فيصل جبت زبدة الهرج لاعدمناك

[فلاح الخالدي]

الفحل المنتج الي انتاجه طيب وتحقق بناته مراكز مختلفه في المزاينات
والنادر نادر بناته تحقق المركز الاول او الثاني او الثالث في المزاينات
بدون منافس ولا في انتاجه قصب حتى لو اضرب ناقه عاديه
بيض الله وجهك يابوغنام على طرحك للمواضيع المفيده
وبالنسبه لرايي اتفق مع اخوي ياسر حربي والدليل ان البعير المنتج يعتبر من الفحول الطيبه والنادر نادر يطلع انتاجه وسط
تقبل تحياتي

[وافي مليح بن موطان]

مابعد كلام فهد الاحمد ابو فيصل حكي

يااخوان وين البعير الي اكثر من نص انتاجه فردي !!!! ؟؟؟؟
منهو من اهل النخب الي اعتمد على الانتاج فقط ووقف المشترى ؟؟؟ (( الا شخص واحد واحت عليه النخبه ))

الي يجيب فرديه كل سنه من مية متن انشهد انه نادر بشرط يكون باقي انتاجه طيب

[مشعل الشويش]

مرحبا يالمقاطي وانت عطيتنا موضوع لايختلف عليه من كان يعرف المزاينات وله جولات ويعرف ذي بنت البعير الفلاني وهذي بنت البعير الفلاني هذا تقدر تحدث وتفاهم معه هذي القاعده اما اللي يجيب بكرة واحدة نادره ولاجاب غيرها هذا تلقاه محل شبهه ويكثر الكلام ان البكرة ماهيب عليه وهذا البعير تطفي ضوه بعد الانتاج الثاني .اما تعريف الفحول من وجهة نظري المتواضعه مثل ماقلت فحل عادي : راعيه المتمنح اللي يدور لبن ويجيب اردئ من شكل اماتها- فحل البداوه:اللي ينتج اخير من اماتها وراعيه القناي اللي يدور الساس ومضحي بشكل البعير (امه فلانه وابوه فلان) - فحل منتج ينتج من 40-50% ومن كان بناته من الرابع للعاشر ياخذن رقم ويشاركن في الجمل - فحل نادر:60 %فما فوق من بناته ياخذن رقم من الاول للثالث ويشاركن في الفردي .


الاخوان اثروا الموضوع بطرحهم وبيض الله وجيههم ماخلوا لنا شي نقوله ..

وانا اتفق 100 % مـع أخوي ابو عدوه ..

..

وبيض الله وجهك يابو غنام ...

[احمد الاسعدي]

الفحل المنتج بإختصار ألي انتاجه يغلب امهاته يعني يعدل البل واجد يعني اذا كان الفحل مهدود في نياق اقيامها من ال 15000 إلى 25000 وغلبها جاب منها بكار 60 و80 و100 فهذا فحل منتج وعن تجربه والفحل الي يجيب من ثلاثين ناقة 3 بكار عليها معايير المزاين فهذا بنظري المتواضع درجة أولى بالإنتاج والله يوفق الجميع

[عبدالمحسن المقاطي]

مرحبا يالمقاطي وانت عطيتنا موضوع لايختلف عليه من كان يعرف المزاينات وله جولات ويعرف ذي بنت البعير الفلاني وهذي بنت البعير الفلاني هذا تقدر تحدث وتفاهم معه هذي القاعده اما اللي يجيب بكرة واحدة نادره ولاجاب غيرها هذا تلقاه محل شبهه ويكثر الكلام ان البكرة ماهيب عليه وهذا البعير تطفي ضوه بعد الانتاج الثاني .اما تعريف الفحول من وجهة نظري المتواضعه مثل ماقلت فحل عادي : راعيه المتمنح اللي يدور لبن ويجيب اردئ من شكل اماتها- فحل البداوه:اللي ينتج اخير من اماتها وراعيه القناي اللي يدور الساس ومضحي بشكل البعير (امه فلانه وابوه فلان) - فحل منتج ينتج من 40-50% ومن كان بناته من الرابع للعاشر ياخذن رقم ويشاركن في الجمل - فحل نادر:60 %فما فوق من بناته ياخذن رقم من الاول للثالث ويشاركن في الفردي .

رد جميل ومداخله طيبه يابو عدوة

وأعتقد أنه تعريف صحيح ولكن في فحول لم تنطفي نورها وهي لم تنتج ولو تسأل قالك سومه ملايين

ولو بحثت عن انتاج لم تجد

كما أود توضيح نقطة وقد تطرقت لها اخي في ردك بأن الفحل النادر بناته ياخذون 60% من المراكز المتقدمه الاول وحتى الثالث فهل يوجد فحل بهذا الشكل بدون ذكر أسم فحل فقد اتفقنى على ذلك في البدايه أو تقصد أن هذه النسبه للزين من بناته ونسبة مشاركتهم في المزاين

شكراً اخوي محمد ردك أعجبني كثيراً

[عبدالمحسن المقاطي]

والله النادر مواضيعك المثيره يابوغنام لاخلى ولاعدم

على العموم وجهة نظري من ناحية الفحل النادر هو اللي نسبة انتاجه من70 الى80% فردي في السنه خاصة اذا امهاتهن دون والعكس الصحيح في الفحل المنتج وبالنسبة لفحل البداوه هو اللي تقاطيع انتاجه الشين فيه اكثر من الزين ام الفحل العادي هو اللي انتاجه مشروع قصابه اااما الفحل الي انتج فرديه وهي الغفلة فهذا قولت فحل منتج كثيره عليه فمابالك بقولت فحل نادر حتى مسكة السرى والله ماتعنى وامسك السرى عليه اخيراً تضل وجهة نظر تحتمل الصواب وتحتمل الخطاء ومنكم نستفيد .


يامرحبا بأخوي تركي

اخوي هل في البرق الواحد يستطيع أي فحل أنتاج هذه النوادر بنسبة تصل إلى 80

لا أعلم ولكني ودي أستفيد في تصوري بأن الفحل النادر غالباً ينتج زين بهذه النسبه ولكن فردي لا أعلم ربما يكون 10% من النسبه السابقه التي حددتها أنت فردي والباقي زين فوق البداوه أو تصل لمستوى الجمل

ردك ووجهة نظرك من شخص بدوي خبير له من الخبره ماتساعده بطرح نسب دقيقه وبكل صراحه أود الاستفاده لاني لم اجد فحل انتاجه نوادر بهذه النسبه

ولكن خبرتني قد لاتسعفني وربما أنا وكثير من الاعضاء يودن الاستفاده لانه في الوقت الاخير غالطتنا أمور كثيره ولما نبحث عن انتاج لم نجد

وربما أنك وضعت منزلة الفحل العادي في منزلة فحل البداوه كونك ذكرت ان تقاطيعه الشينه فيه أو أني أخطت الفهم

وشكراً لك أسعدتني جداً مداخلتك اخوي تركي

[عبدالمحسن المقاطي]

الفحل المنتج بنظري انتاجة حلوو وان كان فيه بكار بداوة

لكن النادر اللي انتاجة درجو اوله وثانية حتى من الابل العادية ولايجيب الزقم ابد

واعرف فحل بالمواصفات حتى من ناقة ام 3000 ريال انتاجة فاخر ماشاءالله

يامرحبا يالشيخ فلاح

مشكور على هذه المداخله الجميله

ولكن لايوجد حتى الآن فحل على مستوى الخليج بأكمله الي انتاجه واحد ولا ورد للمقصب

فجميع الفحل تنتج الزين وتنتج الشين حتى ولو كانت نسبة النوادر عاليه

فالساس من الطرفين لابد أن تأخذ حقها ( ساس الفحل + ساس الناقه )

شكراً لمداخلتك

[عبدالمحسن المقاطي]

الفحل المنتج الي انتاجه طيب وتحقق بناته مراكز مختلفه في المزاينات
والنادر نادر بناته تحقق المركز الاول او الثاني او الثالث في المزاينات
بدون منافس ولا في انتاجه قصب حتى لو اضرب ناقه عاديه

مشكور يابو ماجد على الرد الجميل

ولكن جميع الفحول وبدون ذكر أسماء وتقدر تقلبها براسك قد تكون نسبة الزين عاليه لديه

ولكن لابد له لحم في الملاحم مهما كان فالساس ليس وليد لحظة او سنه

والجميع شاهد في الاسواق حشو على جميع الفحول وفيها القصب

أضف إلى ذلك الانظار تختلف

وجهة نظر أحترمها وأقدر صاحبها

سلمت على المداخله

[عبدالمحسن المقاطي]

مرحباً يابوغنام

من وجه نظري انه لا يوجد بعير تصل نسبة
إنتاجه 60 الي 70 في الميه من النوادر

رأيي ان الفحل المنتج هو اللي ينتج لي بالسنه 5 ولا 6 بكار نوادر من 100 ناقه

وغيره من الركاب يعتبر انتاج بداوه ومقاني


وسلامتكم


مرحبا يابوفيصل

قد أكون أخطأت في البدايه عندما لم اقم بالتوضيح عن ما اقصده بالفحل النادر بأن نسبة انتاجه من 50 إلى 70 بالميه انتاجه طيب

وهنا أنا أقصد طيبه بالمجمل العام ففيها النادر وفيها الجمل وفيها ناقة البداوه او فوق البداوه

كما أني أضم صوتي لصوتك وهو أن نسبة 10% من النسبة السابقه فردي أي 5 من الخمسين وقد تصل لدى بعض الفحل إلى 8 أو 10 فردي

والباقي بمجمله العام جمل وبداوه

شكراً لمداخلتك

[عبدالمحسن المقاطي]

النادر مابيعت بناته بالملايين وتخطت نسبة إنتاجه 50%والمنتج ماسر الناظر نظرة إنتاجه عند القناي ولكن الآسعارماوصلت للملايين..


وسلامتك وعفاك يابوغنام .



رد جميل ودبلوماسي

شكراً لمداخلتك يا راشد

[عبدالمحسن المقاطي]

اللي ينتج بكره او بكرتين زيان

فحل منتج والدليل الناس اللي تمسك عليه سرا

وفيه قاعده عند البدو اذا كان اول انتاج الفحل بكره ومزيونه خلاص ينضمن لو يجيب 10 بكار قصب والباقي مثل الاوله

تحيتي

..


حياك الله اخوي عبدالعزيز

بس ماوضحت بكرتين في انتاجه كله ولا كل برق

[عبدالمحسن المقاطي]

وعليكم السلام ورحمة الله وبركاته


حياك الله يابوغنام

بالنسبه للتقييم والمعيار 1الفحل العادي--هو اللي انتاجه اردى من اماته الخلفه من بناته منيحه والحاشي مقصب------2فحل البداوه--انتاجه اطيب من اماته فرق وهو يعد من الفحول اللي تعمر البل لين جيت لبناته للعرقوب الزين والوبره الكايفه والجنب العريض والرقبه المنتله واللحي الطافح والاصل لاتنشد من اباعرن مقيمه-----الفحل المنتج مثل ماتفضل الاخ المحترم محمد ابو عدوه انتاجه تكمل عدد في الجمل------والنادر الله يجيبه يابو غنام عندك لين يجي المقيظ وحنا معك انتباشر هاه يالربع البعير اظرب اليوم ههههههههههههههههه وسلامتك انت ومن يقرا



الله يعطيك العافيه

ومشكور على مداخلتك أتفق معك في الرد

وابشر بالخير اليا جاء عندي المنتج ماهوب لي من دونكم

[تركي بن عبد الله]

اكررترحيبي اخوي عبدالمحسن واعيد وجهت نظري بصورة ادق ومن الطبيعي ان تكون وجهة نظري يشوبها قلت الخبره امام اعضاء هذا الصرح.

اخوي هل في البرق الواحد يستطيع أي فحل أنتاج هذه النوادر بنسبة تصل إلى 80
الجواب لا المقصود بنسبة 70الى80% في الفحل النادرررانتاج السنه الواحده ويختلف عدد انتاج الفحل في السنه الواحده من ثني الى هرش يعني الفحل يظرب في اول هداده من ناحية عمر الفحل في السنه الواحده 100ويظم عليه 50الى 60 يكفي من انتاجه فردي من20الى30مابين المركز الاول الى الثالث وطبيعي تضغف قدرة البعير في الظراب مع السنين فلذلك تقل نسبة الانتاج مابينا ا لفردي وانت نازل.

ربما يكون 10% من النسبه السابقه التي حددتها أنت فردي والباقي زين فوق البداوه أو تصل لمستوى الجمل
هذا في الفحل المنتج اللي اقل من الفحل النادر من وجهة نظري القاصرة.

وربما أنك وضعت منزلة الفحل العادي في منزلة فحل البداوه كونك ذكرت ان تقاطيعه الشينه فيه أو أني أخطت الفهم
المقصود في الفحل العادي اللي اقيام انتاجه من 3000الى6000 ولاتجد من صفات الزين فيه الا صفه او صفتين وتجدها قاصره اما فحل البداوة اقيام انتاجه من 10000الى20000 وتجد فيه صفات الشين و صفات الزين لكن صفات الزين فيه قاصرة عن قولة خصم.

على العموم اصنف عن وجهة نظر كما ذكرة ولا اتكلم عن الواقع وانا من الاعضاء اللي استفادو من هذا الموضوع وردود الاخوان عليه وشكراَ.

[خالد الفالح]

متابع ومستفيد خالفت البعض ووافقت البعض ولكن اكثر ما زاد استغرابي وجود فحل انتاجه ما فيه مقصب

هذي لعله ياتي في زمن اللعب في الجينات وهو ما يسمى بعلم الاستنساخ اما في غيره فلن ياتي البته والله اعلم

ارى ما ذهب له الاخوان

ابو عدوه

فهد الاحمد

واعتز باراء باقي الاخوه ففيها من الفائده والحقيقه ولا كن ارى ان منجذب لهذين الرأين ولن اتي بجديد بعدهم ففضلت ان اقول لا فض فوكما

[حاتم العماري]

حياك الله اخوي عبد المحسن والله يتقبل منا ومنكم صالح الاعمال ويشرفني المشاركه في موضوعك القيم
-------
فحل عادي / يدمر البل ولا يعمرها
فحل بداوه / يحافظ على مستوى البل العاديه
فحل منتج / يرفع مستوى البل ان اضرب البل العاديه انتج طيبه وان اضرب البل الطيبه انتج اطيب وان اضرب البل الزيان انتج مزاين لكن ماينتج المزاين من العاديه/يعني البل تشترك معه بنسبه كبيره
فحل نادر/ ينتج بكار مزاين من نياق عاديه ودائما فيه فرق كبير بين مستوى الانتاج والامهات
هذا على العموم ولكل قاعدة شواذ
أما الدخول في النسب فلست معه لانه غير دقيق
وكثير من ملاك الفحول المشهوره يتخلصون من الحيران الشينه من بدري /،،سكتم بكتم،، ويوم تجي المفاريد لكلها طيبه -وهذا هو الصحيح ومن حقهم- ماهو مطلوب من احد يقنى الشين لكن الناس تنخدع
تقبل تحياتي

[عبدالمحسن المقاطي]

ااارحب يا ابو غنام , والله انك عسر في ذا المواضيع النادره ماشاء الله علييييك


بمسكها معك وحده وحده :

فحل عادي : هذي الفحول أغلبيتها الي تعينها في الحوشه الي ما ودك تشوفه ومثل ما قالوا الاخوان الي انتاجه يعرف طرييقه وهو (( المقصب ))

فحل بداوه : هذه النوعيه من الفحول تلقها وبقله عند البدوي الي يبي يكثر عددها و يبي يتمنح منها والبدوي يبغي اهم حاجه (( العجله )) مع ان البعير حليو بس يبي العجله الي فييه وفي ساس البعير

فحل منتج : هو الي انتاجه من 50 - 60 % وهذه الفحول المتواجده بكثره عند ملاك الابل وراعيه يرتجي من البعير الخيير ويعرف امه وابوه يعني لو مثلا اضربله 10 من البل والابل هذي زينها متوسط الى مرتفع شوي بجيبله 4 حيران مسكته والباقي الي بيقنيها والي ترووح للمقصب

فحل النادر : هذي الفحووول الي ما عليها الكلام هذي الي انتاجه مثل ما قالوا توب يعني انتاج مزاين

ملاحظه : كل واحد فينا قال الآراء الي عنده بس لا تنسون يا أخوان (( ان ربك قادر على كل شي ))

لاهنت يا ابو غنام وبيض الله وجهك على الموضووع الي يفووح منه رائحه الابداع


وأحلى تقييييييم


مرحبا والله ومسهلا
الله يجزاك خير يابو هادي على التقييم

ومشكور على مداخلتك الطيبه وتعريفك للفحول

ولكن هل تستحق الملايين الفحول الي ماعليها إلا بكره ولا بكرتين ونشدت راعي الفحل قال عانها عند الفلاينه في الديره الفلانيه

اتوقع أن الفحل المنتج دليل على انتاجه مراحه ولا غير ذلك

[عبدالمحسن المقاطي]

عز الله انك يابو فيصل جبت زبدة الهرج لاعدمناك


حياك الله ومشكور ياسيف

مداخله حلوه

[عبدالمحسن المقاطي]

بيض الله وجهك يابوغنام على طرحك للمواضيع المفيده
وبالنسبه لرايي اتفق مع اخوي ياسر حربي والدليل ان البعير المنتج يعتبر من الفحول الطيبه والنادر نادر يطلع انتاجه وسط
تقبل تحياتي

يامرحبا يابو محمد

حياك الله ومشكور على ردك وتواجدك

ولكن حتى الفحل المنتج والنادر لابد له أن ينتج ويورد للمقصب فلا يوجد حتى الآن فحل انتاجه واحد ولكن ربما تختلف

نسبة الزين عن غيرها

سعدت جداً برآيك

[عبدالمحسن المقاطي]

مابعد كلام فهد الاحمد ابو فيصل حكي

يااخوان وين البعير الي اكثر من نص انتاجه فردي !!!! ؟؟؟؟
منهو من اهل النخب الي اعتمد على الانتاج فقط ووقف المشترى ؟؟؟ (( الا شخص واحد واحت عليه النخبه ))

الي يجيب فرديه كل سنه من مية متن انشهد انه نادر بشرط يكون باقي انتاجه طيب

مرحبا اخوي وافي

ومشكور على هذا الرآي والي من وجهة نظري سليم 100%

ولكن فرديه وحده فقط من برقه في السنه كامل قليل فاالنادر يجيب أكثر من نادره في برقه

أسعدتني مشاركتك

[فلاح الرشيدي]

والله ياجماعة اعرف فحل عليه سوم حول المليونين

ضربو عليه 5 ابل عاديو جدا وجابت 5 نوادر هذا اللي شفته بعيني

[عبدالمحسن المقاطي]

الاخوان اثروا الموضوع بطرحهم وبيض الله وجيههم ماخلوا لنا شي نقوله ..

وانا اتفق 100 % مـع أخوي ابو عدوه ..

..

وبيض الله وجهك يابو غنام ...

حياك الله اخوي مشعل

ومشكور على المداخله الجميله

[عبدالمحسن المقاطي]

الفحل المنتج بإختصار ألي انتاجه يغلب امهاته يعني يعدل البل واجد يعني اذا كان الفحل مهدود في نياق اقيامها من ال 15000 إلى 25000 وغلبها جاب منها بكار 60 و80 و100 فهذا فحل منتج وعن تجربه والفحل الي يجيب من ثلاثين ناقة 3 بكار عليها معايير المزاين فهذا بنظري المتواضع درجة أولى بالإنتاج والله يوفق الجميع


حياك الله اخوي

ومشكور على الادلاء برآيك

وجهة نظر أقرب إلى الصواب على حسب ما عندي من خلفيه

[عبدالمحسن المقاطي]

اكررترحيبي اخوي عبدالمحسن واعيد وجهت نظري بصورة ادق ومن الطبيعي ان تكون وجهة نظري يشوبها قلت الخبره امام اعضاء هذا الصرح.


اخوي هل في البرق الواحد يستطيع أي فحل أنتاج هذه النوادر بنسبة تصل إلى 80
الجواب لا المقصود بنسبة 70الى80% في الفحل النادرررانتاج السنه الواحده ويختلف عدد انتاج الفحل في السنه الواحده من ثني الى هرش يعني الفحل يظرب في اول هداده من ناحية عمر الفحل في السنه الواحده 100ويظم عليه 50الى 60 يكفي من انتاجه فردي من20الى30مابين المركز الاول الى الثالث وطبيعي تضغف قدرة البعير في الظراب مع السنين فلذلك تقل نسبة الانتاج مابينا ا لفردي وانت نازل.

ربما يكون 10% من النسبه السابقه التي حددتها أنت فردي والباقي زين فوق البداوه أو تصل لمستوى الجمل
هذا في الفحل المنتج اللي اقل من الفحل النادر من وجهة نظري القاصرة.

وربما أنك وضعت منزلة الفحل العادي في منزلة فحل البداوه كونك ذكرت ان تقاطيعه الشينه فيه أو أني أخطت الفهم
المقصود في الفحل العادي اللي اقيام انتاجه من 3000الى6000 ولاتجد من صفات الزين فيه الا صفه او صفتين وتجدها قاصره اما فحل البداوة اقيام انتاجه من 10000الى20000 وتجد فيه صفات الشين و صفات الزين لكن صفات الزين فيه قاصرة عن قولة خصم.


على العموم اصنف عن وجهة نظر كما ذكرة ولا اتكلم عن الواقع وانا من الاعضاء اللي استفادو من هذا الموضوع وردود الاخوان عليه وشكراَ.


حياك الله اخوي ومشكور

على التعقيب السريع

لك فائق إحترامي وتقديري

[عبدالمحسن المقاطي]

متابع ومستفيد خالفت البعض ووافقت البعض ولكن اكثر ما زاد استغرابي وجود فحل انتاجه ما فيه مقصب


هذي لعله ياتي في زمن اللعب في الجينات وهو ما يسمى بعلم الاستنساخ اما في غيره فلن ياتي البته والله اعلم

ارى ما ذهب له الاخوان

ابو عدوه

فهد الاحمد


واعتز باراء باقي الاخوه ففيها من الفائده والحقيقه ولا كن ارى ان منجذب لهذين الرأين ولن اتي بجديد بعدهم ففضلت ان اقول لا فض فوكما





حياك الله يابو فالح

أسعدتني جداً مداخلتك الجميله

[عبدالمحسن المقاطي]

حياك الله اخوي عبد المحسن والله يتقبل منا ومنكم صالح الاعمال ويشرفني المشاركه في موضوعك القيم
-------
فحل عادي / يدمر البل ولا يعمرها
فحل بداوه / يحافظ على مستوى البل العاديه
فحل منتج / يرفع مستوى البل ان اضرب البل العاديه انتج طيبه وان اضرب البل الطيبه انتج اطيب وان اضرب البل الزيان انتج مزاين لكن ماينتج المزاين من العاديه/يعني البل تشترك معه بنسبه كبيره
فحل نادر/ ينتج بكار مزاين من نياق عاديه ودائما فيه فرق كبير بين مستوى الانتاج والامهات
هذا على العموم ولكل قاعدة شواذ
أما الدخول في النسب فلست معه لانه غير دقيق
وكثير من ملاك الفحول المشهوره يتخلصون من الحيران الشينه من بدري /،،سكتم بكتم،، ويوم تجي المفاريد لكلها طيبه -وهذا هو الصحيح ومن حقهم- ماهو مطلوب من احد يقنى الشين لكن الناس تنخدع
تقبل تحياتي


يامرحبا والله وحياك الله اخوي حاتم

وجهة نظر احترمها

أسعدتني جداً مشاركتك