وش الحل بالمكان ياللي فيه جرب " يرب"

[مبارك بن محمد]

السلام عليكم ..

اخواني .. مثل ما الجميع يعرف .. فيه بعض الناس حكم عليهم انهم يحبسون حلالهم داخل شبوك .. ومزارع ..

وللاسف الشديد انا واحد منهم .. وهذا بسبب قرار من الدوله .. الله يحفظ حكامها ..

وللاسف .. عندي خلفه .. جاها الجرب .. وكل ما اعالجها .. يرجع فيها مره ثانيه .. ولو شفت .. يجي لولدها .. ولو شفي ولدها يرجع لها .. ولا طلعنا من هاللعبه ..


حاليا .. افكر اني انظف الشبك .. " رغم ان العمال يوميا ينظفونه .. " ..............................

بس وش الطريقه الاحسن للقضاء على الجرب من التربه ....!؟؟

قد يقترح البعض اني انقل الخلفه من مكانها لمكان ثاني .. بس لوين .. نحنا محجوزين في منطقه ضيقه نوعا ما .. ولا اريد المرض ينتشر لباقي الاماكن عندي ..

هل احد قد جرب طريقه تتنظف منها الجرب كليا !؟؟؟

وجزاكم الله

[محمد بن هادي العجمي]

مرحبابك يا مبارك

اول شي يا طويل العمر فيه سودانيه معهم سيارات تشوف فيها توانك , قبل لا تجيب السوداني خل العمال ينظفون الشبك ويحطون رمل نظيف عقبه جيب السوداني وقله يرش الشبك بالسم , واذا كان فيه مجال في المزرعه حاول انك كل اسبوعين تغير مكان الشبك

وانشاء الله تشووف كل خييير

[محمد الوهبي التميمي]

كلام الاخ محمد هو الصحيح وحاول بقدر الاستطاعه تغير الحوش

[طلال بن عقاب]

الجواب سهل

أول شي غير الشبك الأبل وتنتهي المشكله أذا ماااااااااااااااااافي مجال خلك علي راي أخونا محمد

[عيدالمنصورى]

بسيطه يامبارك
رش الشبك بسم حشري زراعي ماهو بسم البوش تلقاه بالمحلات الزراعيه
وبعده كل فتره رش الشبك بكلوركس المبيض حق الغسيل تحط بالدرام اربعه لتر
ماعاد يبقى جرب ولا قرع

[مبارك بن محمد]

جزاكم الله خير .. ورحم الله والديكم ويا عل جزاكم جنه الفردوس الاعلى .....

نفر نفر .. على كل رد رد .. في كل موضوع موضوع ..

وجعل الشر برا وبعيد عنكم

اخواني بعزه الله بمشي على شوركم وان شاء الله ينتهي هالمرض