انتفاخ في الزور و وعلى طول البطن

[سيف القحطاني]

السلام عليكم ورحمة الله وبركاته


مساكم الله بالخير يالربع

العلم سلامتكم يالربع الي عنده علم وخبر لايبخل علينا به

1_ عندي ناقه سنها ثنيه رحول حول زورها ( مبركها ) انتفاخات ولانتفاخ واصل حتى نهاية البطن للسر

واذا لمست الانتفاخ بيدك مثل العجين تبصم اصابعك .

2_ والناقه ترفع رجلها الايمنا اذا جات تسير وفيه مثل صوت (( الطقه )) في عرقوبها وعرقوبها سليم .

3_ والناقه كذلك فيها رجفه في الارجل خفيفه ولكن تلاحظها وهي واقفه .

هذا وسلامتك

[عبدالمحسن المقاطي]

شلون حال الناقه واكلها وبدنتها

هل عيونها اتهامل وممشاها وشلونه

هل يوجد لديك صوره لها

[سيف القحطاني]

ابشرو بالصور الصبح ان شاء الله

بالنسبه لاكل الناقه طيب مالاحظة عليها شي

وعيونها ما تهامل

وممشا الناقه طبيعي غير هالطقه واضنه التهاب في الاعصاب

[مشاري محماس]

هذا الله العالم انه ابوسقي وناس يسمونه ابودبه ويقولون ماله اعلاج لكن لقيت شايب رشيدي معالج يقول عندي ابره اجيبها معي من السودان وعلاجها مضمون باذن الله مكانه الدمام جواله0534536751

[محمد الوهبي التميمي]

سوائل طبيعيه تتجمع تحت الجلد وفتره وتروح
طلما اكلها وخاطرها زين ماعليها خلاف ان شاء الله
وأبره الهيام الهندي زينه للوقايه
ووافنا بأخبارها ياسيف جعل والديك بالجنه

[ناصر بن جاسر]

مرحبا سيف

على وصفك للمرض في ناس تسميه الحيه

كل شوي له مكان مرتن في البطن ومرتن حول الزورد

ومرتن في الجنب وحول السر

المراد عليك بحبوب الدود انكانها ناقه حبتين ونص وكررها بعد اسبوعين

وان شاء الله اخر الشر

[مسعود العماري]

هذا الله العالم انه ابوسقي وناس يسمونه ابودبه ويقولون ماله اعلاج لكن لقيت شايب رشيدي معالج يقول عندي ابره اجيبها معي من السودان وعلاجها مضمون باذن الله مكانه الدمام جواله0534536751


هل تعتقدون ان السودان افضل من منطقة الخليج في الطب والعلم والتقدم

ولله الحمد الان يوجد الان مختبرات وصيدليات على مستوى عالي والادوية متوفرة

وبالنسبة للناقة الافضل تحللها في اي مختبر حتى المختبرات الزراعيه مجاناً وعلى ضوئه يقرر العلاج المناسب

والواضح ان المشكلة طفيليات في الدم على ما اعتقد

[عيدالمنصورى]

مع الاخ ابومحمد فالتحليل اهم

[محمد الوهبي التميمي]

سيف بشر عن الرحول وش وضعها اليوم؟

[فهد الأحمد]

هذا الله العالم انه ابوسقي وناس يسمونه ابودبه ويقولون ماله اعلاج لكن لقيت شايب رشيدي معالج يقول عندي ابره اجيبها معي من السودان وعلاجها مضمون باذن الله مكانه الدمام جواله0534536751

اتصلت بالرشيدي وذكر لي بأن لديه أبر (( هيام )) أفضل من الفرنسية الـ " سيميلر سان "
وحاولت أعرف نوعها ولكنه لا يخبرني
ذكر لي بأنه يجيبها من برا .. وأن فيه واحد أخذ منها 40 حبه (( نوع من التسويق ))
وان قيمتها 300 ريال

نصيحة للأخوان
أحذروا من بعض الأشخاص
ومثل ما قال أبو محمد
هل تعتقدون ان السودان افضل من منطقة الخليج في الطب والعلم والتقدم



وسلامتكم

[مسعود العماري]

يعطيك العافية ابو فيصل على الاتصال والتحقق

وبالنسبة لآفضل ابرة هيام هي النقانول الاسرائلية ولكنها منعت من الاستيراد

وبداء تصنيعها عربياً وقلة جودتها اضف انها غير موجودة في الاسواق السعودية نهائي

والافضل حاليا في السوق ابرة السيملرسان

ودمتم سالمين

[طلال بن عقاب]

كانت عندي رحول وماتت مثل هذا الحال

وهذا المرض أسمه (((( أبو دبه ))))) وأكثر مايجي في الصيف وأنصح أهل الأبل بعدم ربط الرحول اليوم كله في مكانها خلها وقت الظهر مع الابل

[محمد الوهبي التميمي]

مطلوب ياسيف بالنتائج بشرنا عن رحولك

[عبدالمحسن المقاطي]

اتصلت بالرشيدي وذكر لي بأن لديه أبر (( هيام )) أفضل من الفرنسية الـ " سيميلر سان "
وحاولت أعرف نوعها ولكنه لا يخبرني
ذكر لي بأنه يجيبها من برا .. وأن فيه واحد أخذ منها 40 حبه (( نوع من التسويق ))
وان قيمتها 300 ريال

نصيحة للأخوان
أحذروا من بعض الأشخاص
ومثل ما قال أبو محمد
هل تعتقدون ان السودان افضل من منطقة الخليج في الطب والعلم والتقدم



وسلامتكم

احذرو ياشباب

ابو فيصل هذا يذكرني بالمثل الي يقول

يبيع الماء في حارة السقايين

[سيف القحطاني]

هذا الله العالم انه ابوسقي وناس يسمونه ابودبه ويقولون ماله اعلاج لكن لقيت شايب رشيدي معالج يقول عندي ابره اجيبها معي من السودان وعلاجها مضمون باذن الله مكانه الدمام جواله0534536751


جزاك الله خير يابو محماس

والله لايهينك على المداخله

[سيف القحطاني]

سوائل طبيعيه تتجمع تحت الجلد وفتره وتروح
طلما اكلها وخاطرها زين ماعليها خلاف ان شاء الله
وأبره الهيام الهندي زينه للوقايه
ووافنا بأخبارها ياسيف جعل والديك بالجنه

ابشرك يا محمد خلال ثلاث ايام بس راح منها كل السوائل

وخاطرها اطيب من اول

عطيتها ابرة هيام الفرنسية ومن عقبها وهي حاذفه بالشر

[سيف القحطاني]

مرحبا سيف


على وصفك للمرض في ناس تسميه الحيه

كل شوي له مكان مرتن في البطن ومرتن حول الزورد

ومرتن في الجنب وحول السر

المراد عليك بحبوب الدود انكانها ناقه حبتين ونص وكررها بعد اسبوعين


وان شاء الله اخر الشر



ارحب يابو جاسر وحياك الله

اشكرك على مداخلتك .

للملاحظة الورم الى في الناقه ما يتنقل ثابت في مكان واحد

ابشر سلمت عطيتها ابرة هيام الفرنسيه ومن عقبها وفي حاذفه بالشر

[سيف القحطاني]

هل تعتقدون ان السودان افضل من منطقة الخليج في الطب والعلم والتقدم

ولله الحمد الان يوجد الان مختبرات وصيدليات على مستوى عالي والادوية متوفرة

وبالنسبة للناقة الافضل تحللها في اي مختبر حتى المختبرات الزراعيه مجاناً وعلى ضوئه يقرر العلاج المناسب

والواضح ان المشكلة طفيليات في الدم على ما اعتقد

ارحب يابو محمد وحياك الله

فعلاً كلامك سليم بعض الاخوان جزاه الله خير يعتقد ان هالسوداني

هو الطبيب الى ما عليه الكلام وان دواه ميه بالميه وبعضهم الله لا يجزاه خير يتطبب في ناقتك

وابشرك يابو محمد الناقه عطيتها ابرة هيام الفرنسيه وعقبها وهي حاذفه بالشر

[سيف القحطاني]

مع الاخ ابومحمد فالتحليل اهم

ارحب يا عيد عز الله انه اسعدني تواجدك

بالنسبه لتحاليل ودي والله اسوي لجميع الابل تحاليل ناقه ناقه حاشي حاشي قعود قعود بكره بكره


مير البلا ياخوك الديره الى انا فيها ما عندهم قسم خاص بالتحاليل

بيطره في محافظة من اهم المحافظات واكثر اهلها اهل حلال

ما يوجد لديهم مختبر للتحاليل .

عندنا بيطره للزراعة مايوجد لديهم طول السنه الا المعوي و الدموي وعلاج الشامل وبخاخ الازرق للجروح

وابشرك الناقه سلمت اعطيتها ابرة هيام الفرنسيه وخلال يومين بس وهي حاذفه بالشر

[سيف القحطاني]

سيف بشر عن الرحول وش وضعها اليوم؟


اعذرني على التاخير ياجعل عمرك اسنين

ابشرك يالذيب الرحول سلمت اعطيتها ابره هيام الفرنسيه خلال يومين بس خذفت بالشر


تحياتي لك ياريس

[سيف القحطاني]

اتصلت بالرشيدي وذكر لي بأن لديه أبر (( هيام )) أفضل من الفرنسية الـ " سيميلر سان "
وحاولت أعرف نوعها ولكنه لا يخبرني
ذكر لي بأنه يجيبها من برا .. وأن فيه واحد أخذ منها 40 حبه (( نوع من التسويق ))
وان قيمتها 300 ريال

نصيحة للأخوان
أحذروا من بعض الأشخاص
ومثل ما قال أبو محمد
هل تعتقدون ان السودان افضل من منطقة الخليج في الطب والعلم والتقدم



وسلامتكم

سالم وغانم يا فهد وبيض الله وجهك وجمل الله حالك على هالمداخله

وابشرك الناقه اعطيتها ابرة هيام الفرنسيه (( سيميلر سان )) وخلال يومين وهي حاذفه بالشر

خاطرها زان وحالها اطيب من اول

[سيف القحطاني]

كانت عندي رحول وماتت مثل هذا الحال



وهذا المرض أسمه (((( أبو دبه ))))) وأكثر مايجي في الصيف وأنصح أهل الأبل بعدم ربط الرحول اليوم كله في مكانها خلها وقت الظهر مع الابل



ارحب يابو عقاب

اشكرك يالغالي على المداخله

[سيف القحطاني]

احذرو ياشباب

ابو فيصل هذا يذكرني بالمثل الي يقول

يبيع الماء في حارة السقايين


اقدا ابو فيصل جعل من جابه مايعرض للنار

لانها والله يابو غنام غميصه ياتيك سوداني ما تعلم على رعي الابل الا في السعوديه

ويتطبب في ناقتك .