اخوي عيد المنصوري وبقية خبرائنا واهل العرف بني فزعتكم [الأرشيف]

مشاهدة النسخة كاملة : اخوي عيد المنصوري وبقية خبرائنا واهل العرف بني فزعتكم

سعود البدراني

30 / 07 / 2011, 57 : 10 AM

السلام عليكم ورحمة الله وبركاته
بارك الله لكم في رمضان مقدما
حياكم الله جميعا لدى واحد من الربع بعير طيب وثمين وفي الهداد الفايت اضرب له ناقة ومن الصبح اليوم الثاني صار مايطلع من
ذكرة سوى مقدار الاصبع علما بان البعير ماهو كبير سن وقد انتج انتاج طيب جدا
ماهي المشكلة وهل لها علاج وماهو
ولكم مني صادق الدعى وسلامتكم

محمد الوهبي التميمي

30 / 07 / 2011, 32 : 01 PM

الناقه اللي ضربها ومن بعدها صار هالوضع
هي مقطع صيدها ومحطوط ملح وأنفك البعير في نفس الوقت؟
هل هي ناقه مصعد؟
هل يوجد تضخم في جراب البعير؟

راشد الكدادي

30 / 07 / 2011, 04 : 02 PM

هذا اللي حصل للبعير أكيد بسبب إن الناقة اللي أضربها البعير مصعد أو كما قال أخوي محمد التميمي مقطع منها ومحطوط بها ملح وأوجعت البعير وحصل ماحصل !!
لإن هناك بعض الناس مايهمه حلال غيره حتى لونه مشترى بالملايين أهم شي يضرب ناقته وعساها تعشر وبعير الرجال بقريح !!
والمشكله بعد لادرو بعلومه الرديه الرجال ماخلا مجلس إلا وسبهم فيه !! وياكثرهم اللي مايخافون الله في كثير من الآمور عسى الله يقللهم..
وعلى العموم إن شاء الله إن البعير بيطيب وبيرجع أطيب من الآول ولكن خل راعيه يدير باله من الرخوم من أشباه الرجال مستقبلاً ..

محمد بن حمد القحطاني

30 / 07 / 2011, 32 : 02 PM

السلام عليكم

اخي ذكر البعير ملتهب ألتهاب قوي

والاسباب مثل ما قالوا أخواني السابقين مثل الملح بعد تقطيع الصيد او يكون رحم الناقه غير نظيف أو كذلك يكون ملتهب و .....الخ

لذلك اطلب من الصيدلي ابره الالتهاب حق ذكر البعير

وان شاءالله تنتهي المشكله

هذا ولك تحيتي وتقديري

عيدالمنصورى

30 / 07 / 2011, 18 : 08 PM

http://www.norbrook.com/uploads/P6090047.JPG (http://www.norbrook.com/products/pen-strep-suspension-for-injection)الجرعه عشرون ملي يوم بعد يوم ثلاث جرعات

حمد الحريّص

31 / 07 / 2011, 02 : 01 AM

اتفق مع الربع فيما قالو

كفو ووفو

وان شاء الله ماعليه الا العافيه والله يرده مثل ماكان ويرزق صاحبه من مايسره

ويكفيه شر كل من به شر

سعود البدراني

31 / 07 / 2011, 34 : 10 AM

مرحبا بكم كلن باسمة والله لايهينكم وبيض الله وجيهكم
اما بالنسبة للناقة المضربة مادري عنها انا حاولت اكلم راع البعير وجواله مايوصل شكلة عند البل
وانشاء الله اول مايرد اعطيكم العلم
اخوي عيد المنصوري هل ثلاث جرعات كافية لان البعير له فترة على هالوضع وسلامتك

سعود البدراني

31 / 07 / 2011, 40 : 10 AM

ابشروا بالعلم الناقة اللي ضرب البعير مصعد

عيدالمنصورى

01 / 08 / 2011, 37 : 11 PM

الاخ سعود يمكن زيادة الجرعه الى الضعف
ويجب غسل ذكر البعير بمنقوع اوراق السدر