نطلب الافاده من هل العرف والخبره

[عبدالرحمن المحسن]

اخواني الكرام

السلام عليكم ورحمة الله وبركاته

نطلب الافاده من هل العرف والخبره

الكوي الي يكون في الناقه من قدام الديس ومن ايمن البطن وايسره مع العلم أنه كوي قديم فعن ماذا يكون عادتا

واشكر الجميع

[خالد الفالح]

الله العالم انها مكويه عن الفضاخ كان عندي ناقه مكويه مثلها وهو من امراض البطن

ومن اعراضها الضمور وليونة الدمن

[حمد الحريّص]

وعليكم السلام ورحمة الله وبركاته

اتوقع والله العالم اذا كان بداية الكوي من نصف البطن الى قدام الديس وبعدين من ايمن البطن الى ايسره

ان رحم الناقة كان فيه شي على سبيل المثال (( مشع او فتق ))

والله اعلم

[جابر ال جابر]

فيه كي الفضخ وهذا يكون طويل قدام الديد متصل

وفيه كي للوريم يكون قصير على حبل الديد فقط

[سعود سعد القحطاني]

الله العالم ان اقرب شي ما قاله اخوي حمد الحريص

[عبدالرحمن المحسن]

جزاكم الله خير


طيب اذا كان مثل ماقل اخوي حمد هل له أثر على لقاح الناقه لأني اخذتها حايل مبيوع لدها

[عيدالمنصورى]

هذا كي الفضاخ
وليس له اي اثر سلبي بل بالعكس

[عبدالرحمن المحسن]

جزاكم الله خير جميعا على طيب مروركم


وإبدء رأيكم المبارك

وبإذن الله سلامات مثل ماقال اخي عيد

[حمد الحريّص]

هلافيك اخوي عبدالمحسن

كل اللي قلناه هنا توقعات والله اعلم

لكن اذا كنت شفت ولدها او الرجال اللي شريتها منه م رجال ثقه

ان شاء الله ماعليها الا العافيه

والله يبارك لك فيها وفي خواتها ويرزقك منها مايسرك ويطيب خاطرك