الفحل (مهراس)

[وليد الخضير]

بغية رايكم يالربع بالفحل هذا الفحل عند خالي وبغا يعرف مستوى الزين الي فيه بس عنده مشكله ان ابوه ما يدري وشو وامه طيبه عنده ولا نستغني عن اردود والتعليق شكراُ وهذي الصور مرفقه

وحسب كلام الخال انه لقي الحين

http://www.mzayan.com/vb/images/uploads/5_269434645aa96cab9b.jpg

http://www.mzayan.com/vb/images/uploads/5_269434645aa96e842e.jpg

http://www.mzayan.com/vb/images/uploads/5_269434645aaa15aec6.jpg

[فهد بن صلبوخ]

مرحبا ياوليد

والقعود طيب رقبته طويله لكنها جبره شوي وراسه طيب وخده طيب جدا

ظهره متوسط وزين ولكن اعتقد واللي مبين لي فالصوره انه قصير

ولابد من معرفت ابوه ..؟؟!!؟!؟


وبالتوفيق

[بندر مطر البقمى]

بسم الله الرحمن الرحيم
مرحبا بالاخ وليد
القعود وسط
راسه كأنه راس ناقه ماهو راس فحل والعرنون تشره عليه
جنبه قصير وعظمه قصير
والنحر ماهو وسيع
السنام متقلط شي بسيط
وعلى حسب عرفي عطيتك رأيي
ولاكن فيه من الاخوان اكثر خبره وماراح يقصرون
اخوك .... بندر البقمي

[مسعود العماري]

مرحبا بك

القعود ظهره زين

وتنقد على عرنونه وعظمه وخفافه وشواربه


والقعود مجمله وسط

[محمد علي الهدفه]

بسم الله الرحمن الرحيم
مرحبا بالاخ وليد
القعود فحل اتكل على الله وفحله

[راشد العرق]

الاخ وليد
اذا القعود لقي على مفهومنا (يعني سهيل الجاي جذع) فهو قصير جدا ولا اظن انه يفحل لان اغلب بناته بتجي قصار والله اعلم وانت تبي الفحل اللي يرفع البل تجي بناته كبار وزيان

المفروض ان السؤال لو القعود عندك بتهده اذا امه طيبه وابوه ماتعرفه وهذا طوله وهذا شكله
انا يا اخي العزيز وليد ماني بهاده اذا هو لقي لانه قصير ولا من زين غاصب--------وقصره يكفي انه يردني من فحاله

هذا راي اخوك راشد العرق
لو كان القعود له
وانت اعرف بحلالك الله يوفقنا وياك وجميع الاخوان لما فيه الخير في الدنيا والاخره

[جاسم الجربوعي]

الاخ وليد

الله يحييك

وطبعاً الفحل بالنسبة للابل مثل الساس بالنسبة للبيت يعني يجب على راعي الابل ان يختاره بعناية شديدةويكون ذلك

مبني بالدرجة الاولى على الاصل ثم بعد ذلك الشكل

وبالنسبة لملاحظاتي على قعودك وان كان من الصعب جداً الحكم على الصورة فهي كالتالي:

الجرم : طيب , الظهر زين والغارب لاباس به , العظا وافي وعيبه انه قصير

يعني الفحل القصير انصحك ماتهده في ذودك


ولك صادق التحية

[حمد الغواص]

الاخ العزيز وليد
القعود جرمه ردي بشكل عام
ومواري الزين فيه متوسطه