تسجيل الدخول

مشاهدة النسخة كاملة : تبادل الخبرات ((شاركنا رايك ))

حمدان الجهني
04 / 04 / 2011, 34 : 11 PM
السلام عليكم ورحمة الله و بركاتة
معروف ان اشهر انواع الهجن 4 و هن المهجنات و العمانيات و الحراير و السودانيات
الحراير اصايل تتواجد في شمال المملكة و بادية الاردن
العمانيات وهن اصايل تتواجد في عمان و الامارت و تكثر القحيديات شرق المملكة وقطر
السودانيات وهي تطلق لكل هجن افريقيا و تاتي من السودان اثيوبيا ارتريا و تتواجد في غرب المملكة بسبب انها تاتي الى ميناء جدة
المهجنات وهي صلب موضوعنا
يختلف التهجين الى عدة انواع منها
ناقة عمانية او حرة من جمل سوداني
ناقة عمانية او سودانية من جمل حر
ناقة حرة او سودانية من جمل عماني
وهذي اشهر انواع التهجين السؤال الان اي انواع التهجين تفضل و لماذا و ايها اكثر انجازات في وجهة نظرك واسف على المقدمة المعروفه للهجانة ولعل فيها شي من النفع لغير المتخصصين بالهجن.

بالنسبة لي
افضل تهجين العمانية من سوداني و الحرة من سوداني غالبا ما تكون سبوق ولكن مشكلتها في التشبيه

ونتظر مشاركاتكم و تبادل الخبرات للافادة العامة للجميع و اثراء المنتدى بالمفيد والجديد

وشكرا
يوسف الاحمد
05 / 04 / 2011, 45 : 12 AM
السودانية من العماني والعكس جيد
سعيد سالم الخاطري
05 / 04 / 2011, 31 : 06 AM
السودانية من العماني والعكس جيد مجربه وناجحه
علي بن طحنون
05 / 04 / 2011, 19 : 08 AM
عماني من سوداني والعكس >> وقليل من هذا التهجين يكون مشبوه >> اما الحر بالسوداني >> هذا التهجين يكون فيه تشبيه وبشكل كبير >>
فالسوداني بين شكله ولونه >> فالمشبه وراعي الهجن ما طوفه اللي فيها عرق سوداني >> مشكووووووور على المووووووضوع يالذيب >>
حمدان الجهني
05 / 04 / 2011, 14 : 06 PM
شكرا لك مشارك بالموضوع بن طحنون سلمت يا الغالي
محمد ال علي
06 / 04 / 2011, 16 : 12 AM
اخي العزيز حمدان اشكرك على الطرح المميز
وجهه نظري ورغبتي
وطبعا اولا واخيرا على التوفيق من الله
الحره من سوداني
علي الغواص
06 / 04 / 2011, 44 : 12 AM
لاهنت ياحمدان على الموضوع وانا اوافق الاخ علي عماني من سوداني

لاكن اذا سوداني من حر فهذا فيه تشبيه كبير لان بعض ابل السودان فيه حراير وخاصه ابل الرشايده في السودان

حتى في التثبيت بيقولون اللجنه هذي عليه وسم السودان وهي حره من حراير السودان

اما التهجين من عماني الى سوداني فهذا افضل بواجد او مهجنه من سوداني


ولكـ جزيل الشكر
سعيد سالم الخاطري
06 / 04 / 2011, 26 : 06 AM
خبرنا عن اعيال سراب وش سون عندك بيضن الويه ولا بعدك ما عسفتن ؟؟؟
حمدان الجهني
06 / 04 / 2011, 24 : 03 PM
توهن عسايف اقاودهن للماء واردهن مربطهن ما بعد شافن الدورة و التدريب
وانشالله اذا قدمن شي بخبرك على الخاص
ومشكور على الاهتمام وسراب عقبه ما بيخيب انشالله
و فالنا وفالك التوفيق
جابر ابوشهاب
09 / 04 / 2011, 51 : 06 AM
لاهنت يا حمدان على الموضوع المتميز

انا افضل العمانيه تهجن بسوداني ناجحه جدااااا

شكرا