ديس الخلفه محصي شوركم علي يا اهل البل

[فارس الشيباني]

صبحكم الله بالخير

يالربع عندي خلفه ديسها انتفخ من جهه وحده وطقتيها ابره وخف النفخ لكن مازال محصي (اذا لمسته تقول فيه بلكه من داخل يابس مع انها تدرر وماعندها مشكله )


شوركم علي سمعت الربع يقولون رشها بماء بارد ومره وشتقولون انتم ؟؟

[سلطان حمد العبيدي]

عليكم السلام ..

صباح النور


فارس انت متى طقيتها ابره .. اذا قبل فتره بسيطه ترا بيرجع مره ثانيه لأن مفعول الابره فتره بسيطه ..

ثاني شيء الناقه في شبك ولا في بر .. يعني تمشي أو لا ..

والناقه متى انتفخت خلوفها ..

[مبارك العازمي]

مرحبا يافارس
جيب زبت الخردل ربع لتر وجيب ثوم دق الثوم 15 فص ثوم دقهن زين واخلطهن مع ربع لتر من زيت الخردل اخلطهن زين وبعدين اغسل ديد الناقه بماي دافي وجففه من الماء وادهن الديد بخليط الثوم مع زيت الخرل لمدة 3 ايام مره واحده باليوم عند المساء ادهن الديد بالكامل وبتشوف الخير انشاء الله ديد الناقه يبصير لين ويصير حلبه سهل طريقه مجربه ونبي منك الدعاء