تسجيل الدخول

مشاهدة النسخة كاملة : العقر في الحيران

عبدالله المسعودي
07 / 04 / 2007, 34 : 05 PM
السلام عليكم ورحمة الله وبركاته



الحيران عندي طلع فيها عقر بحجم التمره تطلع العقره وبعد اسبوع او اقل يطير الغزل عنها تزيد بشكل فضيع

وفي أماكن مختلفه من جسم الحوار


وش اسبابها وش علاجها



الله لايهينكـــــــــــــــــــــــــــــم
فيصل بن مرخان
07 / 04 / 2007, 16 : 07 PM
الاخ عبد الله
العقر هل هو القرع ...لونه ابيض مدور.....اذا هو فهاذا عادي وهو مرض موسمي ...وعلاجه موجود في مواضيع مطروحه بكثره في العياده....اذا لا ..ارجوا ذكر مسمى ثاني له
تحياتي
عبدالله المسعودي
07 / 04 / 2007, 54 : 07 PM
فيصل بن مرخان

مهب قرع القرع معروف وعلاجه معروف

هذا مثل العقر العادي لكن حجمه مثل ماقلت كبير بحجم التمره تقريبا
عيدالمنصورى
08 / 04 / 2007, 58 : 07 AM
عبد الله المسعودي
هل هنالك قراح او ورم ام ان المنطقه المصابه تبين سليمه فقط يطير الغزل وتكبر المنطقه وخاصه منطقه
مقدم البطن والارجل الخلفيه
عبدالله المسعودي
08 / 04 / 2007, 35 : 06 PM
مساك الله بالخير ياعيد

ورم ولله الحمد مافيه

لكن العقره بعد ماتطلع يطير عنها الغزل وشفت عقره او ثنتين عليها دم

والعقر منتشر في جميع جسم الحوار في الفم والرقبه والدغادغ ( الإبط ) والفخوذ
مشعل الغنامي
11 / 03 / 2009, 41 : 01 PM
هذا والله اعلم انه التهاب من القردان اللي كانت في الحوار وتم نزعها باليد لانها ماتنزع من الحيران باليد وانما بالجرَِة ترش على القردان جرَة ولكن العقر هو طالوع وخراج [ التهاب ] والعلاج عند البيطري مضاد حيوي يعطى بالابر في الترايب..
مبارك العبدلي
17 / 03 / 2009, 35 : 10 PM
مساكم الله بالخير جميعا

حبيت اوضح كلام اخوي عبدالله المسعودي

العقر: حبوب تحت الجلد

عندي حوار طلع فيه نفس المرض ولا ادري وش اسبابه

ولا وش هو ؟
طبعا الحبوب تحت الجلد في العراقيب وفي رقبة الحوار وفي وجهه وفي فخوذه من برا ومن داخل جهة الديد

والحبوب تختلف احجامها من كبر حبة الحمص الا كبر من فذة التمره بعضها طلع له راس وبعضها ما طلع له روس

كلمة دكتور وقالي هذي نوع من انواع الباردة

وعطاني الابرة اسمها TRIOXYL LA