القرع بالقعود ولكن محتار أعالجه ولا أتركه..؟!

[بندر السبيعي]

بسم الله الرحمن الرحيم



مساكم الله بالخير جميع


عندي قعود عمره 3 شهور تقريباً وفيه قرع بجسمه وبعض الناس يقول لاتعالجه يروح لوحده ,والبعض يقول خذ له علاج ولاتتركه بهذاالشكل.

وأنا محتار وأبيكم تنصحوني الله لايهينكم ويحفظ حلالكم من كل مكروه

[عبدالهادي آل سلطان]

عالج القعود و العلاج هو :-

(( ديتول تحك القرع بالديتول كل يوم مرة وحدة ))

أو

(( تاخذ دهن الراس اللي علبتة حمراء))
(( و فية نفسة بالون الأخضر ))
(( ولون الدهنة أبيض أستخدمة كل يوم مرة وحدة ))
(( وحك القرع حكٍ زين ))

أنذار :-

لا تستخدم الديتول و إلا كمل تستخدم الدهنة لا لا لا لا لا ......
و لا تستخدم الدهنة الخضراء و إلى كمل تستخدم الحمراء
لا لا لا لا لا لا لا لا لا لا لا .....

أستخدم واحد من هذي العلاجات ألين يسلم القعود

و أسئل مجرب و لا تسأل طبيب

[شبنان الشهراني]

ماقصروا الأخوان

وعندي علاج استخدمه مرتين أو ثلاث بس بفترات متفاوته وناجح جداً وهو زيت الطعام ( عافيه )
تحك موقع القرع لين تشوف الدم بس مو كثير بس يكون على عموم المكان وبعدين تحط الزيت تدهنه دهن

وسلامتك وسلامة الجميع ‘‘‘

[بدر العبدلي]

ماقصروا الاخوان

عندي علاج سهل وبسيط ورخيص رح لاقرب بنشري واطلب منه شحم وادهن محل القرع بدون حك بشحم السيارات كل يوم مرتين وبيسلم انشاءالله

[عبدالله مصلح الحربي]

علاج القرع زيت الاكل صافولا اواي زيت والملح ذوب الملح في الزيت ودهن مكان القرع بدووووووووووووون حك تراني حكيت القرع وجي في ايديني حبوب وبذور والله ماراحت الا بعد تعب وشهور ركز علي الملح وذوبه في الزيت وينتهي القرع مكانه

[طلآل الخآلدي]

اخ بنــــدر لازم تعالج عشان ماتكبر المشكله ويصعب علاجه ..


فيه علاج اسمه ( ايودين ) مطهر يجي لونه بني وتحله مع ماء يصير لونه مثل الشاهي وتغسل به مكان القرع

علاج مجرب ومامنه خوف على القعود .. وشكرا

[ناصر بن جاسر]

الأخ بندر

مساء الخير ..

كل اللي قالوه الاخوان من علاج فيه خير وبركه

لكن للمعلومية طفيليات القرع معدي اذا طاب قعودك بيطلع بقعود ثاني او بكره

لانه سبحان الله ينتشر بالجو لا جيت تحكه وتنظف مكانه

عشان تقضي عليه صح عليك بالليمون والخل حطه في موقع المرض وعقبه ادهنه بأي زيت

بعدها بأربعة ايام كرر الكره ثاني مره

وبعدها بأربعة ايام حكه بحصاه لين ينظف مكانه

هنا انت قتلت الطفيليات وتظمن انه ما ينتشر بالحشوان

واصبر خمسة ايام وبأذن الله بينبت محله شعر

فوتك بعافيه

[بندر السبيعي]

الله يجزاكم كل خير

وجاري تجربة الزيت لأنها أسهل وسأخبركم بكل جديد

ربي يسعدكم جميع ويبارك لكم في حلالكم ومالكم

[عبدالله سعد محمد]

عليك بالفازلين
حك القرع شوي والفازلين كل ثلاثه ايام وان شاءالله وهو رايح
بس حاول انه يكون في الشمس عشان تكون حاميه شوي على الزيت او الدهن
انا جربت الطريقه هاذي ومشت معي الحمدلله

[بندر بن حنيان]

رح لقرب بيطري واشتر ( كبريت سائل لونه اخضر ) علبته لونها ابيض مجرب على الحلال ومره واحده فقط بعد حك المكان لين يدمي

وادعلي

تقبل مروري

[طلآل الخآلدي]

الأخ العزيز بندر . . نصيحتي لك كأخو / اذا أنت تدور ( السهل ) كذا ماراح تعالج قعودك العلاج الطيب والي يجيب نتيجة سريعه


خصوصا ان الأبل تحتاج لعلاج سريع والتأخير يضر عليها .


وكلام الاخ ناصر بن جاسر ان القرع يعدي فهو صحيح وضروري تكون عارف هالشي .

والعلاج : غسول ( أيودين ) تستخدمه كل يوم على نفس مكان القرع تحطه بعدين تغسله بالعلاج وأن شاء الله تدعي لي .