ارجو الفزعة يااخوان الله يجزاكم خير...

[نايف البشري]

السلام عليكم اهنئ نفسي و اهنئكم على سلامة مليكنا الغالي ابو متعب ورجوعه لارض الوطن سالما معافا ولله الحمد
ياخوان عندي نياق 3 يهدرن وماتعاشرن جبت لهن سوداني وقال ان الهدير من الذيخ وقطع الصيد والذيخ عنهن واضربهن الجمل وماتعاشرن والهدير مازال فيهن وكلهن مجاسير وهالحين السبب مادري من النياق ولا الجمل والجمل سنه ثني وجرمه كبير وعشرت منه وحده والله يعطيكم العافية ..

[شباب الدوسري]

وعليكم السلام
يهدرن من اليسره يبن الفحل والزول يبي يتفلسف عليك فتش الصيد وضرب البل
وكانك خايف من الفحل شف غيره سبحان الله كثير يشكون من الفحول هذي السنه



الودعاني

[وافي مليح بن موطان]

مازود على كلام الودعاني الا
ابرة تنضيف تراها طيبة جدا جدا

[حمدان التميمي]

زبادة على كلام الربع ..اقول لك جوع البل نصيحة مجرب حتى تعشر

[ساجربن عدوان]

وش سن انياق

[مساعد العتيبي]

السلام عليكم

اخوي نايف في الصيدلية ابرة تسمى استروميت تظرب قيممتها 25 ريال

تظرب البل بالابرة قبل الظراب ب 3 ايام وبعدها ضربها

وانشالله تلقح

ملاحظة : الناقه الوحده يبليها ابره لحالها يعني اخذ من البيطري 3 ابر

وفيه مشكلها ثانية يمكن البعير ظرابه مهوب زين وفيه مقوله عند البادية ان الثني وني

[عبدالمحسن المقاطي]

انت في الوقت الضايع

شفلك بدوي بخيص ولا بيطري يغسل لك البل ويغرف عنها ويقطع صيدها

واضربها على بعيرك ولا غيره ويستحسن تغيير الفحل لان الثني وني كما يقال

والعشار هالسنه كلاً يشكي منه