المساعد الشخصي الرقمي

مشاهدة النسخة كاملة : وش مصيبة الناقة ..؟

صالح الكربي
29 / 01 / 2011, 14 : 09 PM
السلام عليكم ورحمة الله

يالربع عندي ناقة بكر ولدة امس في شبك هي وحوارها وسحبت حوارها منها وخليته عندها وهي عينها للباب ماهي صوبه ونافره حوارها وكل ما قربت الحوار منها ترمحه ولا تعضه .. وحجزنا الناقة وخطمناها ومسحناها ولا درت ( عطفت ) وقربنا الحوار منها ورضع منها ولا درت واليوم مشيها الناقه خفيف كانها تشتكي من رجيلها العالم الله وبعد الظهر بركت الناقه وحوارها عندها ولاعاد قامت واكلها خفيف

للعلم .. الناقة ولادتها زينه وسلاها طلع

هذا وسلامتكم
صالح الكربي
30 / 01 / 2011, 03 : 12 AM
يالربع الناقة صاحيه ولا فيها شيء ومن يقرب منها او يمسحها تعضه
محمد سالم اليامي
30 / 01 / 2011, 24 : 09 AM
اصبر عليها هذي بكر
اعزلها لحالها في الشبك وابعدها من الناس والبل وان ما رامت الله يعيينك على الضيار شف لك واحد باخس يضيرها
علي احمد الغنامي
30 / 01 / 2011, 28 : 10 AM
نفس الحالة مرت علي ولاركبت حاشيها الا بعد العصا
(أدب النسا بالنسا ..... وأدب الهجن بالعصا)
فيصل النعيمي
30 / 01 / 2011, 14 : 12 PM
مرحبا يا صالح

نفس المشكلة صارت عندي . بكر نفرت حوارها

اول بادي حاول تبعدها عن اماتها بشبك ما يكون وسيع
وعليك بالبرسيم اره عليها من شان تضيق من الحليب
واخطمها وقيدها من شان تعطيك من نفسها واذا تحتاج قيد خلفي لا تقصر
ودغف حوارها ديدها لين تعطف ... والشغلة يبي لها من يوم الى يومين ون ما عطفت الله يعينك على الضيار والصبر ونا خوك زين.

انتبة من العصا ترى ما يمحق الحلال الا الضرب
صالح الكربي
30 / 01 / 2011, 53 : 06 PM
تسلمون يالربع على الردود

والله اني اوجعت الناقه بالحجاز على رجيلها يوم ولدت ابي ارضع حاشيها

الناقه في شبك لحالها هي وحوارها والبرسيم عند راسها تاكل وتجتر ولا فيها شيء .. علة الناقه ما قامت من مبركها ثاني يوم من ولادتها والناقة حرة ماهي مجهم
عطيناها فيتامينات كالسيوم وابرة اكسين ومضاد حيوي

والله يعين يالربع
صالح الكربي
07 / 02 / 2011, 19 : 09 AM
يالربع الناقه احسن من اول .. تبي تقوم ولا قدرت تقوم تزحف قدام وان رفعناها بالكرين تحوس وتلف في الشبك من 3 الى 5 ساعات ومشيها ثقيل

وإذا تبا تبرك تطيح من تقرب من القاع ... وش علتها ...؟
محمد سالم اليامي
07 / 02 / 2011, 37 : 11 AM
يالربع الناقه احسن من اول .. تبي تقوم ولا قدرت تقوم تزحف قدام وان رفعناها بالكرين تحوس وتلف في الشبك من 3 الى 5 ساعات ومشيها ثقيل

وإذا تبا تبرك تطيح من تقرب من القاع ... وش علتها ...؟

شف لك واحد باخس من الي حولك احتمال قلب عصب والله اعلم
سالم جابر المري
07 / 02 / 2011, 44 : 11 AM
الناقه ( موارك ) من الربط الي جاها حط على وروك الناقه طحين وماء
فهد بن خميس
07 / 02 / 2011, 30 : 08 PM
حط طحين وسكر وماء على وروك الناقه والله اعلم

الناقه عورتوها بالحجز ووركوها مانشفت عقب الولاده وخل مبركها معتدل وكل ماخذت لك شوي سدح الناقه على جنوبها خل الدم يمشي في اطرافها ولا ارفعها بالونش ساعتين في اول النهار واخره وبيعافيها الله ثم بعدين حل مشكلة النفران لا قامت سالمه وان كان ولدها قعود بعه ولا تغلغلها وهي في هالحال
خالد الحجي
07 / 02 / 2011, 41 : 10 PM
حط طحين وسكر وماء على وروك الناقه والله اعلم

الناقه عورتوها بالحجز ووركوها مانشفت عقب الولاده وخل مبركها معتدل وكل ماخذت لك شوي سدح الناقه على جنوبها خل الدم يمشي في اطرافها ولا ارفعها بالونش ساعتين في اول النهار واخره وبيعافيها الله ثم بعدين حل مشكلة النفران لا قامت سالمه وان كان ولدها قعود بعه ولا تغلغلها وهي في هالحال


كلام سليم ..... يافهد يعطيك العافية
شباب الدوسري
09 / 02 / 2011, 07 : 12 PM
انتبه من رفعها بالونش
و الناقه متوهنه اكبر غلط
ثانيا عليك بالكلسيوم عن طريق الوريد
ثالثا الناقه بأذن الله بتقوم وسع خاطرك
انتبه من الونش اهم شي

اخوك الودعاني