ما هو الحل اذا عاف الفحل الناقة

[عبدالله الشمري]

السلام عليكم ورحمة الله وبركاته
لما لهذا الموضوع من اهمية والكثير يشكو منه اطرحه لكم لعل هناك حلول وهو :
الفحل اللى يعيف الناقة (يمتنع عن ضرابها ) ما هي الاسباب وماهي الحلول من المعروف انه الحل الوحيد هو عرضها على فحل اخر لكن اريد حلا للفحل نفسه الذي يعييف وشكرا

[فهد بن صلبوخ]

ارحب ياعبدالله

وموضوع قيّم ويستحق الاشاده

اما من صوب الفل اللي يعيف

فانا البس الناقه جلال واشمل الناقه واضربها باي بعير وبعده اشيل الجلال واوديها للبعير اللي يعيف والبيسها الجلال واشل شمالتها ولاشم فيها ريحة البعير اللي قبله طار فيها

والله الموفق
اخوك

[محمد ابو عدوة]

مرحبا اخوي عبدالله البعير اللي يعيف يقرع اطول مده ممكنه. وتحط على الناقه جنايب وتشملها واهم شي انه مايشوف ابل مياسيرقريبه منه. هذا والله اعلم.

[محمد ابو عدوة]

واهم شي انه مايشوف ابل مياسيرقريبه منه. هذا والله اعلم.

[عيدالمنصورى]

هنالك عدة امور تجعل الفحل يعيف الناقه
منها ان الناقه غير ميسر وهذي تعطى ابرة جسره وتترك اربع ايام وبعده تعرض للفحل ويراعى عدم زيادة الجرعه عن 2سي سيس
او ان الفحل خف هياجه وليس مستعدا للضراب
والحلول اللي ذكروها الاخوان مجربه

[عبدالله الشمري]

الاخ فهد بن صلبوخ شكراااا لك تجربتك ناجحة جدا
وابشرك طبقتها وتكللت بالنجاح الباهر
اشكرررررررررررررررر ك

[فيصل بن مرخان]

الاخ فهد و الاخ عبدالله ارجوا منكم شرح الطريقه بتفصيل وشرح ممل لان في بعض الكلام غير واضح مشل تربون الناقه من بعير وترجعون تضربونها من بعير ثاني..حتى تعم الفاده
اخوكم

[سجلان]

هههه يمكن تلقح من البعير الي ما يبيه .
الافضل يجللها ويحمى الفحل من الضراب ويبعد عنه المياسير والمهم تكون الناقة ميسر .