الفزعه .. حاشي قريب ويموت

[مبارك بن محمد]

السلام عليكم ....
مخاوي شما .. هل احد يشتكي من نفس هالمرض ...
عندنا حواره يبست رقبتها من من طرف الراس لا تلفه يمين ولا يسار ... واغدت البكره تترنح يمين وشمال وضعف حالها وغدت لك مثل القوس وهيه يا دوبك عمرها شهر ونص
حتى امها عافتها ما ادري من شو .. بس عافتها من بعد ما طلعت هالاعراض فيها .. ولا قامت تحن ولا تعطف عليها وتبي تقتلها ...
هل احد مرت عليه حاله نفس حاله الحاشي يوم تيبس رقبته ويترنح كثير !!؟؟؟؟؟؟؟
ملاحظه : اليوم يقولي العامل انه هالمرض اكتشفه عند واحد من الربع وانه قتل عليهم سبع حشوان .." الله يعوضه بعوض خير ويشفي هالبكره ياللي ويانا "

[فلاح الرشيدي]

اولا نصيحه اعزلها وعقم المكان

ثانيا يمكن برد اللي صابها

والخوان ان شاءالله مايقصرون

[مثيب محمد]

هذا هيام سلاق ماله علاج
والله اعلم

[شباب الدوسري]

هذا طال عمرك مرض ما يعدي الا اذا مات وتحلل يعني اذا مات احرقه 2 اذا كانت لحويه يقدر يحركها ويبي يرضع تمام يمديك تعالج والعلاج جعات كبيره بنسلين مع مضاد في المستشفى البشري اسمه تتنوس هذا مرض يمشي في العضلات من الرقبه ويمشي عاى باقي الاطراف نزولا بعدين رش شبك البل واخيرا ان الله كاتب له عافيه بتشوفه ان شاالله يلعب ولكن اللي اعرفه انه مرض خطير واتمنى ان تخميني خطاء

[عالي العماري القرني]

الحمد لله ما مرت علي

بس الحوارة مثل ما قال أخوي فلاح يمكن دمها قليل ودخل فيها برد وقرصها وهذي للمعلومية تجي للبل إللي حالها ضعيف ويصقعها برد قوي

أتمنى إني أفدتك والعون بالله

[عبدالهادي آل سلطان]

هذا شكلة شكل السلاق و السلاق ماله علاج كن حليب الأبل
أسأل مجرب و لا تسأل طبيب لما ماتت و لا سلمت
بس عندي أبل صابها السلاق بس أنا تلتفت يمين و يسار
والله العالم

أخوكم / عبدالهادي الغفراني

[مبارك بن محمد]

يا اخوان وللفايده على شان تعم ..

هالمرض نقص في فيتامين E

وشريت لها دواء شراب .. وبودره حقه امها ..

وتم اعطاء الدواء للحاشي والحمد لله .. بدت تتحسن كثير عن ذي قبل ..

واكتشفنا انها ممزوره قراد بالقو ..

فأي احد يشوف عنده هالاعراض .. ،صيحه مني له .. خذ لها دواء بفيتامين E

وهالمرض قتل لغيرنا كثير من الحشوان .. يعني خل الدواء عندك في العزبه .. وعطه لحشوانك قبل لا تمرض لانه ما يمديك تجيب الدواء الا يموت الحاشي بسرعه


" يعني نواقص في الحشوان " وسلامتكم