الخلفة النحوس XXX

[فهد الشريم]

السلام عليكم ورحمه الله وبركاته

اسعد الله مسا الجميع بالخير


هل بالامكان تطويع الخلفة النحوس حتى يزين طبعها ؟
واذا كانت الاجابة بنعم , وش هي الطريقة ؟

[مبارك بن محمد]

هل جربت تتودد لها من قبل اخوي !!؟؟

[فارس القصاب]

هذا طبع كثير من البل بكر وغيرها تجدها تستخرش بعد الولاده لفترة ، لكن ترجع وتهدى بس تبغى لها شوية صبر وتطبيع ، فان كانت تبرك لا تعطيها فرصة اجلدها على شان ما تدهل وان هي ترد راسها على الحلاب فخطمها في عمود واذا هي ترمح قيد رجليها وان كانت تمشي وقت الحليب فربط في رصرص رجلها اليسرى حبل وشده في وتد اوعمود حتى يقيد حركتها ـ وضروري تحلبها اقل شي مرتين في اليوم حتى لو بالارض المهم انها تضرا على الحليب وتراها بتعاوص لها مده ولكن اسبوع حراويه بتبدأ تركد وتستهدي ، ثم قم بالتخفيف من الحبال تدريجيا ماعدا القيد ماعليه لو خليته يبطي فيها شوي خص لاهي رموح ،،،والله يبارك لك ...

[فلاح الرشيدي]

تطبيعها بالخبز

والشي الثاني الابكار اول ولاده لها ديسها يعورها لي حلبتها

لاتحلبها على طول عودها شوي شوي اهم شي بالاول طبعها حككلها وفي مواضيع اكتب بالبحث وتلقى

[مشعل الشويش]

كلام أخواني فيه الكفايـه ...

فارس وفلاح

[فهد الشريم]

اشكر الكل على المرور والرد وبيض الله وجيهكم

الناقه ام ثالث ... مهب رموح لكنها ترد رجلها وحطيت فرجليها قياد
وترد راسها وبحط فيها اليوم خطام ان شاء الله
وما ودي اعودها على الخبز ومعاد تحللب الا بتلقيم


لكن الحمدلله انها لا تبرك ولا تمشي


الف شكر لكل من شارك

[فلاح الرشيدي]

السلام عليكم

الناقه النحوس اوالجهل اللي ماتعرف الحلب لابد لها من الاتي

1 اذا عطفت على حوارها تربط بحبل من فوق اثفانها

2 يكون الحلاب جري بحيث لاتلاحظ عليها الناقه الخوف منها

3 يملكها بقوه لانها اذا رات منه الضعف مره لاتقف المره الاخرى

4 يزين حلبه للخلف بحيث لايؤلمها

5 لايترك الناقه حتى تكونفي حالة سكون تام لكي تعتاد على ذلك

6الاستمرار على هذا الحال مده لاتقل عن اسبوعين

http://www.mzayan.com/vb/mwaextraedit4/extra/36.gif

[فلاح الرشيدي]

http://www.mzayan.com/vb/showthread.php?t=6535

وهذا الموضوع

[عالي العماري القرني]

لا ياخوي بارك فيك الخبز يطبع البكر وتصير تحلبها وأنت تكتنف الطاسة يعني تحلبها برجل وتحلب ديوسها كلها وبدون لقام

أنا مجربة والطريقة ذي خذيتها من شايبي جعل عمره وأعمار شيبانكم تطول بعافية

والشي الآخر اللي أبيك تعرفه إن النحايس نوعين نوع مرتاعة ونوع صلفة إلى كانت حبيبتك صلفة إعمل لها خطام وقياد وإلا صارت مرتاعة القياد يكفيها

أتمنى إني أفدتك ياخوي والكل يكبر ربه

[فهد الشريم]

الف شكر اخوي فلاح عزالله ما قصرت وبيض الله وجهك

لك جزيل الشكر اخوي عالي ونصيحتك ع العين والراس