تسجيل الدخول

مشاهدة النسخة كاملة : بغيت خدمه من اهل الخبره ناقتين

فهدالناصر
10 / 01 / 2011, 07 : 04 PM
السلام عليكم ورحمة الله وبركاته

أسعد الله مسأكم بكل خير ويسعدني ويشرفني ان أتواجد بينكم

انا ناوي اشتري ناقتين مجاهيم للحليب لوالدي الله يطول بعمره

والحقيقه انا ماعندي خبره ابد ابد

ناس قالو عليك بالمجاهيم وناس تقول المغاتير

وانا والله احترت !!!

وش أفضلهن .. وكم الاقي اسعارهم

واذا فيه ابن حلال ينصحني جزاه الله خير ويوسع له برزقه

ما حبيت ادخل السوق خوفا من الغش وقلة خبرتي
عبدالهادي آل سلطان
10 / 01 / 2011, 06 : 06 PM
نصيحتي لك ياخوي أشتر مجاهيم لأن لبنها واجد وهي أرخص و لها جاذبية وفي سوق الأبل بالأحساء أبل أهلها محتاجين و بيعهم من عشرة آلاف إلى خمسة و عشرين إلى عشرين وحولها و الله يوفقك ياخوي فهد الناصر
طلال الروقي
10 / 01 / 2011, 07 : 07 PM
وعليكم السلام ورحمة الله

حيا الله اخونا فهد

الله يطول بعمر والدك ويجعلك ممن يبرون بوالديهم

ويجزاك عنهم الجزاء الأمثل ..

أنا أشير عليك طال عمرك أن تشري للوالد ناقتين منايح مجاهيم

فالمجاهيم أمهات الحليب الواجد

وإن شاء الله يتيسر أمرك مادامك بار بوالديك

وإن شاء الله الأخوان فيهم الخير والبركه بيدلونك على أطيبهن حليب وطبع ..
وأسعارهن تتراوح بين 11 - 16 ألف
مشعل الشويش
10 / 01 / 2011, 32 : 07 PM
ارحب ياخوي ...

انا انصحك بالمجاهيـــم كانك تبي الحليب ..؟

والحمر السواحل ترى حليبها طيييب جداً ... وفيهن هداوه .. وحتى اللي ماهيب هديه تقدر عليها !

وعندنا فالطائف اسعارها معقوله ( منايح فقط ) مافيهن زيـن ...

.....

وحنا ماحنا بمقصرين معك يالنشمي بالمشوره واللي نقدر عليه ...

......

أخوك
فهدالناصر
10 / 01 / 2011, 45 : 07 PM
الله يطول اعماركم ماقصرتو والله

وشاكر لكم تشريفكم لي وابداء ارائكم

من وين تنصحوني اشتري

ودي اعرف ولو انكم بتضحكون علي لكن تستاهلون

وش معنى منايح ؟؟
سعيد حمد الدوسري
10 / 01 / 2011, 12 : 08 PM
حياك الله اخوي فهد
المنايح طال عمرك الابل اللي للحلب فقط تسمى منايح يعني الخلفه والخلفه هي اللي معها قعود او بكره

وانصحك طال عمرك انك ماتشتري من السوق عليك براعي المراح وعسى الله يرزقك
فهدالناصر
10 / 01 / 2011, 30 : 08 PM
الحق علي يالدوسري تكفى

اذا حولك رجال ثقه وسعره معقول شرريت منه

والله متردد ادخل السوق من كثر ما اسمع عن الغش

والله يبيض وجهك على المعلومه
سعيد حمد الدوسري
10 / 01 / 2011, 35 : 08 PM
لك رساله على الخاص
محمد بن عبيد
10 / 01 / 2011, 35 : 08 PM
نصيحتي لك ..

وجزاك الله الف خير

والله يطول فعمرك والدك وعمرك

ان تشتري لة حمراء لان حليبهااا حلو وزين

تحياتي
عايض الرميح
11 / 01 / 2011, 57 : 08 AM
ابشر بسعدك عندي لك ثنتين مجاهيم اشباب هدايا مصاغير ولك شهر كامل اذ طلع فيهن اي عذروب مرجوعات
جوال 0569025588
ابو خالد
عادل الضويحي
11 / 01 / 2011, 11 : 07 PM
بيض الله وجيهكم ياالغانمين
فهدالناصر
12 / 01 / 2011, 35 : 09 PM
شرفتوووني بتواجدكم