آل حميدان من الحباب من قحطان

[حمد محمد المري]

يالربع مساكم الله بالخير اللي منكم يا اعضاء المنتدى الكرام من آل حميدان من حباب قحطان يشارك معنا ولا عليكم امر او يعرف حد منهم يرد لنا خبر واقصد وسامة المغزل على الرقبه من يسار للأهميه القصوى .

[حمد محمد المري]

او احد من قحطان الموضوع شاري لي بعير عليه وسم آل حميدان من الحباب قحطان وابغي اعرف راسه من كرياسه ولا عليكم امر للأهميه القصوى.

[محيميد الرشيدي]

يفيدونك الاخوااااااااان اتمنى لو كان عندي علم وفيدك

[خالد بن محمد]

الوسم المغزل على الرقبه

من يسار خلاف شحمه الأذن

[حمد محمد المري]

مرحبا ياخالد والله لا يهينك على المشاركه المغزل فوق عطف الرقبه من يسار

[خالد بن محمد]

طيب البعير من أي ديره مشري

لأن فيه ربع ياسموون المغزل على الرقبه

من يسار ولكن ماهم من ال حميدان ال حباب ..

وشكراا

[جابر ابوشهاب]

او احد من قحطان الموضوع شاري لي بعير عليه وسم آل حميدان من الحباب قحطان وابغي اعرف راسه من كرياسه ولا عليكم امر للأهميه القصوى.



مالك حل يا بو محمد حتى الكريااااااس هههههههههه

انشاء الله تلقى الاجابه الشافيه

[حمد محمد المري]

لاهنتوا جميعا على المشاركه والبعير ياخالد شاريه من سوق الحسا والرجال اللي انا شريته من عنده يقول انه شاريه من دوسري من هل الخرج والدوسري شراه من قحطاني ولابه حد ياسم الوسم هذا من قحطان اللا ال حميدان

[حمد محمد المري]

وبعدين والله مادري يمكن الرجال يكون غلطان انت صادق ياخالد والبعير يقول انه على مشعوفان الفصام وعليه مطيرق صغير خلاف العين من يسار ((ناظر)) والظاهر انها عزله وعليه مطرق بالطول على العضد من يسار والظاهر انه كوي على ظلاع والله مدري لكن ان لقيت منه خبر انت واللا حد من الاعضاء الكرام لا يبخل علينا اما وصف البعير فالبعير طوله وسط واصهب وله غارب زين ونسنوس طيب وتنازل مطلاع ارقبته شوي وعقبه تساندها. ولحيه طافح وله غظروف خشم طيب واسبلته طيبه الوسط وله اطيمس حاد هذي علومه.

[خالد بن محمد]

وبعدين والله مادري يمكن الرجال يكون غلطان انت صادق ياخالد والبعير يقول انه على مشعوفان الفصام وعليه مطيرق صغير خلاف العين من يسار ((ناظر)) والظاهر انها عزله وعليه مطرق بالطول على العضد من يسار والظاهر انه كوي على ظلاع والله مدري لكن ان لقيت منه خبر انت واللا حد من الاعضاء الكرام لا يبخل علينا اما وصف البعير فالبعير طوله وسط واصهب وله غارب زين ونسنوس طيب وتنازل مطلاع ارقبته شوي وعقبه تساندها. ولحيه طافح وله غظروف خشم طيب واسبلته طيبه الوسط وله اطيمس حاد هذي علومه.

مسيك بالخير يا حمد

المغزل على الرقبه من يسار هذا وسم آل راكان وآل زوايا من المسارير من بني هاجر

والناظر وحن نسميه الدامع يخص ربع من آل راكان وهم في وادي العجمان وسوق الأحساء قريب منهم ..

إذا تقدر تصور الوسم يكون أفضل وبجيب لك خبره بإذن الله .. لأن فيه سهول ياسمون الوسم ذا بعد ..

[حمد محمد المري]

مرحبا يابو محمد وجعل عمرك طويل ولاهنت على هذا الاهتمام .. اللي خلاف عين البعير قرعة واللا مطيرق صغير على عظم العين بين العين والاذن من يسار وهذا انكاني ما زليت انه ناظر مهوب دامع اما الوسم فهو مغزل كبير فوق عطف الرقبه بينه وبين شحمة الاذن شبر واللا اقل شي بسيط بالشكل هذا ---l يعني المطرق الصغير بالطول من صوب شحمة الاذن والراس والمطرق الطويل مجرور من المطرق القصير يمين بالعرض من صوب الرقبة.... والمغزل مامعه شي لارقم ولا غيرها..... انا ماني بحول البل بعيد منها لكن بروح لها ذالايام وبصور البعير وبصور وسمه وبحطه لك انشالله وبيض الله وجهك على كل الاحوال .

[خالد بن محمد]

مرحبا يابو محمد وجعل عمرك طويل ولاهنت على هذا الاهتمام .. اللي خلاف عين البعير قرعة واللا مطيرق صغير على عظم العين بين العين والاذن من يسار وهذا انكاني ما زليت انه ناظر مهوب دامع اما الوسم فهو مغزل كبير فوق عطف الرقبه بينه وبين شحمة الاذن شبر واللا اقل شي بسيط بالشكل هذا ---l يعني المطرق الصغير بالطول من صوب شحمة الاذن والراس والمطرق الطويل مجرور من المطرق القصير يمين بالعرض من صوب الرقبة.... والمغزل مامعه شي لارقم ولا غيرها..... انا ماني بحول البل بعيد منها لكن بروح لها ذالايام وبصور البعير وبصور وسمه وبحطه لك انشالله وبيض الله وجهك على كل الاحوال .

الوسم ذا على كلامك وشرحك للوسم وسم الربع اللي أنا قلته لك ..

وأنا حاضر لأي شي ياحمد..

[حمد محمد المري]

ماحضرلك شر وجعلك تسلم على كل حال ان قدرت تنشد منهم حد ترا مهيب شينه :)

[محمد ابو عدوة]

مرحبا يابو محمد والمغزل على عطف الرقبة من يسار والرقمه حدره هذا وسم الشراهين من المخضبة بني هاجر .

[خالد ال حثيث الحبابي]

ارحب ياحمد وصحيح ال حميدان وسمهم المغزل على الرقبه من يسار لكن من وين شريت البعيراي منطقه واذا تبي تنشد حميداني عن البعير ادخل منتدى الحباب وانشد عن راعيه...

[حمد محمد المري]

مرحبا ياخالد البعير شريته من شريطي فالحسا ويقول انه شاريه من دوسري والدوسري شاريه من قحطاني ويقول ان البعير على مشعوفان الفصام وانا مالقيت على البعير اللا الوسم المذكور

[حمد محمد المري]

انا رحت لمنتدى الحباب ياخالد ولاعينت قسم مختص للبل وانت اذا تقدر تنشد حد منهم وترد لي خبر تسوي فينا خير جعل شيبانك الجنه

[محمد بن حمد القحطاني]

السلام عليكم


ابو محمد

مدري حصلت أعلوم عن بعيرك ؟؟

ياليت تفيدنا اذا عرفت من كان عنده ؟؟ومن هو وسمه الي عليه

[محمد الوهبي التميمي]

بيضالله وجيه الاخوان صدق مافيهم حيله

[ذياب السهلي]

الاخ حمد المري
الرجاء الاتصال على هذا الجوال 0530999317
بخصوص وسم البعير

[حسين الحبابي]

الوسم هذا ياسمه ثلاثة قبايل من الحباب وقبيلة من عبيده
وسم ال حميدان قرب شحمة الاذن ويا قرب وسم ال العبد له ومن ثم ال حسناء
أما ال معمر عبيده فـ حطونه قرب حنوة الرقبة وكبير

المعذرة ع التأخير في الرد يا بو محمد واتمنى انك عينت علوم البعير

[حمد محمد المري]

لاهنت ياحسين وبيظ الله وجهك ووجه من يقرا والوسم ياقربه من وسم ال معمر لان المغزل كبير ومن فوق حنوة الرقبة بينها وبين شحمة الاذن يعني فالوسط لكن هل ال معمر يحطون شي غير المغزل واللا المغزل معه شي من الرقم