المساعد الشخصي الرقمي

مشاهدة النسخة كاملة : القعود وش علاجه يالربع

فهد بن عبداللطيف بن شديًد
11 / 03 / 2007, 17 : 12 PM
السلام عليكم ورحمة الله,,,
مانستغني يااخوان عن رايكم وفزعتكم عندي الله يسلمكم قعود لعب فيه الجرب وحالته رديه عطيته ابرة الجرب ديكتوماكس على جرعتين ودهنته بالجارة , راح الجرب عن الجلد ولكن بقى ضعيف مع اني مكرمه وبعد فترة جاه ورم في نحره وكتفه ومع الدهان زال ورم الكتف وخف ورم النحر والحين راح ست شهور وهو احسن لكن لايزال ضعيف جدا والورم اللي في نحره باقي..... اسعفونا بالراي الله يجزاكم خير
فهد القحطاني
11 / 03 / 2007, 42 : 12 PM
الأخ فهد

حياك الله

كم عمر القعود

هل أعطيته حبوب الدود

هل هو يأكل اللي تعطيه مثل الخبز وغيره
فهد بن عبداللطيف بن شديًد
11 / 03 / 2007, 59 : 12 PM
الاخ / فهد شكرا لسرعة تجاوبك الله يجعلها في ميزان حسناتك
بخصوص القعود فهو لقي زادعلى الثلاث سنين اربع اوخمس شهور ولا عطيته حبوب الدود وهوسلمك الله ياكل ماجاه وباله زين
فيصل بن مرخان
11 / 03 / 2007, 41 : 03 PM
الاخ فهد
ماهو الطعام الذي تطعمه
القعود في السن هذا يحتاج الى غذاء ولا يضهر عليه التغذيه الا اذا صار ثني ...
تحياتي
فهد القحطاني
12 / 03 / 2007, 42 : 07 AM
أخي فهد بن شديد
مادام القعود يأكل اللي تعطيه فاتبع الوصفة التاليه

أولاً : عطه حبوب الدود


ثانياً: عوده على أكل خبز الصامولي من يدك لمدة يومين ثم خذلك ثوم وفرق فصوص الثوم ثم حط فص الثوم الصغير وسط الصامولي وأعطه القعود لعله يأكله وإذا كلاه فاستمر على ذلك لمدة يومين كذلك وكل يوم زود لك فصل ثوم ولاتكثر الثوم عليه يومياً ثم يعيفه ترى الثوم يقضي على جميع الأمراض بإذن الله وإذا لم يأكل الثوم في خبز الصامولي عطه الثوم في عجينه وهو مدسوس وسطها عساه يأكله.

المدة تقريباً شهر على استعمال الثوم

وإذا فيه أستفسار فارسل رقم جوالك

وتقبل خالص تحياتي،،،
فهد بن عبداللطيف بن شديًد
13 / 03 / 2007, 09 : 12 PM
الاخ فيصل/ بالنسبة لغذاه فهو مكعب الوافي وبرسيم واحيانا رودس..... وترى الضعف اللي فيه مهوب ضعف جوع الله العالم انه ضعف مرض
بيض الله وجهك ورحم الله والديك

الاخ فهد/ بسوي اللي قلته والله يكتب اللي فيه الخير...
بيض الله وجهك ياخوي ورحم الله والديك
فيصل بن مرخان
13 / 03 / 2007, 05 : 02 PM
الاخ فهد
قلل الوافي وكثر البرسيم
ملاحظه ..احتمال يكون هيام
تحياتي
فهد بن عبداللطيف بن شديًد
13 / 03 / 2007, 59 : 02 PM
معليش اخوي فيصل تحملني ونا اخوك كثرت عليك
ان كان اللي به هيام وش الجرعة المقترحة؟
علي ال مرعي
13 / 03 / 2007, 48 : 11 PM
الاخ فهد مثل ماقال القحطاني استعمل الثوم وانا مجربه وان شاءالله انه ينفع.
فهد بن عبداللطيف بن شديًد
17 / 03 / 2007, 02 : 07 AM
مشكور اخوي علي...... فعلا بديت بالثوم والله ينفع به